ਪੁਲਿਸ ਦੀ ਨਿਗਰਾਨੀ ਹੇਠ ਲੋਕਾਂ ਨੇ ਫੁੱਟਪਾਥ ਤੇ ਹੀ ਪੈਸਾ ਗਿਣਿਆ
ਤਾਮਿਲਨਾਡੂ- ਆਏ ਦਿਨ ਕੋਈ ਅਜੀਬੋ ਗਰੀਬ ਖ਼ਬਰ ਸਾਹਮਣੇ ਆਈ ਹੀ ਰਹਿੰਦੀ ਹੈ ਤੇ ਹੁਣ ਇਕ ਅਜਿਹੀ ਖ਼ਬਰ ਸਾਹਮਣੇ ਆਈ ਹੈ ਜਿਸ ਨੂੰ ਦੇਖ ਕੇ ਲੋਕਾਂ ਦੇ ਹੋਸ ਹੀ ਉੱਡ ਗਏ। ਇਹ ਖ਼ਬਰ ਤਾਮਿਲਨਾਡੂ ਦੇ ਕਿਸੇ ਸ਼ਹਿਰ ਦੀ ਦੱਸੀ ਜਾ ਰਹੀ ਹੈ ਜਿੱਥੇ ਇਕ ਭਿਖਾਰੀ ਦੇ ਥੈਲੇ ਵਿਚੋਂ ਉਸ ਦੀ ਮੌਤ ਤੋਂ ਬਾਅਦ 2 ਕਰੋੜ ਤੋਂ ਵੀ ਜ਼ਿਆਦਾ ਪੈਸੇ ਨਿਕਲੇ ਹਨ। ਭਿਖਾਰੀ ਦੀ ਲਾਸ਼ ਕੋਲ ਖੜੇ ਲੋਕ ਇਹ ਸਭ ਦੇਖ ਕੇ ਹੈਰਾਨ ਰਹਿ ਗਏ।
ਦੱਸ ਦਈਏ ਕਿ ਥੈਲੇ ਵਿਚੋਂ ਨਿਕਲੇ ਪੈਸੇ ਦੇਖ ਇੱਕ ਵਾਰ ਤਾਂ ਸਭ ਦੇ ਹੋਸ਼ ਉੱਡ ਗਏ, ਮੌਕੇ ਤੇ ਪਹੁੰਚੀ ਪੁਲਿਸ ਦੀ ਨਿਗਰਾਨੀ ਹੇਠ ਲੋਕਾਂ ਨੇ ਫੁੱਟਪਾਥ ਤੇ ਹੀ ਸਾਰਾ ਪੈਸੇ ਗਿਨਣਾ ਸ਼ੁਰੂ ਕਰ ਦਿੱਤਾ। ਇਸ ਦੀ ਇਕ ਵੀਡੀਓ ਵੀ ਵਾਇਰਲ ਹੋਈ ਹੈ। ਭਿਖਾਰੀ ਦੀ ਲਾਸ਼ ਵੀ ਪਈ ਸਾਫ਼ ਦਿਖਾਈ ਦੇ ਰਹੀ ਹੈ ਅਤੇ ਕੁਝ ਵਿਅਕਤੀ ਉਸਦੀ ਝੋਂਪੜੀ ਵਿਚ ਹੋਰ ਸਮਾਨ ਦੀ ਤਲਾਸ਼ੀ ਲੈਂਦੇ ਵੀ ਦਿਖਾਈ ਦੇ ਰਹੇ ਹਨ।
ਭਿਖਾਰੀ ਕੋਲ ਛੋਟੇ ਨੋਟ ਹੋਣ ਕਾਰਨ ਕੈਸ਼ ਗਿਣਨ ਵਿਚ ਕਾਫੀ ਸਮਾਂ ਲੱਗ ਗਿਆ। ਭਿਖਾਰੀ ਦੀ ਮੌਤ ਦੇ ਕਾਰਨਾਂ ਦਾ ਫਿਲਹਾਲ ਪਤਾ ਨਹੀਂ ਚਲ ਸਕਿਆ। ਪੁਲਿਸ ਨੇ ਸਾਰਾ ਪੈਸੇ ਕਬਜ਼ੇ 'ਚ ਲੈ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
