ਭਿਆਨਿਕ ਚੱਕਰਵਾਤ ਤੂਫਾਨ ‘ਗਾਜਾ ਸ਼ੁੱਕਰਵਾਰ ਸਵੇਰੇ ਨਾਗਪੱਟੀਨਮ ਅਤੇ ਵੇਦਾਰੰਣਿਇਮ ਦੇ ਵਿਚ ਤਮਿਲਨਾਡੂ ਤਟ ਤੋਂ ਗੁਜ਼ਰਿਆ। ਉਸ ਸਮੇਂ ਹਵਾ ਦੀ ਰਫਤਾਰ ਕਰੀਬ 120 ...
ਤਾਮਿਲਨਾਡੂ (ਪੀਟੀਆਈ) :- ਭਿਆਨਿਕ ਚੱਕਰਵਾਤ ਤੂਫਾਨ ‘ਗਾਜਾ ਸ਼ੁੱਕਰਵਾਰ ਸਵੇਰੇ ਨਾਗਪੱਟੀਨਮ ਅਤੇ ਵੇਦਾਰੰਣਿਇਮ ਦੇ ਵਿਚ ਤਮਿਲਨਾਡੂ ਤਟ ਤੋਂ ਗੁਜ਼ਰਿਆ। ਉਸ ਸਮੇਂ ਹਵਾ ਦੀ ਰਫਤਾਰ ਕਰੀਬ 120 ਕਿਲੋਮੀਟਰ ਪ੍ਰਤੀ ਘੰਟਾ ਸੀ। ਤਮਿਲਨਾਡੂ ਰਾਜ ਆਪਦਾ ਪ੍ਰਬੰਧਨ ਅਥਾਰਟੀ ਦੇ ਅਨੁਸਾਰ ਹੇਠਲੇ ਇਲਾਕਿਆਂ ਤੋਂ 76,290 ਲੋਕਾਂ ਨੂੰ ਸੁਰੱਖਿਅਤ ਜਗ੍ਹਾਵਾਂ ਉੱਤੇ ਪਹੁੰਚਾਇਆ ਗਿਆ ਹੈ।
Just got information that 11 persons have died because of #GajaCyclone till now. Government to give 10 lakh rupees to the kin of the deceased, 1 lakh rupees to those severely injured & 25 thousand to those who received minor injuries: Tamil Nadu CM E Palaniswamy pic.twitter.com/e7V75Oa2Jn
— ANI (@ANI) November 16, 2018
ਇਨ੍ਹਾਂ ਸਾਰਿਆਂ ਨੂੰ ਨਾਗਪੱਟਿਨਮ, ਪੁਦੁਕੋੱਟਈ, ਰਾਮਨਾਥਪੁਰਮ ਅਤੇ ਤੀਰੂਵਰੂਰ ਸਮੇਤ ਛੇ ਜ਼ਿਲਿਆਂ ਵਿਚ ਸਥਾਪਤ 300 ਤੋਂ ਜ਼ਿਆਦਾ ਰਾਹਤ ਕੈਂਪ ਵਿਚ ਰੱਖਿਆ ਗਿਆ ਹੈ। ਨਾਗਪੱਟੀਨਮ ਦੇ ਵਿਦਿਅਕ ਸੰਸਥਾਵਾਂ ਵਿਚ ਛੁੱਟੀ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਭਾਰਤ ਮੌਸਮ ਵਿਗਿਆਨ ਵਿਭਾਗ ਤੋਂ ਜਾਰੀ ਬੁਲੇਟਿਨ ਵਿਚ ਕਿਹਾ ਗਿਆ ਹੈ ਕਿ ਗੰਭੀਰ ਚਕਰਵਾਤੀ ਤੂਫਾਨ ‘ਗਾਜਾ' ਸ਼ੁੱਕਰਵਾਰ ਦੀ ਸਵੇਰੇ ਨਾਗਪੱਟੀਨਮ ਅਤੇ ਵੇਦਾਰੰਣਿਇਮ ਦੇ ਵਿਚ ਤਮਿਲਨਾਡੂ ਅਤੇ ਪੁਡੁਚੇਰੀ ਤਟ ਤੋਂ ਗੁਜਰਿਆ।
ਇਸ ਦੌਰਾਨ ਹਵਾ ਦੀ ਰਫ਼ਤਾਰ 100 - 110 ਕਿਲੋਮੀਟਰ ਪ੍ਰਤੀ ਘੰਟਾ ਦੇ ਵਿਚ ਸੀ ਜੋ ਵਧ ਕੇ 120 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਪਹੁੰਚ ਗਈ। ਤਮਿਲਨਾਡੂ ਦੇ ਮੁੱਖ ਮੰਤਰੀ ਈ ਪਲਾਨੀਸਾਮੀ ਨੇ ਗਾਜਾ ਸਾਇਕਲੋਨ ਦੇ ਮੁੱਦੇ ਉੱਤੇ ਗੱਲ ਕਰਦੇ ਹੋਏ ਕਿਹਾ ਕਿ ਹੁਣ ਤੱਕ ਇਸ ਚਕਰਵਾਤੀ ਤੂਫਾਨ ਨਾਲ 11 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਸਰਕਾਰ ਨੇ ਮ੍ਰਿਤਕ ਦੇ ਪਰਵਾਰਾਂ ਨੂੰ 10 ਲੱਖ ਰੁਪਏ ਦੀ ਮਦਦ ਦਾ ਐਲਾਨ ਕੀਤਾ ਹੈ।
Cyclone Gaja
ਇਸ ਚਕਰਵਾਤੀ ਤੂਫਾਨ ਵਿਚ ਜੋ ਲੋਗ ਗੰਭੀਰ ਰੂਪ ਨਾਲ ਜਖ਼ਮੀ ਹੋਏ ਹਨ, ਉਨ੍ਹਾਂ ਨੂੰ 1 ਲੱਖ ਅਤੇ ਮਾਮੂਲੀ ਰੂਪ ਨਾਲ ਜਖ਼ਮੀ ਹੋਏ ਲੋਕਾਂ ਨੂੰ 25 ਹਜਾਰ ਰੁਪਏ ਦਾ ਮੁਆਵਜਾ ਦਿੱਤਾ ਜਾਵੇਗਾ। ਚੇਨਈ ਵਿਚ ਮੌਸਮ ਵਿਭਾਗ ਨੇ ਦੱਸਿਆ ਕਿ ਸ਼ੁੱਕਰਵਾਰ ਸਵੇਰੇ ਸਾਢੇ ਪੰਜ ਵਜੇ ਤੱਕ ਕਡਲੂਰ ਵਿਚ ਅੱਠ ਸੈਂਟੀਮੀਟਰ ਮੀਂਹ ਪਿਆ ਜਦੋਂ ਕਿ ਨਾਗਪੱਟੀਨਮ ਵਿਚ ਪੰਜ, ਪੁਡੁਚੇਰੀ ਅਤੇ ਕਰਾਈਕਲ ਵਿਚ ਵੀ ਪੰਜ - ਪੰਜ ਸੈਂਟੀਮੀਟਰ ਵਰਖਾ ਹੋਈ।
Cyclone Gaja
ਤਮਿਲਨਾਡੂ ਰਾਜ ਆਫ਼ਤ ਪ੍ਰਬੰਧਨ ਅਥਾਰਟੀ ਦੇ ਅਨੁਸਾਰ ਹੇਠਲੇ ਇਲਾਕਿਆਂ ਤੋਂ ਤਕਰੀਬਨ 80 ਹਜ਼ਾਰ ਲੋਕਾਂ ਨੂੰ ਸੁਰੱਖਿਅਤ ਜਗ੍ਹਾਵਾਂ ਉੱਤੇ ਪਹੁੰਚਾਇਆ ਗਿਆ ਹੈ। ਕਡਲੂਰ, ਨਾਗਪੱਟੀਨਮ, ਪੁਦੁਕੋੱਟਈ, ਰਾਮਨਾਥਪੁਰਮ, ਤੀਰੂਵਰੂਰ, ਤੰਜਾਵੁਰ ਵਿਚ ਸਥਾਪਤ 471 ਰਾਹਤ ਕੈਂਪਾਂ ਵਿਚ ਫਿਲਹਾਲ 81,948 ਲੋਕ ਰਹਿ ਰਹੇ ਹਨ।
