ਲੇਬਰ ਬਿਊਰੋ ਨੇ ਜਾਂਚ ਵਿਚ ਬੈਂਕ ਨੂੰ ਲੇਬਰ ਕਾਨੂੰਨ ਦੀ ਉਲੰਘਣਾ ਦਾ ਦੋਸ਼ੀ ਪਾਇਆ।
ਨਵੀਂ ਦਿੱਲੀ: ਅਕਸਰ ਕਰਮਚਾਰੀ ਛੁੱਟੀ ਲੈਣ ਦੇ ਬਹਾਨੇ ਤਰ੍ਹਾਂ ਤਰ੍ਹਾਂ ਦੇ ਬਹਾਨੇ ਲਗਾਉਂਦੇ ਹਨ ਪਰ ਤਾਇਵਾਨ ਦੇ ਇੱਕ ਆਦਮੀ ਨੇ ਅਨੋਖਾ ਹੀ ਕਾਰਜ ਕੀਤਾ ਜੋ ਕਦੇ ਕਿਸੇ ਨੇ ਨਹੀਂ ਹੋਣਾ। ਦਫਤਰ ਤੋਂ ਛੁੱਟੀ ਲੈਣ ਦੇ ਬਹਾਨੇ ਲਈ ਤਾਇਵਾਨ ਦੇ ਇੱਕ ਆਦਮੀ ਨੇ ਮਹਿਲਾ ਨਾਲ ਮਹਿਜ਼ 37 ਦਿਨਾਂ 'ਚ ਚਾਰ ਵਾਰ ਵਿਆਹ ਕਰਕੇ ਤਿੰਨ ਵਾਰ ਤਲਾਕ ਦੇ ਦਿੱਤਾ। ਦੱਸ ਦੇਈਏ ਕਿ ਤਾਇਪੋਈ ਦੇ ਇੱਕ ਬੈਂਕ 'ਚ ਇਸ ਕਲਰਕ ਨੇ ਜਦੋਂ ਪਹਿਲੀ ਵਾਰ ਅਪਲਾਈ ਕੀਤਾ ਤਾਂ ਵਿਆਹ ਲਈ ਅੱਠ ਦਿਨ ਦੀ ਛੁੱਟੀ ਮਿਲ ਗਈ।
Marriage
ਇਸ ਤੋਂ ਬਾਅਦ ਛੇ ਅਪ੍ਰੈਲ, 2020 ਨੂੰ ਵਿਆਹ ਕਰਨ ਮਗਰੋਂ ਜਦੋਂ ਛੁੱਟੀਆਂ ਖਤਮ ਹੋਈਆਂ ਤਾਂ ਪਤਨੀ ਨੂੰ ਤਲਾਕ ਦੇ ਦਿੱਤਾ। ਫਿਰ ਅਗਲੇ ਹੀ ਦਿਨ ਵਿਆਹ ਰਚਾ ਕੇ ਛੁੱਟੀਆ ਮੰਗ ਲਈਆਂ। ਕਲਰਕ ਦਾ ਕਹਿਣਾ ਸੀ ਕਿ ਉਹ ਕਾਨੂੰਨੀ ਤੌਰ 'ਤੇ ਛੁੱਟੀਆਂ ਦਾ ਹੱਕਦਾਰ ਹੈ। ਇਸ ਤਰ੍ਹਾਂ ਚਾਰ ਵਾਰ ਵਿਆਹ ਤੇ ਤਿੰਨ ਵਾਰ ਤਲਾਕ ਜ਼ਰੀਏ 32 ਛੁੱਟੀਆਂ ਲੈਣ 'ਚ ਉਹ ਕਾਮਯਾਬ ਰਿਹਾ।
Bank
ਛੁੱਟੀਆਂ ਲੈਣ ਵਿਚ ਕਾਮਯਾਬ ਹੋਣ ਤੋਂ ਬਾਅਦ ਇਸ ਗੱਲ ਦਾ ਬੈਂਕ ਵਾਲਿਆਂ ਨੂੰ ਪਤਾ ਲੱਗ ਗਿਆ। ਇਸ ਤੋਂ ਬਾਅਦ ਮਾਮਲਾ ਕੋਰਟ ਵਿਚ ਪਹੁੰਚ ਗਿਆ। ਕਾਨੂੰਨ ਮੁਤਾਬਿਕ ਹਰ ਇਕ ਕਰਮਚਾਰੀ ਵਿਆਹ ਲਈ ਅੱਠ ਦਿਨ ਦੀ ਛੁੱਟੀ ਦਾ ਹੱਕਦਾਰ ਹੈ ਪਰ ਉਸ ਆਦਮੀ ਨੇ 32 ਛੁੱਟੀਆਂ ਲਈਆਂ। ਲੇਬਰ ਬਿਊਰੋ ਨੇ ਜਾਂਚ ਵਿਚ ਬੈਂਕ ਨੂੰ ਲੇਬਰ ਕਾਨੂੰਨ ਦੀ ਉਲੰਘਣਾ ਦਾ ਦੋਸ਼ੀ ਪਾਇਆ।
