ਅੱਜ ਕੱਲ ਪੂਰੇ ਵਿਸ਼ਵ ਵਿਚ ਕੋਈ ਵੀ ਕਰੋਨਾ ਵਾਇਰਸ ਬਾਰੇ ਸੁਣਦਿਆਂ ਹੀ ਸਹਿਮ ਜਾਂਦਾ ਹੈ, ਪਰ ਉੱਥੇ ਹੀ ਰਾਜਸਥਾਨ ਵਿਚ ਇੱਕ ਅਜਿਹਾ ਵਿਅਕਤੀ ਵੀ ਹੈ।
ਅੱਜ ਕੱਲ ਪੂਰੇ ਵਿਸ਼ਵ ਵਿਚ ਕੋਈ ਵੀ ਕਰੋਨਾ ਵਾਇਰਸ ਬਾਰੇ ਸੁਣਦਿਆਂ ਹੀ ਸਹਿਮ ਜਾਂਦਾ ਹੈ, ਪਰ ਉੱਥੇ ਹੀ ਰਾਜਸਥਾਨ ਵਿਚ ਇੱਕ ਅਜਿਹਾ ਵਿਅਕਤੀ ਵੀ ਹੈ ਜਿਹੜਾ ਆਪਣੀ ਜਾਨ ਹਥੇਲੀ ਤੇ ਰੱਖ ਕੇ ਕਰੋਨਾ ਵਾਇਰਸ ਨਾਲ ਮਰਨ ਵਾਲੇ ਲੋਕਾਂ ਦਾ ਅੰਤਿਮ ਸਸਕਾਰ ਕਰਦਾ ਹੈ। ਜੈਪੁਰ ਦੇ ਸਬਾਈ ਮਾਨਸਿੰਘ ਹਸਪਤਾਲ ਦੇ ਮੁਰਦਾ ਘਰ ਵਿਚ ਸੁਪਰਵਾਈਜ਼ਰ ਵਿਸ਼ਨੂੰ ਜੋ ਕਿ ਪਹਿਲਾ ਕਦੇ ਵੀ ਕਬਰਸਤਾਨ ਵਿਚ ਨਹੀਂ ਗਏ ਸੀ, ਪਰ ਅੱਜ-ਕੱਲ ਕਰੋਨਾ ਦੇ ਇਸ ਗੰਭੀਰ ਸਮੇਂ ਵਿਚ ਇੱਥੇ ਅਹਿਮ ਰੋਲ ਨਿਭਾਅ ਰਹੇ ਹਨ। ਦੋ ਮਹੀਨੇ ਤੋਂ ਉਹ ਆਪਣੇ ਘਰ ਨਹੀਂ ਗਏ ਸਿਰਫ ਫੋਨ ਜ਼ਰੀਏ ਹੀ ਆਪਣੇ ਘਰ ਵਾਲਿਆਂ ਨਾਲ ਗੱਲਬਾਤ ਕਰਦੇ ਹਨ।
photo
ਦੱਸ ਦੱਈਏ ਕਿ ਮਾਨਸਿੰਘ ਹਸਪਤਾਲ ਇੰਨੀ ਦਿਨੀਂ ਕਰੋਨਾ ਵਾਇਰਸ ਦੇ ਮਰੀਜ਼ਾਂ ਦੇ ਇਲਾਜ਼ ਲਈ ਸਭ ਤੋਂ ਵੱਡਾ ਕੇਂਦਰ ਬਣਿਆ ਹੋਇਆ ਹੈ। ਰਾਜਸਥਾਨ ਵਿਚ ਕਰੋਨਾ ਕਰਕੇ ਬੁੱਧਵਾਰ ਤੱਕ 125 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਜਿਨ੍ਹਾਂ ਵਿਚੋਂ 64 ਮੌਤਾਂ ਜੈਪੁਰ ਵਿਚ ਹੋਈਆਂ ਹਨ। ਇਨ੍ਹਾਂ ਸਾਰਿਆਂ ਦਾ ਅੰਤਮ ਸੰਸਕਾਰ ਵਿਸ਼ਨੂੰ ਅਤੇ ਉਸਦੇ ਸਾਥੀ ਪੰਕਜ, ਮਨੀਸ਼, ਮੰਗਲ, ਅਰਜੁਨ, ਸੂਰਜ ਦੁਆਰਾ ਕੀਤਾ ਗਿਆ। ਕਰੋਨਾ ਮਹਾਂਮਾਰੀ ਨੇ ਉਨ੍ਹਾਂ ਨੂੰ ਅਜਿਹੀ ਜਿੰਮੇਵਾਰੀ ਸੰਭਾਲ ਦਿੱਤੀ ਹੈ ਜਿਸ ਨੂੰ ਸ਼ਾਇਦ ਕੋਈ ਨਾ ਕਰਨਾ ਚਾਹੇ, ਪਰ ਵਿਸ਼ਨੂੰ ਦੀ ਟੀਮ ਇਸ ਨੂੰ ਚੰਗੀ ਤਰ੍ਹਾਂ ਨਾਲ ਨਿਭਾਅ ਰਹੀ ਹੈ।
Corona Virus
ਇਸ ਲਈ ਵਿਸ਼ਨੂੰ ਅਤੇ ਉਸ ਦੇ ਸਾਥੀ ਘਰ ਜਾਣ ਦੀ ਬਜਾਏ ਹਸਪਤਾਲ ਕੋਲ ਬਣੀ ਇਕ ਧਰਮਸ਼ਾਲਾ ਵਿਚ ਹੀ ਰਹਿੰਦੇ ਹਨ। ਵਿਸ਼ਨੂੰ ਨੇ ਦੱਸਿਆ ਕਿ ਇੱਥੇ ਮਰਨ ਵਾਲੇ 64 ਲੋਕਾਂ ਵਿਚੋਂ 26 ਮੁਸਲਮਾਨ ਸਨ ਜਿਨ੍ਹਾਂ ਨੂੰ ਕਬਰਸਤਾਨ ਵਿਚ ਦਫ਼ਨਾਇਆ ਗਿਆ ਹੈ। ਉਸ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾ ਮੈਂ ਕਦੇ ਕਬਰਸਤਾਨ ਨਹੀਂ ਗਿਆ ਸੀ। ਇਸ ਤੋਂ ਇਲਾਵਾ ਵਿਸ਼ਨੂੰ ਦੇ ਘਰ ਉਸ ਦੇ ਤਿੰਨ ਸਾਲ ਦਾ ਬੇਟਾ ਅਤੇ ਛੇ ਮਹੀਨੇ ਦੀ ਬੇਟੀ ਵੀ ਹੈ ਜਿਨ੍ਹਾਂ ਨਾਲ ਉਹ ਪਿਛਲੇ 2 ਮਹੀਨੇ ਤੋਂ ਵੀਡੀਓ ਕਾੱਲ ਜ਼ਰੀਏ ਗੱਲ ਕਰਦਾ ਹੈ। ਵਿਸ਼ਨੂੰ ਨੇ ਦੱਸਿਆ ਕਿ ਕਰੋਨਾ ਪੌਜਟਿਵ ਮ੍ਰਿਤਕ ਦਾ ਅੰਤਿਮ ਸਸਕਾਰ ਉਸ ਦੇ ਪਰਿਵਾਰਕ ਮੈਂਬਰ ਨਹੀਂ ਕਰ ਸਕਦੇ। ਕਿਉਂਕਿ ਕੁਝ ਤਾਂ ਕਰੋਨਾ ਦੇ ਡਰ ਤੋਂ ਇਨ੍ਹਾਂ ਮ੍ਰਿਤਕਾਂ ਨੂੰ ਦੇਖਣ ਵੀ ਨਹੀਂ ਆਉਂਦੇ।
Covid 19
ਉਸ ਨੇ ਅੱਗੇ ਕਿਹਾ ਕਿ ਪਿਛਲੇ 13 ਸਸਕਾਰ ਵਿਚ ਮ੍ਰਿਤਕਾਂ ਦੇ ਪਰਿਵਾਰ ਦਾ ਕੋਈ ਮੈਂਬਰ ਨਹੀਂ ਸੀ। ਜਿਸ ਕਾਰਨ ਸਾਰਾ ਕੰਮ ਅਸੀਂ ਖੁਦ ਹੀ ਕੀਤਾ। ਵਿਸ਼ਨੂੰ ਨੇ ਦੱਸਿਆ ਕਿ ਹਾਲੇ ਵੀ 13 ਤੋਂ 14 ਕਰੋਨਾ ਪੌਜਟਿਵ ਮਰੀਜ਼ਾਂ ਦੀਆਂ ਅਸਥੀਆਂ ਨਾਮ ਲਿਖ ਕੇ ਰੱਖੀਆਂ ਪਈਆਂ ਹਨ, ਪਰ ਹਾਲੇ ਤੱਕ ਮ੍ਰਿਤਕਾ ਦੇ ਪਰਿਵਾਰਕ ਮੈਂਬਰ ਕਰੋਨਾ ਦੇ ਡਰ ਤੋਂ ਇਨ੍ਹਾਂ ਨੂੰ ਲੈਣ ਨਹੀਂ ਆਏ। ਵਿਸ਼ਨੂੰ ਨੇ ਕਿਹਾ ਕਿ ਮੈਂ 7 ਸਾਲ ਤੋਂ ਮੁਰਦਾ ਘਰ ਵਿਚ ਕੰਮ ਕਰਦਾ ਹਾਂ ਪਰ ਜਦੋਂ ਮੈਂ ਪਹਿਲੀ ਵਾਰ ਸਸਕਾਰ ਕਰਨ ਗਿਆ ਤਾਂ ਮੈਨੂੰ ਕਾਫੀ ਡਰ ਲੱਗਿਆ, ਪਰ ਹੁਣ ਸਾਰਾ ਡਰ ਨਿਕਲ ਚੁੱਕਿਆ ਹੈ। ਹਰ-ਰੋਜ਼ ਪੀਪੀਈ ਕਿੱਟ ਪਾ ਕੇ ਪਹਿਲਾਂ ਜਾਂਚ ਹੁੰਦੀ ਹੈ। ਇਸ ਤੋਂ ਇਲਾਵਾ ਵਿਸ਼ਨੂੰ ਅਤੇ ਉਨ੍ਹਾਂ ਦੇ ਟੀਮ ਮੈਂਬਰਾਂ ਦੀ ਕਰੋਨਾ ਰਿਪੋਰਟ ਹਾਲੇ ਤੱਕ ਨੈਗਟਿਵ ਹੈ।
COVID-19
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
