ਵਨਡੇ ਵਿਚ 7000 ਦੌੜਾਂ ਬਣਾਉਣ ਵਾਲੀ ਪਹਿਲੀ ਮਹਿਲਾ ਕ੍ਰਿਕਟਰ ਬਣੀ ਮਿਤਾਲੀ ਰਾਜ

ਨਵੀਂ ਦਿੱਲੀ: ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਕਪਤਾਨ ਮਿਤਾਲੀ ਰਾਜ ਨੇ ਮਹਿਲਾ ਵਨਡੇ ਕ੍ਰਿਕਟ ਵਿਚ ਇਕ ਹੋਰ ਵੱਡਾ ਰਿਕਾਰਡ ਅਪਣੇ ਨਾਮ ਕਰ ਲਿਆ ਹੈ। ਦਰਅਸਲ ਮਿਤਾਲੀ ਵਨਡੇ ਵਿਚ 7000 ਦੌੜਾਂ ਬਣਾਉਣ ਵਾਲੀ ਪਹਿਲੀ ਮਹਿਲਾ ਕ੍ਰਿਕਟਰ ਬਣ ਗਈ ਹੈ।

Mithali Raj

ਸਾਲ 1999 ਵਿਚ ਕ੍ਰਿਕਟ ਕੈਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਮਿਤਾਲੀ ਇੰਟਰਨੈਸ਼ਨਲ ਕ੍ਰਿਕਟ ਵਿਚ 10,000 ਦੌੜਾਂ ਬਣਾਉਣ ਵਾਲੀ ਦੁਨੀਆਂ ਦੀ ਦੂਜੀ ਮਹਿਲਾ ਕ੍ਰਿਕਟਰ ਹੈ ਤਾਂ ਉੱਥੇ ਹੀ ਉਹ ਭਾਰਤ ਦੀ ਪਹਿਲੀ ਮਹਿਲਾ ਕ੍ਰਿਕਟਰ ਬਣੀ ਸੀ। ਮਿਤਾਲੀ ਨੇ ਵਨਡੇ ਵਿਚ ਅਪਣੀਆਂ 7000 ਦੌੜਾਂ ਸਾਊਥ ਅਫਰੀਕਾ ਮਹਿਲਾ ਟੀਮ ਨਾਲ ਖੇਡੇ ਜਾ ਰਹੇ ਚੌਥੇ ਵਨਡੇ ਮੈਚ ਵਿਚ ਬਣਾਈਆਂ। ਮਿਤਾਲੀ 45 ਦੌੜਾਂ ਬਣਾ ਕੇ ਆਊਟ ਹੋਈ ਹੈ।

Mithali Raj becomes first woman to score 7,000 ODI runs

ਇਸ ਤੋਂ ਇਲਾਵਾ ਮਹਿਲਾ ਵਨਡੇ ਵਿਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੀ ਦੂਜੀ ਮਹਿਲਾ ਕ੍ਰਿਕਟਰ ਇੰਗਲੈਂਡ ਦੀ ਸ਼ਾਰਲੋਟ ਐਡਵਰਡਸ ਹੈ, ਜਿਸ ਦੇ ਨਾਂਅ ’ते 5992 ਦੌੜਾਂ ਦਰਜ ਹਨ। ਮਹਿਲਾ ਕ੍ਰਿਕਟ ਵਿਚ ਮਿਤਾਲੀ 6000 ਅਤੇ 7000 ਦੌੜਾਂ ਬਣਾਉਣ ਵਾਲੀ ਦੁਨੀਆਂ ਦੀ ਪਹਿਲੀ ਕ੍ਰਿਕਟਰ ਹੈ।

Mithali Raj becomes first woman to score 7,000 ODI runs

ਦੱਸ ਦਈਏ ਕਿ 1999 ਤੋਂ ਲੈ ਕੇ 2021 ਤੱਕ ਮਿਤਾਲੀ ਲਗਾਤਾਰ ਭਾਰਤੀ ਮਹਿਲਾ ਟੀਮ ਵੱਲੋਂ ਖੇਡ ਰਹੀ ਹੈ। ਮਿਤਾਲੀ ਵਨਡੇ ਵਿਚ ਭਾਰਤ ਵਲੋਂ ਸਭ ਤੋਂ ਜ਼ਿਆਦਾ ਸੈਂਕੜੇ ਲਗਾਉਣ ਵਾਲੀ ਕ੍ਰਿਕਟਰ ਵੀ ਹੈ। ਉਸ ਨੇ ਭਾਰਤ ਵੱਲੋਂ 7 ਸੈਂਕੜੇ ਲਗਾਏ ਹਨ।