ਕੇਂਦਰ ਸਰਕਾਰ ਖ਼ਿਲਾਫ਼ ਡੱਟੇ ਇਹ ਕਿਸਾਨਾਂ ਵਿੱਚੋ ਕੁਝ ਕੁ ਕਿਸਾਨ ਹੁਣ ਕੁੰਡਲ਼ੀ ਬਾਰਡਰ ਤੋਂ ਕਰੀਬ 10 km ਪਿੱਛੇ ਆਕੇ ਆਪਣਾ ਵਿਰੋਧ ਜਤਾ ਰਹੇ ਹਨ ।
ਨਵੀਂ ਦਿੱਲੀ: ਕਿਸਾਨਾਂ ਦਾ ਅੰਦੋਲਨ ਲਗਾਤਾਰ ਤੇਜ ਹੁੰਦਾ ਜਾ ਰਿਹਾ ਹੈ। ਬੀਤੇ ਦਿਨੀ ਮੀਹ ਪੈਣ ਨਾਲ ਠੰਡ ਲਗਾਤਾਰ ਵੱਧ ਰਹੀ ਹੈ ਜਿਸਨ ਨਾਲ ਹੁਣ ਕਿਸਾਨਾਂ ਦਾ ਸੰਘਰਸ਼ ਵੀ ਤੇਜ਼ੀ ਫੜਦਾ ਜਾ ਰਿਹਾ ਹੈ। ਬੀਤੀ ਰਾਤ ਤੋਂ ਕੁੰਡਲ਼ੀ ਬਾਰਡਰ ਤੇ ਸੰਘਣੀ ਧੁੰਦ ਛਾਈ ਹੋਈ ਹੈ ਤੇ ਬਾਰਸ਼ ਦੇ ਵੀ ਪੂਰੇ ਆਸਾਰ ਬਣੇ ਹੋਏ ਹਨ। ਪਰ ਇਸ ਦੇ ਬਾਵਜੂਦ ਵੀ ਕਿਸਾਨਾਂ ਵਿਚ ਪੂਰਾ ਜੋਸ਼ ਵੇਖਣ ਨੂੰ ਮਿਲਿਆ ਹੈ।
ਦੱਸ ਦੇਈਏ ਕਿ ਕੇਂਦਰ ਸਰਕਾਰ ਖ਼ਿਲਾਫ਼ ਡੱਟੇ ਇਹ ਕਿਸਾਨਾਂ ਵਿੱਚੋ ਕੁਝ ਕੁ ਕਿਸਾਨ ਹੁਣ ਕੁੰਡਲ਼ੀ ਬਾਰਡਰ ਤੋਂ ਕਰੀਬ 10 km ਪਿੱਛੇ ਆਕੇ ਆਪਣਾ ਵਿਰੋਧ ਜਤਾ ਰਹੇ ਹਨ। ਕਿਸਾਨਾਂ ਵੱਲੋਂ ਜਿੱਥੇ ਆਮ ਪਬਲਿਕ ਨੂੰ ਲੰਘਾਇਆ ਜਾ ਰਿਹਾ ਹੈ। ਠੰਢ 'ਚ ਵਾਧਾ ਹੋਣ ਕਾਰਨ ਕਿਸਾਨ ਟ੍ਰਾਲੀਆਂ 'ਚ ਬੈਠੇ ਹੋਏ ਹਨ ਪਰ ਇਸਦੇ ਬਾਵਜੂਦ ਸ਼ਨੀਵਾਰ ਅਤੇ ਐਤਵਾਰ ਦੀਆ ਛੁੱਟੀਆਂ ਹੋਣ ਕਰਕੇ ਬਹੁਤ ਵੱਡੀ ਮਾਤਰਾ 'ਚ ਦੁਨੀਆ ਸੰਘਰਸ਼ 'ਚ ਸ਼ਮੂਲੀਅਤ ਕਰ ਰਹੀ ਹੈ।
ਜਿਕਰਯੋਗ ਹੈ ਕਿ ਕਿਸਾਨੀ ਮੋਰਚੇ ਕਾਰਨ ਕੁੰਡਲ਼ੀ ਬਾਰਡਰ ਨੈਸ਼ਨਲ ਹਾਈਵੇ ਜਾਮ ਹੈ। ਜਿਸ ਕਾਰਨ ਹਰਿਆਣਾ ਪੁਲਿਸ ਵੱਲੋਂ ਦਿੱਲੀ ਜੈਪੁਰ ਜਾਂ ਹੋਰ ਥਾਂਵਾਂ ਤੇ ਪਹੁੰਚਣ ਵਾਲੇ ਲੋਕਾਂ ਲਈ ਰਾਹ ਤਬਦੀਲ ਕੀਤਾ ਹੋਇਆ ਹੈ।
