ਦਿੱਲੀ 'ਚ ਹੁਮਸ ਭਰੀ ਸਵੇਰ ਨਾਲ ਹੋਈ ਦਿਨ ਦੀ ਸ਼ੁਰੁਆਤ...

ਦਿੱਲੀ 'ਚ ਹੁਮਸ ਭਰੀ ਸਵੇਰ ਨਾਲ ਹੋਈ ਦਿਨ ਦੀ ਸ਼ੁਰੁਆਤ

ਨਵੀਂ ਦਿੱਲੀ, 12 ਮਈ : ਰਾਜਧਾਨੀ ਦਿੱਲੀ ਵਿਚ ਸਨਿਚਰਵਾਰ ਦੀ ਸ਼ੁਰੂਆਤ ਹੁਮਸ ਭਰੀ ਸਵੇਰ ਨਾਲ ਹੋਈ। ਮੌਸਮ ਵਿਗਿਆਨੀ ਨੇ ਦਿਨ ਦੇ ਅਾਖ਼ਿਰ ਵਿਚ ਧੂੜ ਭਰੀ ਹਨੇਰੀ ਦਾ ਅਨੁਮਾਨ ਲਗਾਇਆ ਹੈ। ਮੌਸਮ ਵਿਭਾਗ ਦੇ ਇਕ ਅਧਿਕਾਰੀ ਨੇ ਦਸਿਆ ਕਿ ਸਨਿਚਰਵਾਰ ਸਵੇਰੇ 8.30 ਵਜੇ ਹੇਠਲਾ ਤਾਪਮਾਨ 26.7 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ, ਜੋ ਅਾਮ ਤੋਂ ਇਕ ਡਿਗਰੀ ਉਤੇ ਹੈ ਜਦੋਂ ਕਿ ਆਦਰਰਤਾ ਦਾ ਪੱਧਰ 59 ਫ਼ੀ ਸਦੀ ਦਰਜ ਕੀਤਾ ਗਿਆ। ਮੌਸਮ ਵਿਗਿਆਨੀ ਨੇ ਦਿਨ ਭਰ ਅਸਮਾਨ ਵਿਚ ਬੱਦਲ ਛਾਏ ਰਹਿਣ ਅਤੇ ਦਿਨ  ਦੇ ਅਖੀਰ ਵਿਚ ਧੂੜ ਭਰੀ ਹਨ੍ਹੇਰੀ ਆਉਣ ਦਾ ਅਨੁਮਾਨ ਕੀਤਾ ਹੈ। ਅਧਿਕਾਰੀ ਨੇ ਦਸਿਆ ਕਿ ਜਿਆਦਾਤਰ ਤਾਪਮਾਨ 43 ਡਿਗਰੀ ਰਹਿਣ ਦੀ ਸੰਭਾਵਨਾ ਹੈ। ਸ਼ੁਕਰਵਾਰ ਦਿੱਲੀ ਵਿਚ ਇਸ ਸੀਜਨ ਦਾ ਸੱਭ ਤੋਂ ਗਰਮ ਦਿਨ ਰਿਹਾ। ਦਿੱਲੀ ਦਾ ਜਿਆਦਾਤਰ ਤਾਪਮਾਨ ਸੀਜਨ ਦੇ ਆਮ ਵਰਗੇ ਦਿਨ ਤੋਂ ਤਿੰਨ ਡਿਗਰੀ ਜਿਆਦਾ 42.8 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ ਸੀ।

ਵਿਆਹ ਸਮਾਗਮ ਚੋਂ ਚੁਕ ਕੇ ਸੱਤ ਸਾਲਾ ਬੱਚੀ ਨਾਲ ਬਲਾਤਕਾਰ

ਸ਼ਾਹਜਹਾਂਪੁਰ, 12 ਮਈ : ਜ਼ਿਲ੍ਹੇ ਵਿਚ ਇੱਕ ਵਿਆਹ ਸਮਾਗਮ ਤੋਂ ਸੱਤ ਸਾਲ ਦੀ ਇਕ ਬੱਚੀ ਨੂੰ ਚੁਕ ਕੇ ਉਸ ਨਾਲ ਕਥਿਤ ਰੂਪ ਨਾਲ ਬਲਾਤਕਾਰ ਕੀਤੇ ਜਾਣ ਦੇ ਸਬੰਧ ਵਿਚ ਪੁਲਿਸ ਨੇ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਬੱਚੀ ਨੂੰ ਗੰਭੀਰ ਹਾਲਤ ਵਿਚ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ। ਪੁਲਿਸ ਅਧਿਕਾਰੀ ਨਗਰ ਸੁਮਿਤ ਸ਼ੁਕਲਾ ਨੇ ਦਸਿਆ ਕਿ ਸ਼ੁੱਕਰਵਾਰ ਰਾਤ ਨੂੰ ਥਾਣਾ ਰਾਮਚੰਦਰ ਮਿਸ਼ਨ ਖੇਤਰ ਵਿਚ ਇਕ ਵਿਅਕਤੀ ਦੇ ਘਰ ਉਸ ਦੀ ਚਚੇਰੀ ਭੈਣ ਦੀ ਬਰਾਤ ਆਈ ਸੀ। ਘਰ ਵਾਲਿਆਂ ਨੇ ਰਾਤ 12 ਵਜੇ ਸਾਰੇ ਬੱਚਿਆਂ ਨੂੰ ਇਕ ਜਗ੍ਹਾ ਸੁਲਾ ਦਿਤਾ। ਉਨ੍ਹਾਂ ਦਸਿਆ ਕਿ ਇਸ ਵਿਚ ਕੋਈ ਵਿਅਕਤੀ ਸੋ ਰਹੇ ਬੱਚਿਆਂ ਵਿਚੋਂ ਪੀੜਤ ਨੂੰ ਚੁਕ ਕੇ ਸੁੰਨਸਾਨ ਜਗ੍ਹਾ ਉਤੇ ਲੈ ਗਿਆ ਅਤੇ ਉਸ ਦੇ ਨਾਲ ਬਲਾਤਕਾਰ ਕੀਤਾ। ਘਟਨਾ ਦੌਰਾਨ ਬੱਚੀ ਜਦੋਂ ਬੇਹੋਸ਼ ਹੋ ਗਈ ਤਾਂ ਆਰੋਪੀ ਉਸ ਨੂੰ ਵਾਪਸ ਘਰ ਦੇ ਬਾਹਰ ਰੱਖ ਕੇ ਫ਼ਰਾਰ ਹੋ ਗਿਆ। ਘਟਨਾ ਦੀ ਜਾਣਕਾਰੀ ਮਿਲਣ ਉਤੇ ਪਰਿਵਾਰਕ ਮੈਬਰਾਂ ਨੇ ਪੁਲਿਸ ਨੂੰ ਸੂਚਨਾ ਦਿਤੀ ਅਤੇ ਬੱਚੀ ਨੂੰ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ। ਬੱਚੀ ਦੀ ਹਾਲਤ ਗੰਭੀਰ ਦਸੀ ਜਾ ਰਹੀ ਹੈ। ਪੁਲਿਸ ਨੇ ਆਰੋਪੀ ਵਿਰੁਧ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿਤੀ ਹੈ।

ਰਮਾਇਣ ਕਾਲ 'ਚ ਸਾਡੀ ਤਕਨੀਕ ਕਾਫ਼ੀ ਅੱਗੇ ਸੀ : ਰਾਜਪਾਲ ਪੰਜਾਬ

ਚੰਡੀਗੜ, 12 ਮਈ : ਮੌਕਾ ਸੀ ਰਾਸਟਰੀ ਤਕਨੀਕ ਦਿਹਾੜੇ ਦਾ। ਪ੍ਰੋਗਰਾਮ ਸੀ ਨੈਸ਼ਨਲ ਇੰਸਟੀਚਿਊਟ ਆਫ਼ ਫਾਰਮਾਸੂਟਿਕਲ ਐਜੂਕੇਸ਼ਨ ਐਂਡ ਰਿਸਰਚ ਦਾ। ਪ੍ਰੋਗਰਾਮ ਵਿਚ ਆਏ ਸਨ ਪੰਜਾਬ ਦੇ ਗਵਰਨਰ ਵੀ ਪੀ ਸਿੰਘ ਬਦਨੌਰ। ਗਵਰਨਰ ਨੇ ਕਿਹਾ ਕਿ ਲੰਕਾ ਜਾਣ ਲਈ ਭਗਵਾਨ ਰਾਮ ਨੇ ਰਾਮਸੇਤੁ ਬਣਾਇਆ। ਇਹ ਸਬੂਤ ਹੈ ਕਿ ਉਸ ਸਮੇਂ ਵਿਚ ਸਾਡੀ ਤਕਨੀਕ ਕਿੰਨੀ ਅੱਗੇ ਸੀ। ਗਰਵਨਰ ਦੇ ਮੁਤਾਬਕ ਉਸ ਸਮੇਂ ਕਈ ਐਂਡਵਾਂਸ ਹਥਿਆਰਾਂ ਦਾ ਇਸਤੇਮਾਲ ਕੀਤਾ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਰਾਮਾਇਣ ਅਤੇ ਮਹਾਂਭਾਰਤ ਕਾਲ ਨੂੰ ਵੇਖੋ ਤਾਂ ਸਿੱਧ ਹੁੰਦਾ ਹੈ ਕਿ ਪ੍ਰਾਚੀਨ ਕਾਲ ਤੋਂ ਹੀ ਇੰਡੀਆ ਵਿਚ ਤਕਨੀਕ ਦਾ ਇਸਤੇਮਾਲ ਹੋ ਰਿਹਾ ਹੈ। ਭਾਰਤ ਐਡਵਾਂਸ ਦੇਸ਼ ਵਾਲੇ ਦੇਸ਼ਾਂ ਵਿਚ ਗਿਣਿਆ ਜਾਂਦਾ ਹੈ ਕਿਉਂਕਿ ਅਸੀਂ ਤਕਨੀਕ ਦੇ ਖੇਤਰ ਵਿਚ ਚੌਤਰਫ਼ਾ ਵਿਕਾਸ ਕੀਤਾ ਹੈ। ਇਸ ਤੋਂ ਪਹਿਲਾਂ ਤ੍ਰਿਪੁਰਾ ਮੁੱਖ ਮੰਤਰੀ ਬਿਪਲਬ ਦੇਬ ਨੇ ਅਗਰਤਲਾ ਵਿਚ ਕਿਹਾ ਸੀ ਕਿ ਅੱਖਾਂ ਤੋਂ ਬਿਨਾਂ ਵੀ ਧਰਤਰਾਸ਼ਟਰ ਕੁਰੁਕਸ਼ੇਤਰ ਤੋਂ ਸਾਰਾ ਅਪਡੇਟ ਪਾਉਦੇ ਸਨ। ਅਾਖ਼ਰ ਉਹ ਸੰਜੈ ਦੀਆਂ ਅੱਖਾਂ ਤੋਂ ਕਿਵੇਂ ਦੇਖ ਲੈਂਦੇ ਸਨ। ਉਸ ਸਮੇਂ ਤਕਨੀਕ ਸੀ, ਇੰਟਰਨੇਟ ਸੀ, ਸੈਟੇਲਾਈਟ ਕੰਮਿਊਨਿਕੇਸ਼ਨ ਵੀ ਸੀ। ਪਿਛਲੇ ਸਾਲ ਗੁਜਰਾਤ ਦੇ ਮੁਖ ਮੰਤਰੀ ਵਿਜੈ ਰੂਪਾਨੀ ਨੇ ਇਸਰੋ ਦੇ ਰਾਕੇਟ ਦੀ ਤੁਲਣਾ ਭਗਵਾਨ ਰਾਮ ਦੇ ਤੀਰ ਨਾਲ ਕੀਤੀ ਸੀ। ਉਨ੍ਹਾਂ ਕਿਹਾ ਸੀ ਕਿ ਆਕਾਸ਼ ਏਜੰਸੀ ਜੋ ਹੁਣ ਕਰ ਰਹੀ ਹੈ ਉਹ ਅਤੀਤ ਵਿਚ ਹਿੰਦੂ ਦੇਵਤੇ ਕਰ ਚੁਕੇ ਹਨ। ਉਨ੍ਹਾਂ ਕਿਹਾ ਸੀ ਕਿ ਭਗਵਾਨ ਰਾਮ ਦਾ ਹਰ ਤੀਰ ਇਕ ਮਿਸਾਇਲ ਸੀ।