ਇਸ ਯੋਜਨਾ ਲਈ ਬਜਟ ’ਚ ਸ਼ੁਰੂਆਤੀ ਤੌਰ ’ਤੇ ਲਗਪਗ 40 ਕਰੋੜ ਰੁਪਏ ਰਾਖਵੇਂ ਰੱਖੇ ਗਏ ਹਨ।
ਨਵੀਂ ਦਿੱਲੀ : ਸਕੂਲੀ ਬੱਚਿਆਂ ਵਾਂਗ ਸਰਕਾਰ ਹੁਣ ਬੇਸਹਾਰਾ ਬਜ਼ੁਰਗਾਂ ਲਈ ਵੀ ਮਿਡ ਡੇ ਮੀਲ ਦੀ ਵਿਵਸਥਾ ਕਰ ਰਹੀ ਹੈ।ਅਗਸਤ ਤੋਂ ਦੇਸ਼ ਦੀਆਂ ਕੁੱਝ ਚੋਣਵੀਆਂ ਸਥਾਨਕ ਸਰਕਾਰਾਂ ਤੇ ਗ੍ਰਾਮ ਪੰਚਾਇਤਾਂ ਵੱਲੋਂ ਬਜ਼ੁਰਗਾਂ ਲਈ ਇਸ ਮਿਡ ਡੇ ਮੀਲ ਯੋਜਨਾ ਦੀ ਸ਼ੁਰੂਆਤ ਕਰਨ ਦੀ ਤਿਆਰੀ ਹੈ। ਤਿੰਨ ਤੋਂ ਚਾਰ ਸਾਲ ’ਚ ਇਸ ਨੂੰ ਸਮੁੱਚੇ ਦੇਸ਼ ’ਚ ਲਾਗੂ ਕਰਨ ਦੀ ਯੋਜਨਾ ਹੈ।
ਸਮਾਜਿਕ ਨਿਆਂ ਅਤੇ ਅਧਿਕਾਰਿਤ ਮੰਤਰਾਲੇ ਨੇ ਬਜ਼ੁਰਗਾਂ ਨੂੰ ਦੁਪਹਿਰ ਦਾ ਭੋਜਨ ਮੁਹੱਈਆ ਕਰਵਾਉਣ ਦੀ ਇਸ ਯੋਜਨਾ ਦਾ ਰੋਡਮੈਪ ਫਿਲਹਾਲ ਤਿਆਰ ਕਰ ਲਿਆ ਹੈ। ਇਸ ਯੋਜਨਾ ਲਈ ਬਜਟ ’ਚ ਸ਼ੁਰੂਆਤੀ ਤੌਰ ’ਤੇ ਲਗਪਗ 40 ਕਰੋੜ ਰੁਪਏ ਰਾਖਵੇਂ ਰੱਖੇ ਗਏ ਹਨ। ਇਸ ਪੋਸ਼ਣ ਮੁਹਿੰਮ ਲਈ ਇਹ ਰਕਮ ਸੀਨੀਅਰ ਸਿਟੀਜ਼ਨ ਵੈੱਲਫੇਅਰ ਫੰਡ ਤੋਂ ਲਈ ਗਈ ਹੈ ਤੇ ਇਹ ਫੰਡ ਬੈਂਕਾਂ ਅਤੇ ਵਿੱਤੀ ਸੰਸਥਾਵਾਂ ਦੀ ਅਣ-ਕਲੇਮਡ ਮਨੀ ਨਾਲ ਬਣਾਇਆ ਗਿਆ ਹੈ।
ਮੌਜੂਦਾ ਸਮੇਂ ਇਹ ਫੰਡ ਹਜ਼ਾਰਾਂ ਕਰੋੜ ਰੁਪਏ ਦਾ ਹੈ। ਜ਼ਿਕਰਯੋਗ ਹੈ ਕਿ ਮੌਜੂਦਾ ਸਮੇਂ ਦੇਸ਼ ’ਚ ਬਜ਼ੁਰਗਾਂ ਦੀ ਗਿਣਤੀ ਲਗਭਗ 12 ਕਰੋੜ ਹੈ ਤੇ 2050 ਤੱਕ ਇਹ ਗਿਣਤੀ 31 ਕਰੋੜ ਤੋਂ ਵੱਧ ਹੋਣ ਦਾ ਅੰਦਾਜ਼ਾ ਹੈ।
