ਕਾਰਗਿਲ ਜੰਗ ਦੇ ਫ਼ੌਜੀ ਨੇ ਸਿੰਘੂ ਪਹੁੰਚ ਖੜਕਾਈ ਮੋਦੀ ਸਰਕਾਰ, ਯਾਦ ਕਰਾਏ ਅੱਛੇ ਦਿਨ...
ਨਵੀਂ ਦਿੱਲੀ (ਅਰਪਨ ਕੌਰ): ਅੱਜ ਤੋਂ ਦੋ ਮਹੀਨੇ ਪਹਿਲਾਂ ਕਿਸਾਨੀ ਅੰਦੋਲਨ ਪੰਜਾਬ ਤੋਂ ਉੱਠਿਆ ਸੀ ਤੇ ਪੰਜਾਬ ਨੇ ਇਸਦੀ ਰਹਿਨੁਮਾਈ ਕੀਤੀ ਹੈ ਪਰ ਕਿਸਾਨ ਅੰਦੋਲਨ ਜਦੋਂ ਪੰਜਾਬ ਦੇ ਮੋਢਿਆ ਤੋਂ ਥੋੜ੍ਹਾ ਜਿਹਾ ਹਿੱਲਿਆ ਤਾਂ ਹਰਿਆਣਾ ਵੱਲੋਂ ਇਸ ਅੰਦੋਲਨ ਨੂੰ ਮੁੜ ਸਾਭਿਆਂ ਗਿਆ ਹੈ। ਹਰਿਆਣਾ ਵਿਚ ਲਗਾਤਾਰ ਹੋ ਰਹੀਆਂ ਮਹਾਂਪੰਚਾਇਤਾਂ ਦੱਸਦੀਆਂ ਹਨ ਕਿ ਹਰਿਆਣਾ ਦੇ ਲੋਕਾਂ ਦੀਆਂ ਨਸਾਂ ਵਿਚ ਕਿਸਾਨ ਅੰਦੋਲਨ ਕਿਵੇਂ ਦੌੜ ਰਿਹਾ ਹੈ।
ਇਸ ਦੌਰਾਨ ਸਪੋਕਸਮੈਨ ਦੀ ਸੀਨੀਅਰ ਪੱਤਰਕਾਰ ਅਰਪਨ ਕੌਰ ਨੇ ਕਿਸਾਨਾਂ ਨਾਲ ਗੱਲਬਾਤ ਕੀਤੀ। ਕਿਸਾਨਾਂ ਦਾ ਕਹਿਣਾ ਹੈ ਕਿ 26 ਜਨਵਰੀ ਵਾਲੇ ਦਿਨ ਸਰਕਾਰ ਵੱਲੋਂ ਇਕ ਸਾਜਿਸ਼ ਰਚੀ ਗਈ ਸੀ ਕਿ ਕਿਸਾਨਾਂ ਦਾ ਅੰਦੋਲਨ ਕਿਸ ਤਰ੍ਹਾਂ ਕਮਜੋਰ ਕੀਤਾ ਜਾਵੇ ਪਰ ਮੋਦੀ ਸਰਕਾਰ ਆਪਣੀ ਫੇਲ ਕੋਸ਼ਿਸ਼ ਸਦਕਾ ਅੱਜ ਬੇਨਕਾਬ ਹੋ ਚੁੱਕੀ ਹੈ।
Red fort
ਉਨ੍ਹਾਂ ਕਿਹਾ ਕਿ ਦੀਪ ਸਿੱਧੂ ਦੀ ਗ੍ਰਿਫ਼ਤਾਰੀ ਸਰਕਾਰ ਦੀਆਂ ਬਹੁਤ ਪੋਲਾਂ ਖੋਲ੍ਹ ਦੇਵੇਗੀ ਕਿ ਹਿੰਸਾ ਭੜਕਾਉਣ ਲਈ ਮੈਨੂੰ ਸਰਕਾਰ ਵੱਲੋਂ ਕਿੰਨੇ ਪੈਸੇ ਮਿਲੇ ਸਨ। ਕਿਸਾਨ ਨੇ ਕਿਹਾ ਕਿ ਦੀਪ ਸਿੱਧੂ ਕਿਸਾਨ ਅੰਦੋਲਨ ਨਾਲ ਜੁੜਿਆ ਹੋਇਆ ਨਹੀਂ ਹੈ, ਉਸਨੂੰ ਸਰਕਾਰ ਨੇ ਟਾਉਂਟ ਬਣਾ ਕਿ ਇੱਥੇ ਭੇਜਿਆ ਹੋਇਆ ਸੀ। ਕਿਸਾਨਾਂ ਨੇ ਕਿਹਾ ਕਿ ਮੋਦੀ ਸਰਕਾਰ ਚਾਹੇ ਸਾਨੂੰ ਲਾਠੀਆ ਮਾਰਨ, ਗੋਲੀਆਂ ਮਾਰਨ, ਪਰ ਅਸੀਂ ਕਾਨੂੰਨ ਰੱਦ ਕਰਵਾਏ ਬਿਨਾਂ ਇੱਥੋਂ ਨਹੀਂ ਜਾਵਾਂਗੇ।
Kissan Morcha
ਕਿਸਾਨ ਨੇ ਕਿਹਾ ਕਿ ਦਿੱਲੀ ਹਿੰਸਾ ਤੋਂ ਬਾਅਦ ਬੇਕਸੂਰ ਲੋਕਾਂ ਨੂੰ ਸਰਕਾਰ ਵੱਲੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਜੋ ਕਿ ਸਰਕਾਰ ਦਿਖਾਉਣਾ ਚਾਹੁੰਦੀ ਸੀ ਕਿ ਅਸੀਂ ਦਿੱਲੀ ਹਿੰਸਾ ਦੇ ਸੈਂਕੜੇ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਤੇ ਸਾਡੇ ਉੱਤੇ ਖਾਲਿਸਤਾਨੀ, ਅਤਿਵਾਦੀ ਹੋਣ ਦੇ ਦੋਸ਼ ਸਿਰ ਮੜਨਾ ਚਾਹੁੰਦੀ ਸੀ। ਕਿਸਾਨਾਂ ਨੇ ਕਿਹਾ ਕਿ ਮੋਦੀ ਸਰਕਾਰ ਨਵੇਂ ਕਾਨੂੰਨਾਂ ਸਾਡੇ ਉਤੇ ਕਿਉਂ ਮੜਨਾ ਚਾਹੁੰਦੀ ਹੈ ਜਦੋਂ ਅਸੀਂ ਇਹ ਕਾਨੂੰਨ ਦਰਕਿਨਾਰ ਚੁੱਕੇ ਹਾਂ, ਸੋ ਸਰਕਾਰ ਦੇ ਦਿਲ ਵਿਚ ਬੇਈਮਾਨੀ ਹੈ ਕਿਉਂਕਿ ਸਾਡੇ ਬਗੈਰ ਸਰਕਾਰ ਸਾਡੀਆਂ ਜਮੀਨਾਂ ਲਈ ਕਿਵੇਂ ਫੈਸਲੇ ਲੈ ਸਕਦੀ ਹੈ? ਫਿਰ ਤਾਂ ਮੋਦੀ ਬਾਦਸ਼ਾਹ ਹੋ ਗਏ ਕਿ ਕਿਸੇ ਨੂੰ ਵੀ ਤੋੜ ਮਰੋੜ ਕੇ ਅੱਗੇ ਚਲਦਾ ਬਣੇ।
Kissan
ਕਿਸਾਨਾਂ ਨੇ ਕਿਹਾ ਕਿ ਜਿਸ ਤਰ੍ਹਾਂ ਇੱਥੇ ਤਿੰਨ ਮਹੀਨੇ ਤੋਂ ਲੰਗਰ ਚੱਲ ਰਹੇ ਹਨ ਤਾਂ ਸਰਕਾਰ ਨੂੰ ਸਿੰਘੂ ਬਾਰਡਰ ਦਾ ਨਾਮ ਬਦਲ ਕੇ ਸਿੰਘ ਬਾਰਡਰ ਰੱਖ ਦੇਣਾ ਚਾਹੀਦਾ ਹੈ। ਹਰਿਆਣਾ ਦੇ ਕਿਸਾਨਾਂ ਨੇ ਕਿਹਾ ਕਿ ਪੰਜਾਬ ਦਾ ਸਾਡਾ ਵੱਡਾ ਭਰਾ ਅਸੀਂ ਇਸਦੇ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਨਾਲ ਖੜ੍ਹੇ ਹਾਂ।
