ਵਿਸ਼ਵ ਦੇ ਸਭ ਤੋਂ ਠੰਡੇ ਜੰਗੀ ਖੇਤਰ ਸਿਆਚਿਨ 'ਤੇ ਡਿਊਟੀ ਦੇਣੀ ਕੋਈ ਆਮ ਗੱਲ ਨਹੀਂ ਹੈ।
ਨਵੀਂ ਦਿੱਲੀ: ਵਿਸ਼ਵ ਦੇ ਸਭ ਤੋਂ ਠੰਡੇ ਜੰਗੀ ਖੇਤਰ ਸਿਆਚਿਨ 'ਤੇ ਡਿਊਟੀ ਦੇਣੀ ਕੋਈ ਆਮ ਗੱਲ ਨਹੀਂ ਹੈ। ਉਥੇ ਹਰ ਸਮੇਂ ਖੂਨ ਨੂੰ ਜਮਾਅ ਦੇਣ ਵਾਲੀ ਠੰਡ ਰਹਿੰਦੀ ਹੈ। ਸਿਆਚਿਨ ਗਲੇਸ਼ੀਅਰ 'ਤੇ ਤਾਇਨਾਤ ਭਾਰਤੀ ਫ਼ੌਜ ਦੇ ਜਵਾਨਾਂ ਨੂੰ ਉਥੇ ਰਹਿਣ ਲਈ ਕਾਫ਼ੀ ਜੱਦੋ-ਜਹਿਦ ਕਰਨੀ ਪੈ ਰਹੀ ਹੈ। ਸਮੁੰਦਰੀ ਤਲ ਤੋਂ 20 ਹਜ਼ਾਰ ਫੁੱਟ ਦੀ ਉਚਾਈ 'ਤੇ ਸਥਿਤ ਸਿਆਚਿਨ ਵਿਚ ਤਾਇਨਾਤ ਜਵਾਨਾਂ ਦੀ ਮੁਸ਼ਕਲਾਂ ਭਰੀ ਜ਼ਿੰਦਗੀ ਨੂੰ ਦਰਸਾਉਂਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
سیاچن میں فوجیوں کی زندگی
— sajjad Ahmed Qazi سجاد احمد قاضي (@qazis47) June 8, 2019
What soldiers undergo in the icy heights of #Siachen. A small glimpse into their everyday life especially condition of Foods @narendramodi @AmitShah@rajnathsingh @OmarAbdullah@MehboobaMufti @anjanaomkashyap @BBCWorld @MamataOfficial @ImranKhanPTI pic.twitter.com/KjpUbtfIVm
ਜਿਸ ਵਿਚ ਫ਼ੌਜੀ ਜਵਾਨ ਦਿਖਾ ਰਹੇ ਹਨ ਕਿ ਕਿਵੇਂ ਇੱਥੇ ਆਲੂ ਤੋਂ ਲੈ ਕੇ ਟਮਾਟਰ ਤੱਕ ਸਭ ਕੁੱਝ ਜਮ ਜਾਂਦਾ ਹੈ ਅਤੇ ਹਥੌੜੇ ਮਾਰਨ 'ਤੇ ਵੀ ਨਹੀਂ ਟੁੱਟਦਾ।
ਦੱਸ ਦਈਏ ਕਿ ਰਿਪੋਰਟਾਂ ਅਨੁਸਾਰ ਸਿਆਚਿਨ ਵਿਚ ਫ਼ੌਜੀਆਂ ਦੀ ਸੁਰੱਖਿਆ ਲਈ ਪ੍ਰਤੀ ਦਿਨ ਸੱਤ ਕਰੋੜ ਰੁਪਏ ਖਰਚਣੇ ਪੈਂਦੇ ਹਨ। ਸਿਆਚਿਨ ਦੀਆਂ 80 ਫ਼ੀਸਦੀ ਫ਼ੌਜੀ ਚੌਕੀਆਂ 16000 ਫੁੱਟ ਤੋਂ ਵੱਧ ਦੀ ਉਚਾਈ 'ਤੇ ਸਥਿਤ ਹਨ।
Siachen glacier
ਸਿਆਚਿਨ ਵਿਚ ਲਗਭਗ ਸੱਠ ਹਜ਼ਾਰ ਸਿਪਾਹੀ ਹਰ ਵੇਲੇ ਤੈਨਾਤ ਰਹਿੰਦੇ ਹਨ। ਜਵਾਨਾਂ ਲਈ ਖਾਣਾ ਬਣਾਉਣਾ ਤੇ ਬੰਕਰ ਨੂੰ ਗਰਮ ਕਰਨ ਲਈ ਮਿੱਟੀ ਦੇ ਤੇਲ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਜਦਕਿ ਫ਼ੌਜ ਦੇ ਜਵਾਨ ਬਰਫ਼ ਨੂੰ ਉਬਾਲ ਕੇ ਪੀਣ ਲਈ ਪਾਣੀ ਬਣਾਉਂਦੇ ਹਨ ਅਤੇ ਇਸਨੂੰ ਖਾਣਾ ਬਣਾਉਣ ਲਈ ਵਰਤਦੇ ਹਨ।
