ਸੁਪਰੀਮ ਕੋਰਟ ਨੇ ਅਪਣੇ ਇਕ ਆਦੇਸ਼ ਵਿਚ ਆਖਿਆ ਹੈ ਕਿ ਪਤਨੀ 'ਚਲ ਸੰਪਤੀ ਜਾਂ ਕੋਈ ਵਸਤੂ' ਨਹੀਂ ਹੈ ਅਤੇ ਨਾਲ ਰਹਿਣ ਦੀ ਇੱਛਾ ਹੋਣ ਦੇ ...

ਨਵੀਂ ਦਿੱਲੀ : ਸੁਪਰੀਮ ਕੋਰਟ ਨੇ ਅਪਣੇ ਇਕ ਆਦੇਸ਼ ਵਿਚ ਆਖਿਆ ਹੈ ਕਿ ਪਤਨੀ 'ਚਲ ਸੰਪਤੀ ਜਾਂ ਕੋਈ ਵਸਤੂ' ਨਹੀਂ ਹੈ ਅਤੇ ਨਾਲ ਰਹਿਣ ਦੀ ਇੱਛਾ ਹੋਣ ਦੇ ਬਾਵਜੂਦ ਪਤੀ ਇਸ ਦੇ ਲਈ ਪਤਨੀ 'ਤੇ ਦਬਾਅ ਨਹੀਂ ਬਣਾ ਸਕਦਾ। ਇਕ ਔਰਤ ਵਲੋਂ ਪਤੀ 'ਤੇ ਤਸ਼ੱਦਦ ਦਾ ਦੋਸ਼ ਲਗਾਉਂਦੇ ਹੋਏ ਦਾਇਰ ਅਪਰਾਧਕ ਕੇਸ ਦੀ ਸੁਣਵਾਈ ਦੌਰਾਨ ਸੁਪਰੀਮ ਕੋਰਟ ਨੇ ਇਹ ਵਿਵਸਥਾ ਦਿਤੀ ਹੈ।

women are not movable propert husband can not compel him to live with

ਮਹਿਲਾ ਨੇ ਅਪਣੇ ਦੋਸ਼ ਵਿਚ ਕਿਹਾ ਸੀ ਕਿ ਪਤੀ ਚਾਹੁੰਦਾ ਹੈ ਕਿ ਉਹ ਉਸ ਦੇ ਨਾਲ ਰਹੇ ਪਰ ਉਹ ਖ਼ੁਦ ਉਸ ਦੇ ਨਾਲ ਨਹੀਂ ਰਹਿਣਾ ਚਾਹੁੰਦੀ ਸੀ। ਜਸਟਿਸ ਮਦਨ ਬੀ ਲੋਕੁਰ ਅਤੇ ਦੀਪਕ ਗੁਪਤਾ ਦੀ ਬੈਂਚ ਨੇ ਅਦਾਲਤ ਵਿਚ ਮੌਜੂਦ ਵਿਅਕਤੀ ਨੂੰ ਆਖਿਆ ਕਿ ਉਹ ਇਕ ਚਲ ਸੰਪਤੀ ਨਹੀਂ ਹੈ। ਤੁਸੀਂ ਉਸ ਨੂੰ ਅਪਣੇ ਨਾਲ ਰਹਿਣ ਲਈ ਮਜਬੂਰ ਨਹੀਂ ਕਰ ਸਕਦੇ। ਉਹ ਤੁਹਾਡੇ ਨਾਲ ਨਹੀਂ ਰਹਿਣਾ ਚਾਹੁੰਦੀ ਤਾਂ ਤੁਸੀਂ ਕਿਵੇਂ ਕਹੋਗੇ ਕਿ ਤੁਸੀਂ ਉਸ ਦੇ ਨਾਲ ਰਹੋਗੇ। 

women are not movable propert husband can not compel him to live with

ਬੈਂਚ ਨੇ ਔਰਤ ਦੇ ਵਕੀਲ ਦੇ ਜ਼ਰੀਏ ਪਤੀ ਦੇ ਨਾਲ ਨਾ ਰਹਿਣ ਦੀ ਇੱਛਾ ਵਾਲੇ ਬਿਆਨ ਦੇ ਮੱਦੇਨਜ਼ਰ ਵਿਅਕਤੀ ਨੂੰ ਪਤਨੀ ਦੇ ਨਾਲ ਰਹਿਣ ਦੇ ਫ਼ੈਸਲੇ 'ਤੇ ਮੁੜ ਵਿਚਾਰ ਕਰਨ ਲਈ ਆਖਿਆ। ਅਦਾਲਤ ਨੇ ਵਿਅਕਤੀ ਨੂੰ ਕਿਹਾ ਕਿ ਤੁਹਾਡੇ ਲਈ ਇਸ 'ਤੇ ਮੁੜ ਤੋਂ ਵਿਚਾਰ ਕਰਨਾ ਬਿਹਤਰ ਹੋਵੇਗਾ।