File Photo
ਸੀਮਾ ਸੁਰੱਖਿਆ ਬਲ ਦੇ 85 ਹੋਰ ਜਵਾਨ ਕੋਰੋਨਾ ਵਾਇਰਸ ਨਾਲ ਪੀੜਤ ਮਿਲੇ ਹਨ। ਇਸ ਦੇ ਨਾਲ ਹੀ ਬੀ.ਐਸ.ਐਫ਼. ਦੇ ਕੋਰੋਨਾ ਪੀੜਤ ਜਵਾਨਾਂ ਦੀ ਗਿਣਤੀ 154 ਹੋ ਗਈ ਹੈ।
ਨਵੀਂ ਦਿੱਲੀ, 6 ਮਈ: ਸੀਮਾ ਸੁਰੱਖਿਆ ਬਲ ਦੇ 85 ਹੋਰ ਜਵਾਨ ਕੋਰੋਨਾ ਵਾਇਰਸ ਨਾਲ ਪੀੜਤ ਮਿਲੇ ਹਨ। ਇਸ ਦੇ ਨਾਲ ਹੀ ਬੀ.ਐਸ.ਐਫ਼. ਦੇ ਕੋਰੋਨਾ ਪੀੜਤ ਜਵਾਨਾਂ ਦੀ ਗਿਣਤੀ 154 ਹੋ ਗਈ ਹੈ। ਇਨ੍ਹਾਂ 'ਚੋਂ 60 ਅਜਿਹੇ ਜਵਾਨ ਹਨ ਜਿਨ੍ਹਾਂ ਨੂੰ ਦਿੱਲੀ ਦੇ ਜਾਮੀਆ ਅਤੇ ਚਾਂਦਨੀ ਮਹਿਲ ਇਲਾਕੇ 'ਚ ਤੈਨਾਤ ਕੀਤਾ ਗਿਆ ਸੀ। ਛੇ ਜਵਾਨ ਪਛਮੀ ਬੰਗਾਲ 'ਚ ਕੇਂਦਰੀ ਟੀਮ ਨਾਲ ਗਏ ਸਨ।
File photo
ਘੱਟ ਤੋਂ ਘੱਟ 37 ਪੀੜਤ ਜਵਾਨ ਤ੍ਰਿਪੁਰਾ ਸਰਹੱਦੀ ਖੇਤਰ 'ਚੋਂ ਹਨ। ਬੀ.ਐਸ.ਐਫ਼. ਦੇ ਲਗਭਗ ਢਾਈ ਲੱਖ ਮੁਲਾਜ਼ਮ ਹਨ। ਇਸ ਬਲ 'ਤੇ ਪਾਕਿਸਤਾਨ ਅਤੇ ਬੰਗਲਾਦੇਸ਼ ਨਾਲ ਲਗਦੀ ਭਾਰਤ ਦੀ ਸਰਹੱਦ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ ਹੈ। ਬੁਲਾਰੇ ਅਨੁਸਾਰ ਬਲ ਦੇ ਹੈੱਡਕੁਆਰਟਰ 'ਚ ਦੋ ਮੰਜ਼ਿਲਾਂ ਨੂੰ ਦੋ ਦਿਨ ਪਹਿਲਾਂ ਸੀਲ ਕਰ ਦਿਤਾ ਗਿਆ ਸੀ। ਪਰ ਬੁਧਵਾਰ ਨੂੰ ਉਥੇ ਕੰਮਕਾਜ ਬਹਾਲ ਹੋ ਗਿਆ। (ਏਜੰਸੀ)
