ਉੱਚ ਅਦਾਲਤ ਵਿਚ ਅੱਜ ਲੋਕਪਾਲ ਦੀ ਨਿਯੁਕਤੀ ਦੀ ਸੁਣਵਾਈ ਹੋਈ। ਜਿਸ.....
ਨਵੀਂ ਦਿੱਲੀ: ਉੱਚ ਅਦਾਲਤ ਵਿਚ ਅੱਜ ਲੋਕਪਾਲ ਦੀ ਨਿਯੁਕਤੀ ਦੀ ਸੁਣਵਾਈ ਹੋਈ। ਜਿਸ ਵਿਚ ਅਦਾਲਤ ਨੇ ਅਟਾਰਨੀ ਜਰਨਲ ਨੂੰ ਲੋਕਪਾਲ ਦੀ ਨਿਯੁਕਤੀ ਲਈ ਚੋਣ ਕਮੇਟੀ ਦੀ ਬੈਠਕ ਦੀ ਤਾਰੀਕ 10 ਦਿਨਾਂ ਦੇ ਅੰਦਰ ਦੱਸਣ ਨੂੰ ਕਿਹਾ ਹੈ। ਚੋਣ ਕਮੇਟੀ ਲੋਕਪਾਲ ਦੇ ਮੈਬਰਾਂ ਅਤੇ ਉਸ ਦੇ ਮੁਖੀ ਦੀ ਨਿਯੁਕਤੀ ਕਰੇਗੀ।
High Court
ਅਟਾਰਨੀ ਜਰਨਲ ਨੇ ਉੱਚ ਅਦਾਲਤ ਨੂੰ ਦੱਸਿਆ ਕਿ ਖੋਜ ਕਮੇਟੀ ਨੇ ਲੋਕਪਾਲ ਦੇ ਪ੍ਰ੍ਧਾਨ , ਜੁਡੀਸ਼ੀਅਲ ਅਤੇ ਗੈਰ- ਜੁਡੀਸ਼ੀਅਲ ਮੈਬਰਾਂ ਦੀ ਨਿਯੁਕਤੀ ਲਈ ਤਿੰਨ ਨਾਮ ਚੁਣੇ ਹਨ। ਚੀਫ ਜਸਟਿਸ ਰੰਜਨ ਗੋਗੋਈ ਦੀ ਬੈਂਚ ਨੇ ਸੀਨੀਅਰ ਵਕੀਲ ਪਰਸ਼ਾਤ ਭੂਸ਼ਣ ਦੀ ਉਸ ਪਟੀਸ਼ਨ ਨੂੰ ਖਾਰਜ ਕਰ ਦਿੱਤਾ ਹੈ ਜਿਸ ਵਿਚ ਉਹਨਾਂ ਨੇ ਚੋਣ ਕਮੇਟੀ ਨੂੰ ਇਹ ਨਿਰਦੇਸ਼ ਦੇਣ ਲਈ ਕਿਹਾ ਸੀ ਕਿ ਉਹ ਲੋਕਪਾਲ ਮੈਬਰਾਂ ਅਤੇ ਪ੍ਰ੍ਧਾਨਾਂ ਦੇ ਨਾਮ ਜਨਤਕ ਕਰਨ।
ਅਟਾਰਨੀ ਜਰਨਲ ਨੇ ਅਦਾਲਤ ਨੂੰ ਕਿਹਾ ਕਿ ਅਸੀਂ ਅਮਲਾ ਅਤੇ ਸਿਖਲਾਈ ਵਿਭਾਗ ਦੇ ਸਕੱਤਰ ਨੂੰ ਜਿੰਨੀ ਜਲਦੀ ਹੋ ਸਕੇ ਲੋਕਪਾਲ ਦੀ ਨਿਯੁਕਤੀ ਲਈ ਚੋਣ ਕਮੇਟੀ ਦੀ ਬੈਠਕ ਯਕੀਨੀ ਬਣਾਉਣ ਲਈ ਕਹਾਂਗੇ। ਅਦਾਲਤ ਨੇ ਲੋਕਪਾਲ ਨੇ ਖੋਜ ਕਮੇਟੀ ਵੱਲੋਂ ਸੁਝਾਏ ਗਏ ਨਾਮਾਂ ਦਾ ਖੁਲਾਸਾ ਕਰਨ ਵਾਲੇ ਨਿਰਦੇਸ਼ ਦੇਣ ਤੋਂ ਇਨਕਾਰ ਕਰ ਦਿੱਤਾ।
