ਦੇਸ਼ ਨੂੰ ਇੰਦਰਾ ਗਾਂਧੀ ਜਿਹੀ ਨੇਤਾ ਮਿਲੀ ਜੋ ਕਿ ਅਪਣੇ ਵੇਲ੍ਹੇ ਦੇ ਕਈ ਸਿਖਰ ਦੇ ਮਰਦ ਨੇਤਾਵਾਂ ਤੋਂ ਬਿਹਤਰ ਸਨ।
ਨਾਗਪੁਰ : ਭਾਜਪਾ ਦੇ ਸੀਨੀਅਰ ਨੇਤਾ ਅਤੇ ਕੇਂਦਰੀ ਮੰਤਰੀ ਨੀਤਿਨ ਗਡਕਰੀ ਨੇ ਦੇਸ਼ ਦੀ ਪਹਿਲੀ ਮਹਿਲਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੀ ਤਾਰੀਫ ਕੀਤੀ ਹੈ ਜੋ ਕਿ ਉਹਨਾਂ ਦੀ ਪਾਰਟੀ ਦੇ ਬਿਲਕੁਲ ਉਲਟ ਹੈ। ਗਡਕਰੀ ਨੇ ਨਾਗਪੁਰ ਸਥਿਤ ਸਵੈ-ਸੇਵੀ ਮਹਿਲਾ ਸੰਗਠਨ ਦੇ ਇਕ ਪ੍ਰੋਗਰਾਮ ਵਿਚ ਕਿਹਾ ਕਿ ਦੇਸ਼ ਨੂੰ ਇੰਦਰਾ ਗਾਂਧੀ ਜਿਹੀ ਨੇਤਾ ਮਿਲੀ ਜੋ ਕਿ ਅਪਣੇ ਵੇਲ੍ਹੇ ਦੇ ਕਈ ਸਿਖਰ ਦੇ ਮਰਦ ਨੇਤਾਵਾਂ ਤੋਂ ਬਿਹਤਰ ਸਨ।
Indira Gandhi
ਉਹਨਾਂ ਮਹਿਲਾਂ ਰਾਖਵਾਂਕਰਨ ਦੇ ਸਬੰਧ ਵਿਚ ਇੰਦਰਾ ਦੀ ਤਾਕਤ ਦਾ ਜ਼ਿਕਰ ਕਰਦੇ ਹੋਏ ਸਵਾਲ ਕੀਤਾ ਕਿ ਕੀ ਇੰਦਰਾ ਗਾਂਧੀ ਨੇ ਕਦੇ ਰਾਖਵਾਂਕਰਨ ਦਾ ਸਹਾਰਾ ਲਿਆ ? ਦੱਸ ਦਈਏ ਕਿ ਗਡਕਰੀ ਦੀ ਭਾਜਪਾ ਪਾਰਟੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੀਆਂ ਯੋਜਨਾਵਾਂ ਦੀ ਆਲੋਚਨਾ ਕਰਦੀ ਰਹੀ ਹੈ। ਜਿਸ ਵਿਚ ਉਹਨਾਂ ਵੱਲੋਂ ਲਗਾਈ ਗਈ ਐਮਰਜੈਂਸੀ ਦੀ ਆਲੋਚਨਾ ਵੀ ਸ਼ਾਮਲ ਹੈ।
Reservation
ਹਾਲਾਂਕਿ ਬਾਅਦ ਵਿਚ ਉਹਨਾਂ ਨੇ ਅਪਣੀ ਪਾਰਟੀ ਦੀ ਮਹਿਲਾ ਨੇਤਾ ਸੁਸ਼ਮਾ ਸਵਰਾਜ, ਵਸੁੰਧਰਾ ਰਾਜੇ ਅਤੇ ਸੁਮਿਤਰਾ ਮਹਾਜਨ ਦੀ ਵੀ ਤਾਰੀਫ ਕੀਤੀ। ਉਹਨਾਂ ਕਿਹਾ ਕਿ ਔਰਤਾਂ ਨੂੰ ਰਾਂਖਵਾਕਰਨ ਮਿਲਣਾ ਚਾਹੀਦਾ ਹੈ ਅਤੇ ਮੈਂ ਇਸ ਦਾ ਵਿਰੋਧ ਨਹੀਂ ਕਰਾਂਗਾ। ਕੋਈ ਵੀ ਵਿਅਕਤੀ ਜਾਤੀ, ਧਰਮ, ਭਾਸ਼ਾ ਅਤੇ ਲਿੰਗ ਦੇ ਆਧਾਰ 'ਤੇ ਉਚਾਈ ਹਾਸਲ ਨਹੀਂ ਕਰ ਸਕਦਾ। ਉਹ ਉਚਾਈ ਅਪਣੇ ਗਿਆਨ ਦੇ ਆਧਾਰ 'ਤੇ ਹੀ ਹਾਸਲ ਕਰ ਸਕਦਾ ਹੈ।
Sushma Swaraj
ਗਡਕਰੀ ਨੇ ਅੱਗੇ ਕਿਹਾ ਕਿ ਕੀ ਅਸੀਂ ਸਾਂਈ ਬਾਬਾ, ਗਜਾਨਨ ਮਹਾਰਾਜ, ਮਹਾਤਮਾ ਜਯੋਤਿਬਾ ਫੁਲੇ ਅਤੇ ਡਾਕਟਰ ਬਾਬਾ ਸਾਹਿਬ ਅੰਬੇਡਕਰ ਤੋਂ ਉਹਨਾਂ ਦੇ ਧਰਮ ਬਾਰੇ ਪੁਛੱਦੇ ਹਾਂ? ਮੈਂ ਜਾਤੀ ਅਤੇ ਧਰਮ ਦੀ ਰਾਜਨੀਤੀ ਦੇ ਵਿਰੁਧ ਹਾਂ। ਲੋੜ ਹੈ ਅਪਣੇ ਗਿਆਨ ਅਤੇ ਹੁਨਰ ਨੂੰ ਵਧਾਉਣ ਦੀ। ਜੇਕਰ ਗਿਆਨ ਚੰਗਾ ਹੈ ਤਾਂ ਪਾਰਟੀ ਖ਼ੁਦ ਤੁਹਾਡੇ ਘਰ ਟਿਕਟ ਦੇਣ ਆਵੇਗੀ।
