ਦੇਸ਼ ਵਿਚੋਂ ਹਜ਼ਾਰਾਂ ਕਰੋੜਾਂ ਦਾ ਘਪਲਾ ਕਰ ਕੇ ਫ਼ਰਾਰ ਹੋਏ ਹੀਰਾ ਕਾਰੋਬਾਰੀ ਮੇਹੁਲ ਚੋਕਸੀ 'ਤੇ ਸ਼ਿਕੰਜਾ ਕਸਦਾ ਜਾ ਰਿਹਾ ਹੈ। ਹੁਣ ਜਲਦ ਹੀ ਉਹ ਭਾਰਤੀ ਅਧਿਕਾਰੀਆਂ ...
ਨਵੀਂ ਦਿੱਲੀ : ਦੇਸ਼ ਵਿਚੋਂ ਹਜ਼ਾਰਾਂ ਕਰੋੜਾਂ ਦਾ ਘਪਲਾ ਕਰ ਕੇ ਫ਼ਰਾਰ ਹੋਏ ਹੀਰਾ ਕਾਰੋਬਾਰੀ ਮੇਹੁਲ ਚੋਕਸੀ 'ਤੇ ਸ਼ਿਕੰਜਾ ਕਸਦਾ ਜਾ ਰਿਹਾ ਹੈ। ਹੁਣ ਜਲਦ ਹੀ ਉਹ ਭਾਰਤੀ ਅਧਿਕਾਰੀਆਂ ਦੇ ਕਬਜ਼ੇ ਵਿਚ ਹੋਵੇਗਾ। ਇੱਥੋਂ ਭੱਜ ਕੇ ਉਸ ਨੇ ਕੈਰੀਬੀਆਈ ਦੇਸ਼ ਐਂਟੀਗੁਆ ਦੀ ਨਾਗਰਿਕਤਾ ਹਾਸਲ ਕਰ ਲਈ ਸੀ, ਜਿਸ ਦੇ ਨਾਲ ਹਵਾਲਗੀ ਸੰਧੀ ਨਹੀਂ ਸੀ। ਇਕ ਰਿਪੋਰਟ ਮੁਤਾਬਕ ਭਾਰਤ ਅਤੇ ਐਂਟੀਗੁਆ ਨੇ ਹਵਾਲਗੀ ਸੰਧੀ 'ਤੇ ਦਸਤਖ਼ਤ ਕਰ ਦਿਤੇ ਹਨ। ਅਜਿਹੇ ਵਿਚ ਹੁਣ ਚੋਕਸੀ ਨੂੰ ਆਸਾਨੀ ਨਾਲ ਕਾਨੂੰਨੀ ਪ੍ਰਕਿਰਿਆ ਦੇ ਤਹਿਤ ਉਥੋਂ ਭਾਰਤ ਲਿਆਂਦਾ ਜਾ ਸਕਦਾ ਹੈ।
Mehul Choksiਤੁਹਾਨੂੰ ਦਸ ਦਈਏ ਕਿ ਚੋਕਸੀ ਉਥੋਂ ਭਾਰਤ ਲਿਆਂਦਾ ਜਾ ਸਕਦਾ ਹੈ, ਜਿਸ ਤੋਂ ਇਸ ਮਾਮਲੇ ਵਿਚ ਡੂੰਘਾਈ ਨਾਲ ਪੁਛਗਿਛ ਕੀਤੀ ਜਾਵੇਗੀ। ਜ਼ਿਕਰਯੋਗ ਹੈ ਕਿ ਚੋਕਸੀ ਐਂਟੀਗੁਆ ਵਿਚ ਮੌਜੂਦ ਹੋਣ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਭਾਰਤੀ ਏਜੰਸੀਆਂ ਉਸ ਤਕ ਪਹੁੰਚਣ ਲਈ ਹਰ ਸੰਭਵ ਯਤਨ 'ਤੇ ਕੰਮ ਕਰ ਰਹੀਆਂ ਸਨ। ਹੁਣ ਭਾਰਤੀ ਏਜੰਸੀਆਂ ਨੂੰ ਅਪਣੇ ਯਤਨਾਂ ਵਿਚ ਕਾਮਯਾਬੀ ਮਿਲ ਗਈ ਹੈ। ਚੋਕਸੀ ਦੇ ਮਾਮਲੇ ਵਿਚ ਮਿਲੀ ਇਹ ਕਾਮਯਾਬੀ ਮੋਦੀ ਸਰਕਾਰ ਦੇ ਲਈ ਵੀ ਰਾਹਤ ਦੀ ਗੱਲ ਹੈ ਕਿਉਂਕਿ ਸਰਕਾਰ ਦੇ ਰਵੱਈਏ 'ਤੇ ਵਿਰੋਧੀ ਹਮਲਾਵਰ ਸੀ। ਮੇਹੁਲ ਚੋਕਸੀ ਨੇ ਐਂਟੀਗੁਆ ਦੀ ਨਾਗਰਿਕਤਾ ਹਾਸਲ ਕੀਤੀ ਹੋਈ ਹੈ।
Mehul Choksiਭਾਰਤੀ ਵਿਦੇਸ਼ ਮੰਤਰਾਲਾ ਵਲੋਂ ਇਸ ਸਬੰਧੀ ਇਕ ਨੋਟੀਫਿਕੇਸ਼ਨ ਵੀ ਜਾਰੀ ਕੀਤਾ ਗਿਆ ਹੈ। ਭਾਰਤ ਸਰਕਾਰ ਨੇ ਕਿਹਾ ਹੈ ਕਿ ਹਵਾਲਗੀ ਸੰਧੀ 1962 ਦੇ ਪ੍ਰਾਵਧਾਨ ਐਂਟੀਗੁਆ ਏਂਡ ਬਰਬੁਡਾ 'ਤੇ ਵੀ ਲਾਗੂ ਹੋਣਗੇ। ਇਸ ਤੋਂ ਪਹਿਲਾਂ ਐਂਟੀਗੁਆ ਨੇ ਕਿਹਾ ਸੀ ਕਿ ਦੋਹੇ ਦੇਸ਼ਾਂ ਦੇ ਰਾਸ਼ਟਰ ਮੰਡਲ ਦਾ ਮੈਂਬਰ ਹੋਣ ਦੇ ਨਾਤੇ ਉਸ ਦੇ ਕਾਨੂੰਨ ਵਿਚ ਚੋਕਸੀ ਦੀ ਹਵਾਲਗੀ ਦਾ ਸਕੋਪ ਹੈ, ਭਲੇ ਹੀ ਦੋਵੇਂ ਦੇਸ਼ਾਂ ਦੇ ਵਿਚਕਾਰ ਹਵਾਲਗੀ ਸੰਧੀ ਨਾ ਹੋਵੇ। ਹਾਲ ਹੀ ਵਿਚ ਐਂਟੀਗੁਆ ਸਰਕਾਰ ਵਲੋਂ ਦਸਿਆ ਗਿਆ ਸੀ ਕਿ ਭਾਰਤ ਵਲੋਂ ਪੁਲਿਸ ਕਲੀਅਰੈਂਸ ਮਿਲਣ ਤੋਂ ਬਾਅਦ ਹੀ ਭਗੌੜੇ ਕਾਰੋਬਾਰੀ ਨੂੰ ਨਾਗਰਿਕਤਾ ਦਿਤੀ ਗਈ।
Mehul Choksiਐਂਟੀਗੁਆ ਸਰਕਾਰ ਦੀ ਸਿਟੀਜ਼ਨਸ਼ਿਪ ਬਾਏ ਇਨਵੈਸਟਮੈਂਟ ਯੂਨਿਟ (ਸੀਆਈਯੂ) ਨੇ ਅਪਣੇ ਬਿਆਨ ਵਿਚ ਦਸਿਆ ਸੀ ਕਿ ਉਸ ਨੂੰ ਮਈ 2017 ਵਿਚ ਮੇਹੁਲ ਚੋਕਸੀ ਦੀ ਅਰਜ਼ੀ ਮਿਲੀ ਸੀ। ਅਰਜ਼ੀ ਵਿਚ ਚੋਕਸੀ ਨੇ ਸਾਰੇ ਜ਼ਰੂਰੀ ਕਾਗਜ਼ਾਤ ਜਮ੍ਹਾਂ ਕੀਤੇ ਸਨ, ਜਿਸ ਵਿਚ ਐਂਟੀਗੁਆ ਏਂਡ ਬਾਰਬਾ ਸਿਟੀਜ਼ਨ ਬਾਏ ਇਨਵੈਸਟਮੈਂਟ ਐਕਟ 2013 ਦੇ ਸੈਕਸ਼ਨ 5 (2)(ਬੀ) ਦੇ ਤਹਿਤ ਜ਼ਰੂਰੀ ਪੁਲਿਸ ਕਲੀਅਰੈਂਸ ਸਰਟੀਫਿਕੇਟ ਵੀ ਸ਼ਾਮਲ ਸੀ।
