ਦਰਿੰਦਗੀ ਘਟਣ ਦਾ ਨਹੀਂ ਲੈ ਰਹੀ ਨਾਮ
ਨਵੀਂ ਦਿੱਲੀ: ਸਾਉਥ ਦਿੱਲੀ ਦੇ ਜਸੋਲਾ ਖੇਤਰ ਤੋਂ ਇਕ ਪ੍ਰਿੰਸੀਪਲ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸ਼ੁੱਕਰਵਾਰ ਨੂੰ ਪੁਲਿਸ ਨੇ ਦਸਿਆ ਕਿ ਪ੍ਰਿੰਸੀਪਲ ਤੇ ਕਥਿਤ ਤੌਰ ਤੇ ਇਕ ਮਹਿਲਾ ਅਧਿਆਪਕ ਦਾ ਬਲਤਕਾਰ ਕਰਨ ਦੇ ਆਰੋਪ ਹੈ। ਇਸ ਮਾਮਲੇ ਵਿਚ ਉਦੋਂ ਕੇਸ ਦਰਜ ਕਰਵਾਇਆ ਗਿਆ ਜਦੋਂ ਔਰਤ ਨੇ ਦਿੱਲੀ ਦੇ ਸਰਿਤਾ ਵਿਹਾਰ ਪੁਲਿਸ ਸਟੇਸ਼ਨ ਵਿਚ ਪ੍ਰਿੰਸੀਪਲ ਵਿਰੁਧ ਸ਼ਿਕਾਇਤ ਕੀਤੀ ਅਤੇ ਦਸਿਆ ਕਿ ਉਸ ਦਾ ਪ੍ਰਿੰਸੀਪਲ ਨੇ ਬਲਤਕਾਰ ਕੀਤਾ ਹੈ।
ਪੁਲਿਸ ਨੇ ਦਸਿਆ ਕਿ ਔਰਤ ਦਾ ਆਰੋਪ ਹੈ ਕਿ ਪ੍ਰਿੰਸੀਪਲ ਨੇ ਜੂਨ 2017 ਵਿਚ ਉਸ ਨਾਲ ਮਾਰਕੁੱਟ ਕੀਤੀ ਸੀ। ਪ੍ਰਿੰਸੀਪਲ ਨੇ ਸਕੂਲ ਦੇ ਘੰਟਿਆਂ ਤੋਂ ਬਾਅਦ ਐਕਸਟਰਾ ਕਲਾਸ ਲੈਣ ਲਈ ਕਿਹਾ ਸੀ। ਸੀਨੀਅਰ ਪੁਲਿਸ ਅਧਿਕਾਰੀ ਨੇ ਦਸਿਆ ਕਿ ਪ੍ਰਿੰਸੀਪਲ ਔਰਤ ਨੂੰ ਅਪਣੇ ਕਮਰੇ ਵਿਚ ਲੈ ਗਿਆ ਅਤੇ ਉਸ ਨੂੰ ਸਾਫ਼ਟ ਡ੍ਰਿੰਕ ਦਿੱਤੀ ਜਿਸ ਵਿਚ ਦਵਾਈ ਮਿਲਾਈ ਹੋਈ ਸੀ।
ਇਸ ਤੋਂ ਬਾਅਦ ਉਸ ਨੇ ਔਰਤ ਦੇ ਬਲਾਤਕਾਰ ਦੀ ਵੀਡੀਉ ਬਣਾਈ। ਕਥਿਤ ਤੌਰ ਤੇ ਪ੍ਰਿੰਸੀਪਲ ਨੇ ਔਰਤ ਨੂੰ ਧਮਕੀ ਦਿੱਤੀ ਕਿ ਜੇ ਉਸ ਨੇ ਇਹ ਗੱਲ ਕਿਸੇ ਨੂੰ ਦੱਸੀ ਤਾਂ ਇਹ ਵੀਡੀਉ ਜਨਤਕ ਕਰ ਦੇਵੇਗਾ। ਪਰ ਪੁਲਿਸ ਨੇ ਉਸ ਨੂੰ ਉਸ ਦੇ ਘਰ ਤੋਂ ਗ੍ਰਿਫ਼ਤਾਰ ਕਰ ਲਿਆ ਹੈ।
