ਦੇਸ਼ ਦੀ ਸੱਤਾ 'ਤੇ ਕਾਬਜ਼ ਭਾਰਤੀ ਜਨਤਾ ਪਾਰਟੀ ਭਾਵੇਂ ਅਗਲੀ ਵਾਰ ਫਿਰ ਤੋਂ ਸਰਕਾਰ ਬਣਾਉਣ ਦੇ ਸੁਪਨੇ ਦੇਖ ਰਹੀ ਹੈ ਪਰ 2019 ਦੀਆਂ ਲੋਕ...
ਨਵੀਂ ਦਿੱਲੀ : ਦੇਸ਼ ਦੀ ਸੱਤਾ 'ਤੇ ਕਾਬਜ਼ ਭਾਰਤੀ ਜਨਤਾ ਪਾਰਟੀ ਭਾਵੇਂ ਅਗਲੀ ਵਾਰ ਫਿਰ ਤੋਂ ਸਰਕਾਰ ਬਣਾਉਣ ਦੇ ਸੁਪਨੇ ਦੇਖ ਰਹੀ ਹੈ ਪਰ 2019 ਦੀਆਂ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਉੱਤਰ ਪ੍ਰਦੇਸ਼ ਵਿਚ ਭਾਜਪਾ ਲਈ ਚੁਣੌਤੀਆਂ ਵਧਦੀਆਂ ਜਾ ਰਹੀਆਂ ਹਨ। ਇਹ ਚੁਣੌਤੀਆਂ ਕਿਸੇ ਬਾਹਰੀਆਂ ਤੋਂ ਨਹੀਂ ਬਲਕਿ ਅਪਣੇ ਹੀ ਸਾਂਸਦਾਂ ਦੀ ਨਾਰਾਜ਼ਗੀ ਕਰ ਕੇ ਪੈਦਾ ਹੋ ਰਹੀਆਂ ਹਨ।
Annoyed with Yogi Government Dalit MP Writes Letter Modi
ਕੁੱਝ ਦਿਨ ਪਹਿਲਾਂ ਯੂਪੀ ਦੇ ਰਾਬਰਟਸਗੰਜ ਤੋਂ ਭਾਜਪਾ ਦੇ ਦਲਿਤ ਸਾਂਸਦ ਛੋਟੇ ਲਾਲ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਚਿੱਠੀ ਲਿਖ ਕੇ ਸੂਬੇ ਦੇ ਮੁੱਖ ਮੰਤਰੀ ਯੋਗੀ ਅਦਿੱਤਿਆਨਾਥ ਦੀ ਸ਼ਿਕਾਇਤ ਕੀਤੀ ਸੀ ਪਰ ਹੁਣ ਇਟਾਵਾ ਤੋਂ ਇਕ ਹੋਰ ਦਲਿਤ ਸਾਂਸਦ ਅਸ਼ੋਕ ਦੋਹਰੇ ਨੇ ਵੀ ਅਪਣੀ ਹੀ ਪਾਰਟੀ ਦੀ ਰਾਜ ਤੋਂ ਨਾਰਾਜ਼ ਹੋ ਕੇ ਪ੍ਰਧਾਨ ਮੰਤਰੀ ਨੂੰ ਚਿੱਠੀ ਲਿਖੀ ਹੈ। ਖ਼ਾਸ ਗੱਲ ਇਹ ਹੈ ਕਿ ਦੋਵੇਂ ਹੀ ਸਾਂਸਦਾਂ ਦੀ ਚਿੱਠੀ ਜਨਤਕ ਹੋ ਚੁੱਕੀ ਹੈ।
Annoyed with Yogi Government Dalit MP Writes Letter Modi
ਸ਼ਿਕਾਇਤ ਵਿਚ ਦੋਹਰੇ ਨੇ ਕਿਹਾ ਹੈ ਕਿ 2 ਅਪ੍ਰੈਲ ਨੂੰ 'ਭਾਰਤ ਬੰਦ' ਤੋਂ ਬਾਅਦ ਐਸਸੀ-ਐਸਟੀ ਵਰਗ ਦੇ ਲੋਕਾਂ ਨੂੰ ਉੱਤਰ ਪ੍ਰਦੇਸ਼ ਸਮੇਤ ਦੂਜੇ ਸੂਬਿਆਂ ਵਿਚ ਸਰਕਾਰਾਂ ਅਤੇ ਸਥਾਨਕ ਪੁਲਿਸ ਝੂਠੇ ਮੁਕੱਦਮਿਆਂ ਵਿਚ ਫਸਾ ਰਹੀ ਹੈ, ਉਨ੍ਹਾਂ 'ਤੇ ਅੱਤਿਆਚਾਰ ਹੋ ਰਹੇ ਹਨ। ਉਨ੍ਹਾਂ ਦੋਸ਼ ਲਗਾਇਆ ਕਿ ਪੁਲਿਸ ਨਿਰਦੋਸ਼ ਲੋਕਾਂ ਨੂੰ ਜਾਤੀ ਸੂਚਕ ਸ਼ਬਦਾਂ ਦੀ ਵਰਤੋਂ ਕਰਦੇ ਹੋਏ ਘਰਾਂ ਤੋਂ ਕੱਢ ਕੇ ਕੁੱਟਮਾਰ ਕਰ ਰਹੀ ਹੈ।
Annoyed with Yogi Government Dalit MP Writes Letter Modi
ਉਨ੍ਹਾਂ ਆਖਿਆ ਕਿ ਇਸ ਤਰ੍ਹਾਂ ਕਰਨ ਨਾਲ ਇਨ੍ਹਾਂ ਵਰਗਾਂ ਵਿਚ ਗੁੱਸਾ ਅਤੇ ਅਸੁਰੱਖਿਆ ਦੀ ਭਾਵਨਾ ਲਗਾਤਾਰ ਵਧਦੀ ਜਾ ਰਹੀ ਹੈ। ਉਥੇ 5 ਅਪ੍ਰੈਲ ਨੂੰ ਯੂਪੀ ਦੇ ਰਾਬਰਟਸਗੰਜ ਤੋਂ ਭਾਜਪਾ ਦੇ ਦਲਿਤ ਸਾਂਸਦ ਛੋਟੇ ਲਾਲ ਨੇ ਵੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਸੂਬੇ ਦੇ ਮੁੱਖ ਮੰਤਰੀ ਯੋਗੀ ਅਦਿਤਿਆਨਾਥ, ਸੂਬਾ ਪ੍ਰਧਾਨ ਮਹੇਂਦਰ ਨਾਥ ਪਾਂਡੇ ਅਤੇ ਭਾਜਪਾ ਨੇਤਾ ਸੁਨੀਲ ਬਾਂਸਲ ਦੀ ਵੀ ਸ਼ਿਕਾਇਤ ਕੀਤੀ ਸੀ। ਚਿੱਠੀ ਵਿਚ ਸਾਂਸਦ ਛੋਟੇ ਲਾਲ ਨੇ ਲਿਖਿਆ ਸੀ ਕਿ ਜ਼ਿਲ੍ਹੇ ਦੇ ਆਲ੍ਹਾ ਅਧਿਕਾਰੀ ਉਨ੍ਹਾਂ ਦਾ ਸੋਸ਼ਣ ਕਰ ਰਹੇ ਹਨ।
Annoyed with Yogi Government Dalit MP Writes Letter Modi
ਸਾਂਸਦ ਛੋਟੇ ਲਾਲ ਨੇ ਚਿੱਠੀ ਵਿਚ ਕਿਹਾ ਸੀ ਕਿ ਸ਼ਿਕਾਇਤ ਲੈ ਕੈ ਉਹ ਮੁੱਖ ਮੰਤਰੀ ਯੋਗੀ ਨੂੰ ਦੋ ਵਾਰ ਮਿਲੇ ਪਰ ਉਨ੍ਹਾਂ ਨੇ ਝਿੜਕ ਕੇ ਭਜਾ ਦਿਤਾ। ਪੀਐਮ ਮੋਦੀ ਨੇ ਸਾਂਸਦ ਛੋਟੇ ਲਾਲ ਨੂੰ ਉਚਿਤ ਕਾਰਵਾਈ ਦਾ ਭਰੋਸਾ ਦਿਤਾ ਹੈ। ਇਹ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਯੂਪੀ ਦੇ ਕਿਸੇ ਨੇਤਾ ਨੇ ਮੁੱਖ ਮੰਤਰੀ ਯੋਗੀ ਨਾਲ ਨਾਰਾਜ਼ਗੀ ਪ੍ਰਗਟਾਈ ਹੈ। ਇਸ ਤੋਂ ਪਹਿਲਾਂ ਭਾਜਪਾ ਦੀ ਦਲਿਤ ਸਾਂਸਦ ਸਵਿਤਰੀ ਬਾਈ ਫੂਲੇ ਨੇ ਵੀ ਸਰਕਾਰ ਨਾਲ ਨਾਰਾਜ਼ਗੀ ਪ੍ਰਗਟਾਈ ਸੀ।
