ਛੱਤੀਸਗੜ੍ਹ ਦੇ ਜ਼ਿਲ੍ਹਾ ਅੰਬਿਕਾਪੁਰ ਦੇ ਮੈਡੀਕਲ ਕਾਲੇਜ ਦੀ ਇਕ ਅਜੀਬੋ ਗਰੀਬ ਵੀਡੀਓ ਸਾਹਮਣੇ ਆਈ ਹੈ|
ਅੰਬਿਕਾਪੁਰ, ਛੱਤੀਸਗੜ੍ਹ ਦੇ ਜ਼ਿਲ੍ਹਾ ਅੰਬਿਕਾਪੁਰ ਦੇ ਮੈਡੀਕਲ ਕਾਲੇਜ ਦੀ ਇਕ ਅਜੀਬੋ ਗਰੀਬ ਵੀਡੀਓ ਸਾਹਮਣੇ ਆਈ ਹੈ| ਇਸ ਵੀਡੀਓ ਵਿਚ ਵਾਰਡ 'ਚ ਭਰਤੀ ਮਰੀਜ਼ਾਂ ਦਾ ਤੰਤਰ-ਮੰਤਰ ਨਾਲ ਇਲਾਜ ਕੀਤਾ ਰਿਹਾ ਹੈ| ਦੱਸ ਦਈਏ ਕਿ ਇੱਕ ਆਦਿਵਾਸੀ ਸ਼ਰੇਆਮ ਵਾਰਡ ਵਿਚ ਭਰਤੀ ਮਰੀਜਾਂ ਦਾ ਤੰਤਰ - ਮੰਤਰ ਨਾਲ ਇਲਾਜ ਕਰਨ ਦਾ ਡਰਾਮਾ ਕਰ ਰਿਹਾ|
ਝਾੜ ਫੂਕ ਕਰ ਕਿ ਇਲਾਜ ਕਰਨ ਦੀ ਵਿਧੀ ਵਾਲ਼ੀ ਇਹ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ| ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਵੀ ਇੱਥੇ ਅਜਿਹੇ ਮਾਮਲਿਆਂ ਦੀਆਂ ਖਬਰਾਂ ਸਾਹਮਣੇ ਆ ਚੁੱਕੀਆਂ ਹਨ ਪਰ ਹੈਰਾਨੀ ਦੀ ਇਹ ਹੈ ਕਿ ਹਸਪਤਾਲ ਪ੍ਰਸ਼ਾਸ਼ਨ ਇਨ੍ਹਾਂ ਗੱਲਾਂ ਤੋਂ ਇਨਕਾਰ ਕਰਦਾ ਆ ਰਿਹਾ ਹੈ| ਅਕਸਰ ਹਸਪਤਾਲ ਜਾਂ ਸਕੂਲਾਂ ਅੰਦਰ ਅਜਿਹੇ ਟੋਟਕੇ ਦੇਖਣ ਨੂੰ ਮਿਲਦੇ ਰਹਿੰਦੇ ਹਨ| ਆਪਣੀਆਂ ਅੱਖਾਂ ਦੇ ਸਾਹਮਣੇ ਹੋ ਰਹੇ ਸਾਰੇ ਅੰਧਵਿਸ਼ਵਾਸ਼ਾਂ ਨੂੰ ਪ੍ਰਸ਼ਾਸ਼ਨ ਵੱਲੋਂ ਸਾਫ ਇਨਕਾਰਿਆ ਜਾ ਰਿਹਾ ਹੈ|
ਸੂਬੇ ਦੇ ਮੁਖ ਮੰਤਰੀ ਰਮਨ ਸਿੰਘ ਸੂਬੇ ਵਿਚ ਵਿਕਾਸ ਦੇ ਵੱਡੇ ਵੱਡੇ ਦਾਅਵੇ ਕਰਦੇ ਹਨ ਅਤੇ ਇਲਾਕੇ ਦੇ ਵਿਕਾਸਸ਼ੀਲ ਹੋਣ ਦੀਆਂ ਗੱਲਾਂ ਕਰਦੇ ਹਨ ਪਰ ਅੰਬਿਕਪੁਰ ਦੇ ਇਸ ਹਸਪਤਾਲ ਵਿਚ ਇਕ ਤਾਂਤਰਿਕ ਵੱਲੋਂ ਮਰੀਜਾਂ ਦੀ ਕੀਤੀ ਜਾ ਰਹੀ ਝਾੜ ਫ਼ੂਕ ਮੁਖ ਮੰਤਰੀ ਦੇ ਦਾਵਿਆਂ ਦੀ ਪੋਲ ਖੋਲ੍ਹਦੀ ਹੈ| ਹਸਪਤਾਲ ਪ੍ਰਸ਼ਾਸ਼ਨ ਨੇ ਇਸ ਘਟਨਾ ਤੇ ਚੁਪੀ ਧਾਰੀ ਹੋਈ ਹੈ ਅਤੇ ਵੀਡੀਓ ਦੇ ਵਾਇਰਲ ਹੋਣ ਪਿੱਛੋਂ ਵੀ ਪ੍ਰਸ਼ਾਸ਼ਨ ਇਸ ਗੱਲ ਤੋਂ ਇਨਕਾਰੀ ਹੋ ਰਿਹਾ ਹੈ|
