ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਪਛਮੀ ਬੰਗਾਲ ਦੀਆਂ ਮੌਜੂਦਾ ਹਾਲਤਾਂ ਦੇ ਸੰਦਰਭ ਵਿਚ ਕਿਹਾ ਕਿ ਚੋਣ ਜ਼ਾਬਤਾ ਲਾਗੂ ਹੋਣ ਤੋਂ ਪਹਿਲਾਂ ਤਕ ਚੋਣ ਫ਼ਾਇਦੇ ਲਈ.....
ਨਵੀਂ ਦਿੱਲੀ : ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਪਛਮੀ ਬੰਗਾਲ ਦੀਆਂ ਮੌਜੂਦਾ ਹਾਲਤਾਂ ਦੇ ਸੰਦਰਭ ਵਿਚ ਕਿਹਾ ਕਿ ਚੋਣ ਜ਼ਾਬਤਾ ਲਾਗੂ ਹੋਣ ਤੋਂ ਪਹਿਲਾਂ ਤਕ ਚੋਣ ਫ਼ਾਇਦੇ ਲਈ ਲੋਕ ਤਰ੍ਹਾਂ-ਤਰ੍ਹਾਂ ਦੇ ਹੱਥਕੰਡੇ ਅਪਣਾਉਣਗੇ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਪਛਮੀ ਬੰਗਾਲਾ ਵਾਲਾ ਤਾਜ਼ਾ ਮਾਮਲਾ ਅਦਾਲਤ ਵਿਚ ਕਿਹਾ, ਇਸ ਲਈ ਉਹ ਕੁੱਝ ਨਹੀਂ ਕਹਿ ਸਕਦੇ। ਉਨ੍ਹਾਂ ਕਿਹਾ ਕਿ ਹਾਲੇ ਦੇਸ਼ ਵਿਚ ਚੋਣਾਂ ਦਾ ਮਾਹੌਲ ਹੈ ਅਤੇ ਕਰੀ ਇਕ ਮਹੀਨੇ ਮਗਰੋਂ ਚੋਣ ਜ਼ਾਬਤਾ ਲਾਗੂ ਹੋਣ ਵਾਲਾ ਹੈ, ਅਜਿਹੀ ਹਾਲਤ ਵਿਚ ਲੋਕ ਤਰ੍ਹਾਂ ਤਰ੍ਹਾਂ ਦੇ ਹੱਥਕੰਡੇ ਅਪਣਾਉਣਗੇ ਤਾਕਿ ਚੋਣ ਫ਼ਾਇਦਾ ਅਤੇ ਮੀਡੀਆ ਕਵਰੇਜ ਮਿਲ ਸਕੇ।
ਨਿਤੀਸ਼ ਨੇ ਕਿਹਾ ਕਿ ਹਰ ਹਾਲਤ ਵਿਚ ਅਸੀਂ ਲੋਕ ਸੰਵਿਧਾਨਕ ਵਿਵਸਕਾ, ਕਾਨੂੰਨ ਵਿਵਸਥਾ ਅਤੇ ਚੰਗੀਆਂ ਰਵਾਇਤਾਂ ਨੂੰ ਅਪਣਾ ਕੇ ਚਲਦੇ ਹਾਂ। ਇਸ ਮਸਲੇ 'ਤੇ ਸੀਬੀਆਈ ਅਤੇ ਮਮਤਾ ਬੈਨਰਜੀ ਹੀ ਦੱਸ ਸਕਦੀ ਹੈ। ਲੋਕਾਂ ਨੂੰ ਦੇਸ਼ ਦੀ ਚਿੰਤਾ ਨਹੀਂ, ਵੋਟ ਦੀ ਚਿੰਤਾ ਹੈ। ਪਛਮੀ ਬੰਗਾਲ ਦੀਆਂ ਮੌਜੂਦਾ ਹਾਲਤਾਂ ਨੂੰ ਵੇਖਦਿਆਂ ਉਥੇ ਰਾਸ਼ਟਰਪਤੀ ਸ਼ਾਸਨ ਲਾਉਣ ਦੇ ਸਵਾਲ 'ਤੇ ਉਨ੍ਹਾਂ ਕਿਹਾ ਕਿ ਕਾਂਗਰਸ ਜਦ ਸਿਖਰ 'ਤੇ ਸੀ ਤਾਂ ਬੜੀ ਸੌਖ ਨਾਲ ਰਾਸ਼ਟਰਪਤੀ ਸ਼ਾਸਨ ਲਾਗੂ ਹੋ ਜਾਂਦਾ ਸੀ ਪਰ ਹੁਣ ਇਹ ਹਾਲਤ ਨਹੀਂ ਹੈ। ਸਾਲ 2005 ਵਿਚ ਬਿਹਾਰ ਵਿਚ ਵੀ ਰਾਸ਼ਟਰਪਤੀ ਸ਼ਾਸਨ ਲਾਗੂ ਕੀਤਾ ਗਿਆ ਸੀ। (ਏਜੰਸੀ)
