ਇੰਡੋਨੇਸ਼ੀਆਂ ਵਿਚ ਭੂਚਾਲ ਅਤੇ ਸੁਨਾਮੀ ਪੀੜਤਾਂ ਦੀ ਸਹਾਇਤਾ ਲਈ ਭਾਰਤ ਨੇ ਵਿਆਪਕ ਅਭਿਆਨ ਸ਼ੁਰੂ ਕਰਦੇ ਹੋਏ ਦੋ ਜ਼ਹਾਜ਼ ਅਤੇ ਜਲ ਸੈਨਾ ਦੇ ...
ਨਵੀਂ ਦਿੱਲੀ : ਇੰਡੋਨੇਸ਼ੀਆਂ ਵਿਚ ਭੂਚਾਲ ਅਤੇ ਸੁਨਾਮੀ ਪੀੜਤਾਂ ਦੀ ਸਹਾਇਤਾ ਲਈ ਭਾਰਤ ਨੇ ਵਿਆਪਕ ਅਭਿਆਨ ਸ਼ੁਰੂ ਕਰਦੇ ਹੋਏ ਦੋ ਜ਼ਹਾਜ਼ ਅਤੇ ਜਲ ਸੈਨਾ ਦੇ ਤਿੰਨ ਜ਼ਹਾਜ਼ ਭੇਜੇ ਹਨ, ਇਹਨਾਂ ਵਿਚ ਰਾਹਤ ਸਮੱਗਰੀ ਲੱਦੀ ਹੋਈ ਹੈ। ਵਿਦੇਸ਼ ਮੰਤਰਾਲੇ ਨੇ ਬੁਧਵਾਰ ਨੂੰ ਇਕ ਬਿਆਨ 'ਚ ਇਹ ਜਾਣਕਾਰੀ ਦਿਤੀ ਹੈ। ਮੰਤਰਾਲੇ ਨੇ ਕਿਹਾ ਹੈ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਇਡੋਨੇਸ਼ੀਆਈ ਰਾਸ਼ਟਰਪਤੀ ਜੋਕੋ ਵਿਦੋਦੋ ਦੇ ਵਿਚ ਇਕ ਅਕਤੂਬਰ ਨੂੰ ਟੈਲੀਫੋਨ ਉਤੇ ਹੋਈ ਗੱਲ ਬਾਤ ਅਤੇ ਇੰਡੋਨੇਸ਼ੀਆ ਦੁਆਰਾ ਅੰਤਰਰਾਸ਼ਟਰੀ ਸਹਾਇਤਾ ਸਵੀਕਾਰ ਕੀਤੇ ਜਾਣ ਤੋਂ ਬਾਅਦ ਭਾਰਤ ਨੇ ਅਪਰੇਸ਼ਨ 'ਸਮੁੰਦਰ ਮੈਤਰੀ' ਸ਼ੁਰੂ ਕੀਤਾ।
Sunami Hit Indonesia
ਹਵਾਈ ਸੈਨਾ ਦੇ ਦੋ ਜ਼ਹਾਜ਼ ਬੁਧਵਾਰ ਦੀ ਸਵੇਰ ਨੂੰ ਮੈਡੀਕਲ ਕਰਮਚਾਰੀਆਂ ਅਤੇ ਰਾਹਤ ਸਮੱਗਰੀ ਦੇ ਨਾਲ ਇੰਡੋਨੇਸ਼ੀਆ ਜਾਣ ਲਈ ਰਵਾਨਾ ਹੋਏ। ਇਨ੍ਹਾਂ ਜ਼ਹਾਜ਼ਾਂ ਵਿਚ ਸੀ-130 ਜੇ ਅਤੇ ਸੀ-17 ਸ਼ਾਮਿਲ ਹਨ। ਸੀ-130 ਜੇ ਜ਼ਹਾਜ਼ ਨਾਲ ਤੰਬੂਆਂ ਅਤੇ ਉਪਕਰਨਾਂ ਦੇ ਨਾਲ ਇਕ ਮੈਡੀਕਲ ਟੀਮ ਭੇਜੀ ਗਈ ਹੈ। ਇਹਨਾਂ ਉਪਕਰਨਾਂ ਦੀ ਮਦਦ ਨਾਲ ਅਸਥਾਈ ਹਸਪਤਾਲ ਵੀ ਬਣਾਏ ਜਾ ਸਕਦੇ ਹਨ। ਸੀ-17 ਜ਼ਹਾਜ਼ ਨਾਲ ਤੁਰੰਤ ਸਹਾਇਤਾ ਦੇਣ ਕਰਨ ਦੇ ਲਈ ਦਵਾਈਆਂ, ਜੇਨਰੇਟਰ, ਤੰਬੂ, ਅਤੇ ਪਾਣੀ ਆਦਿ ਸਮੱਗਰੀ ਭੇਜੀ ਗਈ ਹੈ।
Sunami Hit Indonesia
ਮੰਤਰਾਲਾ ਨੇ ਦੱਸਿਆ ਕਿ ਜਲਸੈਨਾ ਦੇ ਤਿੰਨ ਜ਼ਹਾਜ਼ਾਂ ਆਈਐਨਐਸ ਤੀਰ, ਐਈਐਨਐਸ ਸੁਜਾਤਾ ਅਤੇ ਆਈਐਨਐਸ ਸ਼ਾਰਦੂਲ ਦੇ ਛੇ ਅਕਤੂਬਰ ਨੂੰ ਇੰਡੋਨੇਸ਼ੀਆ ਟਾਪੂ ਸੂਲਵੇਸੀ ਪਹੁੰਚਣ ਦੀ ਸੰਭਾਵਨਾ ਹੈ। ਸੰਭਾਵਨਾ ਹੈ ਕਿ ਇੰਡੋਨੇਸ਼ੀਆਂ 'ਚ ਸ਼ੁਕਰਵਾਰ ਨੂੰ 7.5 ਤੀਬਰਤਾ ਨਾਲ ਭੂਚਾਲ ਆਇਆ ਸੀ। ਜਿਸ ਨਾਲ ਸੁਨਾਮੀ ਪੈਦਾ ਹੋਈ। ਭੂਚਾਲ ਅਤੇ ਸੁਨਾਮੀ ਦੇ ਕਾਰਨ ਉਥੇ ਭਾਰੀ ਤਬਾਹੀ ਹੋਈ ਹੈ।
