ਸ਼ਿਲਾਂਗ ਵਿਚ ਸ਼ੁਕਰਵਾਰ ਦੀ ਹਿੰਸਾ ਦੇ ਬਾਅਦ ਤੋਂ ਤਣਾਅ ਅਜੇ ਵੀ ਬਰਕਰਾਰ ਹੈ। ਐਤਵਾਰ ਰਾਤ ਨੂੰ ਪ੍ਰਦਰਸ਼ਨਕਾਰੀਆਂ ਨੇ ਸੁਰੱਖਿਆ ਬਲਾਂ 'ਤੇ ਬੰਬ ਸੁੱਟਿਆ।
ਨਵੀਂ ਦਿੱਲੀ : ਸ਼ਿਲਾਂਗ ਵਿਚ ਸ਼ੁਕਰਵਾਰ ਦੀ ਹਿੰਸਾ ਦੇ ਬਾਅਦ ਤੋਂ ਤਣਾਅ ਅਜੇ ਵੀ ਬਰਕਰਾਰ ਹੈ। ਐਤਵਾਰ ਰਾਤ ਨੂੰ ਪ੍ਰਦਰਸ਼ਨਕਾਰੀਆਂ ਨੇ ਸੁਰੱਖਿਆ ਬਲਾਂ 'ਤੇ ਬੰਬ ਸੁੱਟਿਆ। ਪ੍ਰਦਰਸ਼ਨਕਾਰੀਆਂ ਨੂੰ ਖਦੇੜਨ ਲਈ ਪੁਲਿਸ ਨੂੰ ਹੰਝੂ ਗੈਸ ਦੇ ਗੋਲੇ ਛੱਡਣੇ ਪਏ। ਇੱਥੇ ਦੋ ਗੁੱਟਾਂ ਵਿਚ ਹੋਈ ਹਿੰਸਕ ਝੜਪ ਦੇ ਬਾਅਦ ਤੋਂ ਹੀ ਕਰਫਿਊ ਲਗਾ ਦਿਤਾ ਗਿਆ ਸੀ, ਜਿਸ ਵਿਚ ਐਤਵਾਰ ਨੂੰ ਕੁੱਝ ਦੇਰ ਢਿੱਲ ਦਿਤੀ ਗਈ ਸੀ ਪਰ ਪਟਰੌਲ ਬੰਬ ਸੁੱਟੇ ਜਾਣ ਦੀ ਘਟਨਾ ਨਾਲ ਇਕ ਵਾਰ ਫਿਰ ਹਾਲਾਤ ਤਣਾਅ ਪੂਰਨ ਹੋ ਗਏ ਹਨ।
protesters threw petrol bombs on security forcesਇਸ ਪੂਰੇ ਮਾਮਲੇ ਵਿਚ ਮੁੱਖ ਮੰਤਰੀ ਕੋਨਰੈਡ ਸੰਗਮਾ ਨੇ ਕਿਹਾ ਕਿ ਸ਼ੁਕਰਵਾਰ ਨੂੰ ਹੋਈ ਹਿੰਸਕ ਝੜਪ ਦੇ ਪਿੱਛੇ ਇਕ ਸੋਚੀ ਸਮਝੀ ਸਾਜਿਸ਼ ਹੈ। ਹਾਲਾਂਕਿ ਇਸ ਹਿੰਸਾ ਦੇ ਵਿਚਕਾਰ ਇਕ ਵਾਰ ਫਿਰ ਸਾਲਾਂ ਪੁਰਾਣਾ ਉਹ ਸੰਘਰਸ਼ ਸਾਹਮਣੇ ਆ ਗਿਆ ਹੈ ਜੋ ਇੱਥੋਂ ਦੇ ਮੂਲ ਆਦਿਵਾਸੀਆਂ ਅਤੇ ਪਰਵਾਸੀਆਂ ਦੇ ਵਿਚਕਾਰ ਜ਼ਮੀਨ ਨੂੰ ਲੈ ਕੇ ਰਿਹਾ ਹੈ।
shillong security forcesਮੇਘਾਲਿਆ ਦੀ ਰਾਜਧਾਨੀ ਸ਼ਿਲਾਂਗ ਵਿਚ ਦੋ ਸਮਾਜਾਂ ਦੇ ਵਿਚਕਾਰ ਤਿੰਨ ਦਿਨ ਪਹਿਲਾਂ ਸ਼ੁਰੂ ਹੋਈ ਝੜਪ ਤੋਂ ਬਾਅਦ ਸ਼ਾਂਤੀ ਤਾਂ ਹੈ ਪਰ ਤਣਾਅ ਅਜੇ ਵੀ ਬਣਿਆ ਹੋਇਆ ਹੈ। ਮੁੱਖ ਮੰਤਰੀ ਕੋਨਰੈਡ ਸੰਗਮਾ ਦਾ ਦਾਅਵਾ ਹੈ ਕਿ ਇਸ ਝੜਪ ਦੇ ਪਿੱਛੇ ਇਕ ਸੋਚੀ ਸਮਝੀ ਸਾਜਿਸ਼ ਹੈ ਪਰ ਇਸ ਮਾਮਲੇ ਨਾਲ ਇਕ ਵਾਰ ਫਿਰ ਸਾਲਾਂ ਪੁਰਾਣਾ ਸੰਘਰਸ਼ ਸਾਹਮਣੇ ਆਇਆ ਗਿਆ ਹੈ ਜੋ ਇੱਥੋਂ ਦੇ ਮੂਲ ਆਦਿਵਾਸੀਆਂ ਅਤੇ ਪਰਵਾਸੀਆਂ ਦੇ ਵਿਚਕਾਰ ਜ਼ਮੀਨ ਨੂੰ ਲੈ ਕੇ ਰਿਹਾ ਹੈ।
shillong security forces34 ਸਾਲ ਦੀ ਸੰਜਨਾ ਸ਼ਿਲਾਂਗ ਵਿਚ ਪਲੀ ਵਧੀ ਹੈ। ਉਨ੍ਹਾਂ ਦੇ ਪੁਰਖ਼ੇ ਬ੍ਰਿਟਿਸ਼ ਰਾਜ ਵਿਚ ਪੰਜਾਬ ਤੋਂ ਇੱਥੇ ਲਿਆਂਦੇ ਗਏ ਸਨ। ਉਦੋਂ ਤੋਂ ਹੀ ਉਹ ਸ਼ਿਲਾਂਗ ਦੀ ਪੰਜਾਬੀ ਲਾਈਨ ਵਿਚ ਰਹਿੰਦੇ ਹਨ। ਇਹ ਪਰਵਾਸੀਆਂ ਦੀ ਕਾਲੋਨੀ ਹੈ ਜੋ ਹਾਲ ਦੀ ਝੜਪ ਦੌਰਾਨ ਨਿਸ਼ਾਨੇ 'ਤੇ ਰਹੀ। ਸਨਿਚਰਵਾਰ ਰਾਤ ਕਰੀਬ ਦੋ ਸੌ ਪਰਵਾਸੀ ਜਿਨ੍ਹਾਂ ਵਿਚ ਜ਼ਿਆਦਾਤਰ ਪੰਜਾਬੀ ਸਨ, ਇਸ ਕਾਲੋਨੀ ਤੋਂ ਭੱਜ ਗਏ ਸਨ ਅਤੇ ਨੇੜੇ ਹੀ ਫ਼ੌਜ ਦੀ ਛਾਉਣੀ ਵਿਚ ਉਨ੍ਹਾਂ ਨੇ ਸ਼ਰਣ ਲੈ ਲਈ ਸੀ।
shillong security forcesਦਿੱਲੀ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੀ ਇਕ ਟੀਮ ਐਤਵਾਰ ਨੂੰ ਪੰਜਾਬੀ ਲਾਈਨ ਪਹੁੰਚੀ। ਉਨ੍ਹਾਂ ਨੇ ਪਰਵਾਸੀਆਂ ਨੂੰ ਧੀਰਜ ਬੰਨ੍ਹਾਇਆ ਅਤੇ ਸ਼ਾਂਤੀ ਬਣਾਏ ਰੱਖਣ ਦੀ ਅਪੀਲ ਕੀਤੀ ਹੈ। ਦਰਅਸਲ ਸਥਾਨਕ ਖਾਸੀ ਸਮਾਜ ਹਮੇਸ਼ਾਂ ਤੋਂ ਹੀ ਇੱਥੇ ਸਰਕਾਰੀ ਜ਼ਮੀਨ 'ਤੇ ਪੰਜਾਬੀਆਂ ਦੇ ਰਹਿਣ ਦਾ ਵਿਰੋਧ ਕਰਦਾ ਰਿਹਾ ਹੈ ਅਤੇ ਉਨ੍ਹਾਂ ਨੂੰ ਕਿਤੇ ਹੋਰ ਜਾਣ ਦੀ ਮੰਗ ਕਰਦਾ ਰਿਹਾ ਹੈ। ਵੀਰਵਾਰ ਨੂੰ ਹੋਏ ਸੰਘਰਸ਼ ਤੋਂ ਬਾਅਦ ਲੰਬੇ ਸਮੇਂ ਤੋਂ ਚੱਲ ਰਿਹਾ ਇਹ ਤਣਾਅ ਸਾਹਮਣੇ ਨਿਕਲ ਕੇ ਆ ਗਿਆ ਹੈ।
