ਕੈਗ ਨੇ ਦਿੱਲੀ ਦੀ ਕੇਜਰੀਵਾਲ ਸਰਕਾਰ ਨੂੰ ਲੈ ਕੇ ਅਪਣੀ ਰਿਪੋਰਟ ਜਾਰੀ ਕੀਤੀ ਹੈ, ਜਿਸ ਵਿਚ ਦਿੱਲੀ ਸਰਕਾਰ 'ਤੇ ਕਈ ਸਵਾਲ ਖੜ੍ਹੇ ਕੀਤੇ ਗਏ ਹਨ। ਕੈਗ ਰਿਪੋਰਟ
ਨਵੀਂ ਦਿੱਲੀ : ਕੈਗ ਨੇ ਦਿੱਲੀ ਦੀ ਕੇਜਰੀਵਾਲ ਸਰਕਾਰ ਨੂੰ ਲੈ ਕੇ ਅਪਣੀ ਰਿਪੋਰਟ ਜਾਰੀ ਕੀਤੀ ਹੈ, ਜਿਸ ਵਿਚ ਦਿੱਲੀ ਸਰਕਾਰ 'ਤੇ ਕਈ ਸਵਾਲ ਖੜ੍ਹੇ ਕੀਤੇ ਗਏ ਹਨ। ਕੈਗ ਰਿਪੋਰਟ ਵਿਚ ਸਾਹਮਣੇ ਆਇਆ ਹੈ ਕਿ ਰਾਸ਼ਣ ਦੀਆਂ ਦੁਕਾਨਾਂ ਦਾ ਲਾਇਸੰਸ ਰੱਖਣ ਵਾਲੇ ਅਤੇ ਕਈ ਅਜਿਹੇ ਪਰਿਵਾਰਾਂ ਦੇ ਕੋਲ ਵੀ ਨੈਸ਼ਨਲ ਫੂਡ ਸਕਿਉਰਟੀ (ਐਨਐਫਐਸ) ਕਾਰਡ ਹਨ, ਜਿਨ੍ਹਾਂ ਦੀ ਹੈਸੀਅਤ ਨੌਕਰ ਰੱਖਣ ਦੀ ਹੈ।
Kejriwal Government for CBI probe on CAG Points out Corruption Delhi
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਭਾਰਤੀ ਖ਼ੁਰਾਕ ਨਿਗਮ ਦੇ ਗੁਦਾਮਾਂ ਤੋਂ ਰਾਸ਼ਣ ਦੀਆਂ ਦੁਕਾਨਾਂ ਤਕ ਅਨਾਜ ਪਹੁੰਚਾਉਣ ਲਈ ਸਕੂਟਰ, ਬੱਸ, ਆਟੋ ਅਤੇ ਮੋਟਰਸਾਈਕਲ ਤਕ ਦੀ ਵਰਤੋਂ ਕੀਤੀ ਗਈ।
Kejriwal Government for CBI probe on CAG Points out Corruption Delhi
ਦਸਣਯੋਗ ਹੈ ਕਿ ਇਨ੍ਹਾਂ ਵਾਹਨਾਂ ਰਾਹੀਂ 1589.92 ਕੁਇੰਟਲ ਰਾਸ਼ਨ ਲੋਕਾਂ ਤਕ ਪਹੁੰਚਾਇਆ ਗਿਆ। ਕੈਗ ਨੇ ਇਹ ਖ਼ਦਸ਼ਾ ਜ਼ਾਹਿਰ ਕੀਤਾ ਹੈ ਕਿ ਇਸ ਤਰ੍ਹਾਂ ਸਪਲਾਈ ਕੀਤੇ ਰਾਸ਼ਨ ਦੀ ਚੋਰੀ ਵੀ ਹੋ ਸਕਦੀ ਹੈ ਜਾਂ ਇਸ ਨੂੰ ਗ਼ੈਰ ਲੋੜਵੰਦ ਲੋਕਾਂ ਤਕ ਵੀ ਪਹੁੰਚਾਇਆ ਜਾ ਸਕਦਾ ਹੈ। ਭਾਵੇਂ ਵਿਭਾਗ ਨੇ ਇਸ ਨੂੰ ਟੈਲੀਗ੍ਰਾਫ਼ਕ ਡੈਟਾ ਐਂਟਰੀ ਵਿਚ ਹੋਈ ਗੜਬੜ ਮੰਨਿਆ ਹੈ ਪਰ ਫਿਰ ਵੀ ਕੈਗ ਇਸ ਨਾਲ ਸਹਿਮਤ ਨਹੀਂ ਹੈ।
Kejriwal Government for CBI probe on CAG Points out Corruption Delhi
ਰਾਸ਼ਨ ਘਪਲੇ ਦੀ ਸ਼ੰਕਾ ਨੂੰ ਦੇਖਦਿਆਂ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਕੈਗ ਰਿਪੋਰਟ ਨੂੰ ਵਿਧਾਨ ਸਭਾ ਸਾਹਮਣੇ ਰੱਖ ਦਿਤਾ ਹੈ ਅਤੇ ਨਾਲ ਹੀ ਉਨ੍ਹਾਂ ਐਲਜੀ 'ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਹੈ ਕਿ ਸਾਡੀ ਸਰਕਾਰ ਨੇ ਪਹਿਲਾਂ ਹੀ ਇਸ ਤਰ੍ਹਾਂ ਦੀ ਯੋਜਨਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਸੀ ਕਿ ਜਿਸ ਨਾਲ ਰਾਸ਼ਨ ਨੂੰ ਘਰੋ-ਘਰੀ ਸਪਲਾਈ ਕੀਤਾ ਜਾ ਸਕੇ ਪਰ ਐਲਜੀ ਨੇ ਇਸ ਯੋਜਨਾ ਨੂੰ ਨਾ-ਮਨਜ਼ੂਰ ਕਰ ਕੇ ਘਪਲਾ ਕਰਨ ਵਾਲਿਆਂ ਨਾਲ ਦੋਸਤੀ ਨਿਭਾਈ ਹੈ।
Kejriwal Government for CBI probe on CAG Points out Corruption Delhi
ਇਸ ਤੋਂ ਇਲਾਵਾ ਦਿੱਲੀ ਸਰਕਾਰ ਨੇ 50 ਮਾਮਲਿਆਂ ਦੀ ਸੀਬੀਆਈ ਜਾਂਚ ਕਰਵਾਉਣ ਦੀ ਵੀ ਮਨਜ਼ੂਰੀ ਦੇ ਦਿਤੀ ਹੈ। ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਨੇ ਵਿਧਾਨ ਸਭਾ ਵਿਚ ਦਸਿਆ ਸੀ ਕਿ ਸੀਬੀਆਈ ਜਾਂਚ ਨਾਲ ਇਹ ਪਤਾ ਲੱਗ ਜਾਵੇਗਾ ਕਿ ਰਾਸ਼ਨ ਕਿੱਥੇ-ਕਿੱਥੇ ਪਹੁੰਚਿਆ?
