File Photo
ਅਪ੍ਰੈਲ ਤੋਂ ਤਿੰਨ ਮਹੀਨੇ ਤਕ ਹਰ ਮਹੀਨੇ 500 ਰੁਪਏ ਦੀ ਮਦਦ ਦੇਣ ਦਾ ਐਲਾਨ ਕੀਤਾ ਸੀ।
ਨਵੀਂ ਦਿੱਲੀ, 2 ਮਈ : ਮਹਿਲਾ ਜਨਧਨ ਖਾਤਾਧਾਰਕਾਂ ਦੇ ਖਾਤਿਆਂ ’ਚ 500 ਰੁਪਏ ਦੀ ਸਰਕਾਰੀ ਮਦਦ ਦੀ ਦੂਜੀ ਕਿਸ਼ਤ ਸੋਮਵਾਰ ਤੋਂ ਮਿਲਣੀ ਸ਼ੁਰੂ ਹੋਵੇਗੀ। ਕੋਵਿਡ 19 ਦੇ ਸੰਕਟ ਦੌਰਾਨ ਗ਼ਰੀਬਾ ਦੀ ਮਦਦ ਲਈ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ 26 ਮਾਰਚ ਨੂੰ ਮਹਿਲਾ ਜਨਧਨ ਖਾਤਾਧਾਰਕਾ ਦੇ ਖਾਤਿਆਂ ’ਚ ਅਪ੍ਰੈਲ ਤੋਂ ਤਿੰਨ ਮਹੀਨੇ ਤਕ ਹਰ ਮਹੀਨੇ 500 ਰੁਪਏ ਦੀ ਮਦਦ ਦੇਣ ਦਾ ਐਲਾਨ ਕੀਤਾ ਸੀ।
ਵਿੱਤੀ ਸੇਵਾ ਸਕੱਤਰ ਦੇਵਾਸ਼ੀਸ਼ ਪਾਂਡਾ ਨੇ ਸਨਿਚਰਵਾਰ ਨੂੰ ਟਵੀਟ ਰਾਹੀਂ ਇਹ ਜਾਣਕਾਰੀ ਦਿਤੀ। ਉਨ੍ਹਾਂ ਕਿਹਾ, ‘‘ਪ੍ਰਧਾਨਮੰਤਰੀ ਗ਼ਰੀਬ ਭਲਾਈ ਪੈਕੇਜ ਦੇ ਤਹਿਤ ਪ੍ਰਧਾਨਮੰਤਰੀ ਜਨਧਨ ਯੋਜਨਾ ਮਹਿਲਾ ਖਾਤਾਧਾਰਕਾਂ ਦੇ ਬੈਂਕ ਖਾਤਿਆਂ ’ਚ ਮਈ ਮਹੀਨੇ ਦੀ ਕਿਸ਼ਤ ਭੇਜ ਦਿਤੀ ਗਈ ਹੈ।’’ ਉਨ੍ਹਾ ਕਿਹਾ ਕਿ ਲਾਭਪਾਤਰਾਂ ਨੂੰ ਇਹ ਪੈਸਾ ਕਢਾਉਣ ਲਈ ਇਕ ਲਿਸਟ ਜਾਰੀ ਕੀਤੀ ਗਈ ਹੈ। ਉਸ ਦੇ ਹਿਸਾਬ ਨਾਲ ਉਹ ਬੈਂਕ ਬ੍ਰਾਂਚ ਜਾਂ ਗਾਹਕ ਸੇਵਾ ਕੇਂਦਰ ਜਾ ਕੇ ਪੈਸਾ ਕਢਾ ਸਕਦੇ ਹਨ। ਇਹ ਪੈਸਾ ਏ.ਟੀ.ਐਮ ਤੋਂ ਵੀ ਕਢਾਵਾ ਸਕਦੇ ਹਨ। (ਪੀਟੀਆਈ)
