ਭਾਰਤੀ ਹਵਾਈ ਫੌਜ ਦੇ ਤੇਜਸ ਜਹਾਜ਼ ਦਾ ਤੇਲ ਟੈਂਕ ਉਡਾਨ ਦੇ ਸਮੇਂ ਸੁਲੂਰ ਹਵਾਈ ਅੱਗੇ ਦੇ ਨੇੜੇ ਖੇਤ ਵਿਚ ਡਿੱਗ ਗਿਆ।
ਤਾਮਿਲਨਾਡੂ: ਭਾਰਤੀ ਹਵਾਈ ਫੌਜ ਦੇ ਤੇਜਸ ਜਹਾਜ਼ ਦਾ ਤੇਲ ਟੈਂਕ ਉਡਾਨ ਦੇ ਸਮੇਂ ਸੁਲੂਰ ਹਵਾਈ ਅੱਗੇ ਦੇ ਨੇੜੇ ਖੇਤ ਵਿਚ ਡਿੱਗ ਗਿਆ। ਇਹ ਜਾਣਕਾਰੀ ਨਿਊਜ਼ ਏਜੰਸੀ ਨੇ ਦਿੱਤੀ ਹੈ। ਨਿਊਜ਼ ਏਜੰਸੀ ਨੇ ਇਸ ਹਾਦਸੇ ਦੀਆਂ ਦੋ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆ ਹਨ, ਜਿਨ੍ਹਾਂ ਵਿਚ ਤੇਲ ਟੈਂਕ ਜ਼ਮੀਨ ‘ਤੇ ਸਾਫ਼ ਦਿਖਾਈ ਦੇ ਰਿਹਾ ਹੈ।
Fuel Tank
ਇਸ ਜਹਾਜ਼ ਦੇ ਡਿੱਗਣ ਨਾਲ ਖੇਤ ਵਿਚ ਅੱਗ ਲੱਗ ਗਈ ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਮੌਕੇ ਤੇ ਪਹੁੰਚੀ ਪੁਲਿਸ ਨੇ ਸਥਾਨਕ ਲੋਕਾਂ ਦੀ ਮਦਦ ਨਾਲ ਅੱਗ ‘ਤੇ ਕਾਬੂ ਪਾ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਤੇਲ ਟੈਂਕ ਡਿੱਗਣ ਦੇ ਬਾਵਜੂਦ ਵੀ ਪਾਇਲਟ ਨੇ ਜਹਾਜ਼ ਨੂੰ ਸੁਰੱਖਿਅਤ ਸੁਲੂਰ ਹਵਾਈ ਸਟੇਸ਼ਨ ‘ਤੇ ਉਤਾਰ ਦਿੱਤਾ। ਹਵਾਈ ਫੌਜ ਦੇ ਸੂਤਰਾਂ ਦਾ ਕਹਿਣਾ ਹੈ ਕਿ ਟੈਂਕ ਦੇ ਡਿੱਗਣ ਦੇ ਕਾਰਨਾਂ ਬਾਰੇ ਹਾਲੇ ਤੱਕ ਕੁਝ ਨਹੀਂ ਪਤਾ ਚੱਲ ਸਕਿਆ। ਇਸ ਦੀ ਜਾਂਚ ਦੇ ਆਦੇਸ਼ ਦੇ ਦਿੱਤੇ ਗਏ ਹਨ।
Tejas Light Combat Aircraft
ਜਾਣਕਾਰੀ ਮੁਤਾਬਕ ਮੰਗਲਵਾਰ ਸਵੇਰੇ ਤਾਮਿਲਨਾਡੂ ਦੇ ਕੋਯੰਬਟੂਰ ਨੇੜੇ ਉਸ ਸਮੇਂ ਇਕ ਵੱਡਾ ਹਾਦਸਾ ਹੋਣੋਂ ਟਲ ਗਿਆ ਜਦੋਂ ਭਾਰਤੀ ਹਵਾਈ ਫੌਜ ਦੇ ਤੇਜਸ ਜਹਾਜ਼ ਦਾ ਤੇਲ ਟੈਂਕ ਉਡਾਨ ਭਰਤ ਦੌਰਾਨ ਹੇਠਾਂ ਡਿੱਗ ਗਿਆ। ਇਸ ਕਾਰਨ ਖੇਤ ਵਿਚ ਅੱਗ ਲੱਗ ਗਈ। ਦੱਸ ਦਈਏ ਕਿ ਤੇਜਸ ਭਾਰਤ ਵਿਚ ਵਿਕਸਤ ਕੀਤਾ ਜਾ ਰਿਹਾ ਇਕ ਹਲਕਾ ਜੈੱਟ ਲੜਾਕੂ ਜਹਾਜ਼ ਹੈ। ਇਸ ਜਹਾਜ਼ ਦਾ ਅਧਿਕਾਰਕ ਨਾਂਅ ਤੇਜਸ 4 ਮਈ 2003 ਨੂੰ ਸਾਬਕਾ ਪ੍ਰਧਾਨ ਮੰਤਰੀ ਅਟੱਲ ਬਿਹਾਰੀ ਵਾਜਪੇਈ ਨੇ ਰੱਖਿਆ ਸੀ।
