ਨੇਪਾਲ ਸੈਨਾ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਫੁਟਪ੍ਰਿੰਟ ਇਸ ਖੇਤਰ ਵਿਚ ਕਈ ਵਾਰ ਦੇਖੇ ਗਏ ਹਨ
ਨਵੀਂ ਦਿੱਲੀ- ਭਾਰਤੀ ਸੈਨਾ ਨੇ ਕੁੱਝ ਦਿਨ ਪਹਿਲਾ ਇਕ ਤਸਵੀਰ ਆਪਣੇ ਟਵਿੱਟਰ ਅਕਾਊਂਟ ਤੇ ਸ਼ੇਅਰ ਕੀਤੀ ਸੀ ਜਿਸ ਵਿਚ 'ਹਿਮ ਮਾਨਵ' ਦੇ ਪੈਰਾਂ ਦੇ ਨਿਸ਼ਾਨ ਦਿਖ ਰਹੇ ਸਨ। ਇੰਡੀਅਨ ਫੋਰਸ ਇਹ ਦਾਅਵਾ ਕਰ ਰਹੀ ਸੀ ਕਿ ਇਹ ਨਿਸ਼ਾਨ 'ਹਿਮ ਮਾਨਵ' ਦੇ ਪੈਰਾਂ ਦੇ ਨਿਸ਼ਾਨ ਹਨ ਪਰ ਨੇਪਾਲ ਦੇ ਅਧਿਕਾਰੀਆਂ ਨੇ ਇਨ੍ਹਾਂ ਤਸਵੀਰਾਂ ਨੂੰ ਗਲਤ ਸਾਬਿਤ ਕਰ ਦਿੱਤਾ ਹੈ। ਭਾਰਤੀ ਸੈਨਾ ਨੇ 'ਹਿਮ ਮਾਨਵ' ਯੇਤੀ ਦੀ ਮੌਜੂਦਗੀ ਨੂੰ ਲੈ ਕੇ ਵੱਡਾ ਦਾਅਵਾ ਕੀਤਾ ਹੈ।
Snowman Foot Print
ਸੈਨਾ ਨੇ ਕਈ ਤਸਵੀਰਾਂ ਜਾਰੀ ਕਰਦੇ ਹੋਏ ਕਿਹਾ ਹੈ ਕਿ ਉਹਨਾਂ ਦੀ ਮਾਉਂਟਿੰਗ ਮੁਹਿੰਮ ਟੀਮ ਨੇ 09 ਅਪ੍ਰੈਲ ਨੂੰ ਨੇਪਾਲ-ਚੀਨ ਸੀਮਾ ਤੇ ਮੌਜੂਦ ਮਕਾਲੂ ਬੇਸ ਕੈਂਪ ਦੇ ਕੋਲ 'ਯੇਤੀ' ਦੇ ਰਹੱਸਮਈ ਪੈਰਾਂ ਦੇ ਨਿਸ਼ਾਨ ਦੇਖੇ ਸਨ। ਭਾਰਤੀ ਫੌਜ ਦੇ ਇਸ ਦਾਅਵੇ ਨੂੰ ਹੁਣ ਨੇਪਾਲ ਦੇ ਅਧਿਕਾਰੀਆਂ ਨੇ ਖਾਰਿਜ ਕਰ ਦਿੱਤਾ ਹੈ। ਨੇਪਾਲ ਸੈਨਾ ਦੇ ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਇਸ ਤਰ੍ਹਾਂ ਦੇ ਫੁਟਪ੍ਰਿੰਟ ਇਸ ਖੇਤਰ ਵਿਚ ਕਈ ਵਾਰ ਦੇਖੇ ਜਾਂਦੇ ਹਨ ਅਤੇ ਇਹ ਜੰਗਲੀ ਭਾਲੂ ਦੇ ਪੈਰਾਂ ਦੇ ਨਿਸ਼ਾਨ ਹਨ।
Snowman Foot Print
ਦੱਸ ਦਈਏ ਕਿ ਭਾਰਤੀ ਫੌਜ ਨੇ ਆਪਣੇ ਦਾਅਵਿਆਂ ਨੂੰ ਸਾਬਤ ਕਰਨ ਲਈ 'ਯੇਤੀ' ਦੇ ਫੁਟਪ੍ਰਿੰਟ ਦੱਸਦੇ ਹੋਏ ਕੁਲ ਤਿੰਨ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ। ਇਸ ਫੁਟਪ੍ਰਿੰਟ ਦੀ ਲੰਬਾਈ 32 ਇੰਚ ਅਤੇ ਚੋੜਾਈ 15 ਇੰਚ ਮਿਣੀ ਗਈ ਜੋ ਇਸ ਇਲਾਕੇ ਵਿਚ ਰਹਿਣ ਵਾਲੇ ਕਿਸੇ ਹੋਰ ਜਾਨਵਰ ਨਾਲ ਮੇਲ ਨਹੀਂ ਖਾਂਦੀ। ਨੇਪਾਲ ਵਿਚ ਮੌਜੂਦ ਮਕਾਲੂ-ਬਾਰੁਨ ਨੈਸ਼ਨਲ ਪਾਰਕ ਦਾ ਇਹ ਉਹੀ ਇਲਾਕਾ ਹੈ ਜਿਸ ਵਿਚ ਪਹਿਲਾਂ ਵੀ 'ਯੇਤੀ' ਵੇਖੇ ਜਾਣ ਦਾ ਦਾਅਵਾ ਕੀਤਾ ਜਾਂਦਾ ਰਿਹਾ ਹੈ।
