ਡੀਐਮ ਨੇ ਕਾਰਵਾਈ ਕਰਨ ਦੇ ਦਿੱਤੇ ਹੁਕਮ
ਲਖਨਉ: ਉੱਤਰ ਪ੍ਰਦੇਸ਼ ਦੇ ਇਕ ਸਰਕਾਰੀ ਸਕੂਲ ਦਾ ਇਕ ਵੀਡੀਉ ਵਾਇਰਲ ਹੋਇਆ ਹੈ ਜਿਸ ਵਿਚ ਦੋ ਮਹਿਲਾ ਅਧਿਆਪਕ ਅੰਗ੍ਰੇਜ਼ੀ ਦੀ ਕਿਤਾਬ ਚੋਂ ਇਕ ਲਾਈਨ ਵੀ ਢੰਗ ਨਾਲ ਨਹੀਂ ਪੜ ਸਕੀਆਂ। ਇਹ ਘਟਨਾ ਖੁਦ ਜਿਲ੍ਹਾ ਅਧਿਕਾਰੀ ਦੀ ਮੌਜੂਦਗੀ ਵਿਚ ਵਾਪਰੀ। ਇਸ ਤੋਂ ਬਾਅਦ ਡੀਐਮ ਭੜਕ ਗਏ ਅਤੇ ਉਨ੍ਹਾਂ ਨੇ ਤੁਰੰਤ ਹੀ ਬੀਐਸ ਨੂੰ ਕਾਰਵਾਈ ਦੇ ਨਿਰਦੇਸ਼ ਦੇ ਦਿੱਤੇ। ਦੱਸ ਦਈਏ ਡੀਐਮ ਦੇ ਸਾਹਮਣੇ ਇਕ ਅਧਿਆਪਕ ਨੇ ਤਾਂ ਇਹ ਕਹਿ ਦਿੱਤਾ ਕਿ ਮੈਨੂੰ ਅੰਗ੍ਰੇਜ਼ੀ ਥੋੜੀ ਘੱਟ ਆਉਂਦੀ ਹੈ।
Uttar pradesh english teacher fails read lines language
ਦਰਅਸਲ ਉਨਾਵ ਦੇ ਜਿਲ੍ਹਾ ਅਧਿਕਾਰੀ ਦੇਵੰਦਰ ਕੁਮਾਰ ਪਾਂਡੇ ਜਿਲ੍ਹੇ ਦੇ ਸਿਕੰਦਰਪੁਰ ਸਰੋਸੀ ਦੇ ਇਕ ਸਰਕਾਰੀ ਸਕੂਲ ਵਿਚ ਅਚਾਨਕ ਆ ਗਏ। ਇੱਥੇ ਉਨ੍ਹਾਂ ਨੇ ਅੱਠਵੀ ਜਮਾਤ ਦੇ ਕੁੱਝ ਬੱਚਿਆਂ ਨੂੰ ਅੰਗ੍ਰੇਜ਼ੀ ਦੀ ਕੁੱਝ ਲਾਈਨਾ ਪੜਨ ਨੂੰ ਕਿਹਾ ਪਰ ਉਹ ਪੜ ਨਾ ਸਕੇ। ਇਸ ਤੋਂ ਬਾਅਦ ਡੀਐਮ ਨੇ ਉੱਥੇ ਮੌਜੂਦ ਮਹਿਲਾ ਅਧਿਆਪਕ ਨੂੰ ਪੜਨ ਲਈ ਕਿਹਾ ਪਰ ਉਹ ਉਸ ਵੇਲੇ ਹੈਰਾਨ ਹੋ ਗਏ ਜਦੋਂ ਅਧਿਆਪਕ ਕਿਤਾਬ ਦੀ ਲਾਈਨ ਪੜਨ ਵਿਚ ਅਸਫ਼ਲ ਰਹੀ। ਇਸ ਘਟਨਾ ਦਾ ਇਕ ਵੀਡੀਉ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ।
#WATCH Unnao: An English teacher fails to read a few lines of the language from a book after the District Magistrate, Devendra Kumar Pandey, asked her to read during an inspection of a govt school in Sikandarpur Sarausi. (28.11) pic.twitter.com/wAVZSKCIMS
— ANI UP (@ANINewsUP) November 30, 2019
ਉਨਾਵ ਦੇ ਡੀਐਮ ਨੇ ਜਦੋਂ ਮਹਿਲਾ ਅਧਿਆਪਕ ਨੂੰ ਕਿਹਾ ਕਿ ਤੁਹਾਨੂੰ ਅੰਗ੍ਰੇਜ਼ੀ ਪੜਨਾ ਨਹੀਂ ਆਉਂਦਾ ਤਾਂ ਤੁਸੀ ਵਿਦਿਆਰਥੀਆਂ ਨੂੰ ਕਿਵੇਂ ਪੜਾਉਗੇ। ਇਸ ਤੇ ਅਧਿਆਪਕ ਨੇ ਕਿਹਾ ਕਿ ਮੈਨੂੰ ਅੰਗ੍ਰੇਜ਼ੀ ਥੋੜੀ ਘੱਟ ਆਉਂਦੀ ਹੈ। ਉਦੋ ਡੀਐਮ ਨੇ ਕਿਹਾ ਕਿ ਮੈ ਅੰਗ੍ਰੇਜ਼ੀ ਵਿਚ ਅਨੁਵਾਦ ਕਰਨ ਲਈ ਨਹੀਂ ਕਿਹਾ ਬਲਕਿ ਸਿਰਫ਼ ਪੜਨ ਲਈ ਕਿਹਾ ਸੀ। ਜਦੋਂ ਤੁਸੀ ਅੰਗ੍ਰੇਜ਼ੀ ਨਹੀਂ ਪੜ ਪਾ ਰਹੇ ਤਾਂ ਬੱਚਿਆ ਨੂੰ ਕਿਵੇਂ ਪੜਾਉਗੇ।
Uttar pradesh english teacher fails read lines language
ਦੋਵੇਂ ਮਹਿਲਾ ਅਧਿਆਪਕਾਂ ਵੱਲੋਂ ਅੰਗ੍ਰੇਜ਼ੀ ਦੀ ਇਕ ਲਾਈਨ ਵੀ ਠੀਕ ਨਾ ਪੜਨ ਤੋਂ ਬਾਅਦ ਡੀਐਮ ਨੇ ਉਨ੍ਹਾਂ ਨੂੰ ਫਟਕਾਰ ਲਗਾਈ ਅਤੇ ਨੇੜੇ ਖੜੇ ਬੀਐਸ ਨੂੰ ਕਾਰਵਾਈ ਕਰਨ ਦਾ ਨਿਰਦੇਸ਼ ਦਿੰਦੇ ਹੋਏ ਅਧਿਆਪਕਾਂ ਨੂੰ ਤੁਰੰਤ ਮੁਅੱਤਲ ਕਰਨ ਦਾ ਹੁਕਮ ਦਿੱਤਾ।
