ਸਾਈਬੇਰੀਆ- ਪੂਰਬੀ ਸਾਈਬੇਰੀਆ ਵਿਚ ਹੀਰਿਆਂ ਦੀ ਸਭ ਤੋਂ ਵੱਡੀ ਸੁਰੰਗ 'ਮਿਰ' ਮੌਜੂਦ ਹੈ। ਇਹ ਸੁਰੰਗ ਇੰਨੀਂ ਵੱਡੀ ਹੈ ਕਿ ਆਸਾਨੀ ਨਾਲ ਇੱਕ ਵੱਡੇ ਹੈਲੀਕਾਪਟਰ ਨੂੰ ਆਪਣੇ ਵਿੱਚ ਸਮਾ ਸਕਦੀ ਹੈ ਅਤੇ ਇਸ ਲਈ ਇਸ ਦੇ ਉੁਪਰੋਂ ਏਅਰ-ਕ੍ਰਾਫਟਸ ਉਡਾਉਣ 'ਤੇ ਵੀ ਬੈਨ ਹੈ।
ਇਸ ਸੁਰੰਗ ਦੀ ਕੀਮਤ ਇਕ ਲੱਖ ਕਰੋੜ ਤੋਂ ਜ਼ਿਆਦਾ ਹੈ। ਇਹ ਸੁਰੰਗ ਹਰ ਸਾਲ 172 ਕਰੋੜ ਦੇ ਹੀਰੇ ਪੈਦਾ ਕਰਦੀ ਹੈ। ਇਹ ਸੁਰੰਗ 1722 ਫੁੱਟ ਡੂੰਘੀ ਹੈ ਇਸ ਦਾ ਵਿਆਸ ਲਗਭਗ ਇਕ ਮੀਲ ਹੈ।
2004 ਵਿਚ ਇਸ ਸੁਰੰਗ ਨੂੰ ਕੁਝ ਸਮੇਂ ਲਈ ਬੰਦ ਕਰ ਦਿੱਤਾ ਗਿਆ ਸੀ। ਬਾਅਦ ਵਿਚ ਇਸ ਨੂੰ ਅੰਡਰਗਰਾਊਂਡ ਸੁਰੰਗਾਂ ਦੇ ਨਾਲ ਦੁਬਾਰਾ ਸ਼ੁਰੂ ਕੀਤਾ ਗਿਆ।2014 ਵਿਚ ਇਸ ਸੁਰੰਗ ਤੋਂ 60 ਲੱਖ ਕੈਰੇਟ ਦੇ ਹੀਰੇ ਮਿਲੇ ਸਨ।
ਦੁਨੀਆ ਦੇ ਕੱਚੇ ਹੀਰਿਆਂ ਦਾ ਲਗਭਗ 23 ਫੀਸਦੀ ਹਿੱਸਾ ਇੱਥੋਂ ਹੀ ਨਿਕਲਦਾ ਹੈ। ਇੱਥੋਂ ਨਿਕਲੇ ਸਭ ਤੋਂ ਵੱਡੇ ਓਲੋਨਖੋ ਹੀਰੇ ਦਾ ਆਕਾਰ ਗੋਲਫ ਦੀ ਗੇਂਦ ਜਿੰਨਾਂ ਸੀ। 130.85 ਕੈਰੇਟ ਦੇ ਇਸ ਹੀਰੇ ਦੀ ਕੀਮਤ 2 ਕਰੋੜ ਰੁਪਏ ਤੋਂ ਜ਼ਿਆਦਾ ਸੀ।
