Haryana News : 1,144 ਕਲਾਸਰੂਮਾਂ, 624 ਹੋਰ ਕਮਰਿਆਂ ਤੇ 192 ਚਾਰਦੀਵਾਰੀਆਂ 'ਤੇ ਕੰਮ ਚੱਲ ਰਿਹਾ ਹੈ : ਢਾਂਡਾ
Haryana govt admits that government schools are struggling with poor infrastructure Latest News in Punjabi : ਹਰਿਆਣਾ ਸਰਕਾਰ ਨੇ ਅੱਜ ਵਿਧਾਨ ਸਭਾ ਵਿਚ ਮੰਨਿਆ ਕਿ ਸਕੂਲਾਂ ਵਿਚ ਘੱਟੋ-ਘੱਟ 11,475 ਕਮਰਿਆਂ ਦੀ ਘਾਟ ਹੈ, ਜਿਨ੍ਹਾਂ ਵਿਚ 6,848 ਕਲਾਸਰੂਮ ਸ਼ਾਮਲ ਹਨ, ਜਦੋਂ ਕਿ ਪੋਸਟ ਗ੍ਰੈਜੂਏਟ ਅਧਿਆਪਕਾਂ (ਪੀਜੀਟੀ) ਵਿਚ ਖ਼ਾਲੀ ਅਸਾਮੀਆਂ ਦੀ ਦਰ 22.6 ਫ਼ੀ ਸਦੀ ਹੈ।
ਕਾਂਗਰਸ ਵਿਧਾਇਕ ਅਸ਼ੋਕ ਅਰੋੜਾ ਵਲੋਂ ਸਰਕਾਰੀ ਸਕੂਲਾਂ ਦੀ ‘ਤਰਸਯੋਗ’ ਹਾਲਤ 'ਤੇ ਪੇਸ਼ ਕੀਤੇ ਗਏ ਧਿਆਨ ਮੰਗਣ ਵਾਲੇ ਨੋਟਿਸ ਦਾ ਜਵਾਬ ਦਿੰਦੇ ਹੋਏ, ਸਿਖਿਆ ਮੰਤਰੀ ਮਹੀਪਾਲ ਢਾਂਡਾ ਨੇ ਕਿਹਾ ਕਿ 10 ਮਈ, 2023 ਨੂੰ ਕੀਤੀ ਗਈ ਬੁਨਿਆਦੀ ਢਾਂਚੇ ਦੀ ਸਮੀਖਿਆ ਦੇ ਅਨੁਸਾਰ, ਇਹ ਮੁਲਾਂਕਣ ਕੀਤਾ ਗਿਆ ਸੀ ਕਿ 8,240 ਕਲਾਸਰੂਮ, 5,630 ਹੋਰ ਕਮਰੇ ਅਤੇ 321 ਚਾਰਦੀਵਾਰੀਆਂ ਦੀ ਲੋੜ ਸੀ।
ਇਸ ਪਾੜੇ ਨੂੰ ਪੂਰਾ ਕਰਨ ਲਈ, ਸਿਖਿਆ ਵਿਭਾਗ ਨੇ 2023-24 ਵਿਚ 473.44 ਕਰੋੜ ਰੁਪਏ ਅਤੇ 2024-25 ਵਿਚ 306.84 ਕਰੋੜ ਰੁਪਏ ਵਾਧੂ ਮਨਜ਼ੂਰ ਕੀਤੇ।
ਉਨ੍ਹਾਂ ਨੇ ਅਸੈਂਬਲੀ ਨੂੰ ਦਸਿਆ ਕਿ 1,392 ਕਲਾਸਰੂਮ, 1,003 ਹੋਰ ਕਮਰੇ ਅਤੇ 172 ਚਾਰਦੀਵਾਰੀ ਅਪ੍ਰੈਲ 2023 ਅਤੇ ਇਸ ਸਾਲ ਜਨਵਰੀ ਦੇ ਵਿਚਕਾਰ ਪੂਰੇ ਹੋਣੇ ਸਨ। ਭਾਵੇਂ ਇਹ ਮੰਨ ਲਿਆ ਜਾਵੇ ਕਿ ਇਹ ਪ੍ਰਾਜੈਕਟ ਪੂਰੇ ਹੋ ਗਏ ਹਨ, 6,848 ਕਲਾਸਰੂਮ ਅਤੇ 4,627 ਹੋਰ ਕਮਰੇ ਅਜੇ ਵੀ ਲੋੜੀਂਦੇ ਹਨ।
ਹਰਿਆਣਾ ਦੇ ਸਿਖਿਆ ਮੰਤਰੀ ਮਹੀਪਾਲ ਢਾਂਡਾ ਨੇ ਮੰਨਿਆ ਕਿ 1,144 ਕਲਾਸਰੂਮ, 624 ਹੋਰ ਕਮਰੇ ਅਤੇ 192 ਚਾਰਦੀਵਾਰੀ 'ਤੇ ਕੰਮ ਚੱਲ ਰਿਹਾ ਹੈ ਅਤੇ ਇਸ ਸਾਲ ਜੂਨ ਅਤੇ ਦਸੰਬਰ ਦੇ ਵਿਚਕਾਰ ਪੂਰਾ ਹੋਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ, 3,237 ਕਲਾਸਰੂਮ, 1,385 ਹੋਰ ਕਮਰੇ ਅਤੇ 118 ਚਾਰਦੀਵਾਰੀ ਲਈ, ਕੰਮ ਨੂੰ ਮਨਜ਼ੂਰੀ ਦੇ ਦਿਤੀ ਗਈ ਹੈ, ਅਤੇ ਟੈਂਡਰਿੰਗ ਪ੍ਰਕਿਰਿਆ ਚੱਲ ਰਹੀ ਹੈ। ਇਹ ਅਪ੍ਰੈਲ 2025 ਅਤੇ ਮਾਰਚ 2026 ਦੇ ਵਿਚਕਾਰ ਪੂਰਾ ਹੋਣ ਦੀ ਸੰਭਾਵਨਾ ਹੈ।
