ਨਵੀਂ ਦਿੱਲੀ, 20 ਨਵੰਬਰ: ਹੋਟਲ ਅਤੇ ਰੈਸਟੋਰੈਂਟਾਂ 'ਚ ਜੀ.ਐਸ.ਟੀ. ਘਟਾਉਣ ਤੋਂ ਬਾਅਦ ਹੁਣ ਸਰਕਾਰ ਵਾਸ਼ਿੰਗ ਮਸ਼ੀਨ, ਫ਼ਰਿੱਜ ਅਤੇ ਏ.ਸੀ. ਵਰਗੀਆਂ ਘਰੇਲੂ ਵਸਤਾਂ 'ਤੇ ਜੀ.ਐਸ.ਟੀ. ਘੱਟ ਕਰਨ 'ਤੇ ਵਿਚਾਰ ਕਰ ਰਹੀ ਹੈ। ਸੂਤਰਾਂ ਮੁਤਾਬਕ ਔਰਤਾਂ 'ਤੇ ਰੋਜ਼ਮਰਾ ਦੇ ਕੰਮ ਦਾ ਬੋਝ ਘੱਟ ਕਰਨ ਅਤੇ ਖ਼ਪਤਕਾਰੀ ਟਿਕਾਊ ਖੇਤਰ 'ਚ ਤੇਜੀ ਲਿਆਉਣ ਲਈ ਇਹ ਕਦਮ ਉਠਾਇਆ ਜਾ ਸਕਦਾ ਹੈ।
ਸੂਤਰਾਂ ਦਾ ਕਹਿਣਾ ਹੈ ਕਿ ਖ਼ਪਤਕਾਰੀ ਟਿਕਾਊ ਖੇਤਰ ਦੀਆਂ ਚੀਜਾਂ 'ਤੇ ਜੀਐਸਟੀ ਘਟ ਸਕਦਾ ਹੈ। ਵਾਸ਼ਿੰਗ ਮਸ਼ੀਨ, ਫ਼ਰਿੱਜ ਅਤੇ ਏ.ਸੀ. 'ਤੇ ਜੀ.ਐਸ.ਟੀ ਘਟ ਸਕਦਾ ਹੈ। ਵਾਸ਼ਿੰਗ ਮਸ਼ੀਨ, ਫ਼ਰਿੱਜ ਅਤੇ ਏ.ਸੀ. ਲਗਜ਼ਰੀ ਕੈਟਾਗਰੀ ਤੋਂ ਬਾਹਰ ਹੋਣਗੇ। ਜ਼ਿਕਰਯੋਗ ਹੈ ਕਿ ਜ਼ਿਆਦਾਤਰ ਵਾਈਟ ਗੁਡਜ਼ 'ਤੇ 28 ਫ਼ੀ ਸਦੀ ਜੀ.ਐਸ.ਟੀ. ਲਗਾਇਆ ਗਿਆ ਹੈ। ਅਜਿਹੇ 'ਚ ਇਹ ਚੀਜ਼ਾਂ ਮਹਿੰਗੀਆਂ ਹੋ ਗਈਆਂ ਸਨ। ਮੰਨਿਆ ਜਾ ਰਿਹਾ ਹੈ ਕਿ ਜੀ.ਐਸ.ਟੀ. ਦੀ ਅਗਲੀ ਮੀਟਿੰਗ 'ਚ ਖ਼ਪਤਕਾਰੀ ਟਿਕਾਊ ਖੇਤਰ 'ਤੇ ਜੀਐਸਟੀ ਘੱਟ ਕਰਨ ਦਾ ਫ਼ੈਸਲਾ ਹੋ ਸਕਦਾ ਹੈ।
(ਏਜੰਸੀ)
