ਸਰਕਾਰ ਨੇ ਦਸਿਆ ਹੈ ਕਿ ਵਿੱਤ ਵਰ੍ਹੇ 2019-20 ਲਈ ਕਾਰਪੋਰੇਟ ਕਰ ਦਰਾਂ ਵਿਚ ਕਮੀ ਕਾਰਨ 1,45,000 ਕਰੋੜ ਰੁਪਏ ਦਾ ਮਾਲੀਆ ਘਾਟਾ ਹੋਣ ਦੇ ਆਸਾਰ ਹਨ।
ਨਵੀਂ ਦਿੱਲੀ: ਸਰਕਾਰ ਨੇ ਦਸਿਆ ਹੈ ਕਿ ਵਿੱਤ ਵਰ੍ਹੇ 2019-20 ਲਈ ਕਾਰਪੋਰੇਟ ਕਰ ਦਰਾਂ ਵਿਚ ਕਮੀ ਕਾਰਨ 1,45,000 ਕਰੋੜ ਰੁਪਏ ਦਾ ਮਾਲੀਆ ਘਾਟਾ ਹੋਣ ਦੇ ਆਸਾਰ ਹਨ। ਲੋਕ ਸਭਾ ਵਿਚ ਨੁਸਰਤ ਜਹਾਂ ਰੂਹੀ ਦੇ ਸਵਾਲ ਦੇ ਜਵਾਰਬ ਵਿਚ ਵਿੱਤ ਰਾਜ ਮੰਤਰੀ ਅਨੁਰਾਗ ਸਿੰਘ ਠਾਕੁਰ ਨੇ ਇਹ ਜਾਣਕਾਰੀ ਦਿਤੀ। ਉਨ੍ਹਾਂ ਕਿਹਾ ਕਿ ਕਾਰੋਪਰੇਟ ਕਰ ਵਿਚ ਕਟੌਤੀ ਜ਼ਰੀਏ ਦਿਤੀ ਗਈ ਹੱਲਾਸ਼ੇਰੀ ਨਾਲ ਅਰਥਚਾਰਾ ਛੇਤੀ ਹੀ ਲੀਹ 'ਤੇ ਪਵੇਗਾ, ਭਾਰਤ ਵਿਚ ਨਵੇਂ ਨਿਵੇਸ਼ਾ ਨਾਲ ਨਾ ਸਿਰਫ਼ ਨੌਕਰੀਆਂ ਪੈਦਾ ਹੋਣਗੀਆਂ ਸਗੋਂ ਆਮਦਨ ਵਿਚ ਵੀ ਵਾਧਾ ਹੋਵੇਗਾ।
Anurag Thakur
ਉਨ੍ਹਾਂ ਕਿਹਾ, 'ਵਿੱਤ ਵਰ੍ਹੇ 2019-20 ਲਈ ਕਾਰਪੋਰੇਟ ਕਰ ਦਰਾਂ ਵਿਚ ਕਮੀ ਕਾਰਨ 1,45,000 ਕਰੋੜ ਰੁਪਏ ਦਾ ਵਿੱਤੀ ਘਾਟਾ ਹੋਣ ਦਾ ਅਨੁਮਾਨ ਹੈ।' ਉਨ੍ਹਾਂ ਕਿਹਾ ਕਿ ਮਾਲੀਆ ਇਕੱਠਾ ਕਰਨ ਵਿਚ ਤੇਜ਼ੀ ਲਿਆਉਣ ਲਈ ਕਰ ਜਾਲ ਦਾ ਵਿਸਤਾਰ ਕਰਨ ਅਤੇ ਇਸ ਨੂੰ ਵਿਆਪਕ ਬਣਾਉਣ ਲਈ ਵੱਖ ਵੱਖ ਤਰੀਕੇ ਵਰਤੇ ਜਾ ਰਹੇ ਹਨ। ਮੰਤਰੀ ਨੇ ਕਿਹਾ ਕਿ ਕਾਰਪੋਰੇਟ ਕਰ ਦਰਾਂ ਨੂੰ ਘੱਟ ਕੀਤੇ ਜਾਣ ਨਾਲ ਨਵਾਂ ਨਿਵੇਸ਼ ਖਿੱਚਿਆ ਜਾਵੇਗਾ, ਨੌਕਰੀਆਂ ਪੈਦਾ ਹੋਣਗੀਆਂ ਅਤੇ ਆਰਥਕ ਵਿਕਾਸ ਦੀ ਗੱਡੀ ਤੇਜ਼ ਹੋਣ ਦਾ ਅਨੁਮਾਨ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
