ਉਹਨਾਂ ਕਿਹਾ ਕਿ ਹਾਲੀਆ ਸੁਸਤੀ ਦੇ ਬਾਵਜੂਦ, ਅਗਾਮੀ ਸਾਲਾਂ ਵਿਚ ਵਾਧਾ ਦਰ ਵਧ ਰਹਿਣ ਦੀ ਉਮੀਦ ਹੈ।
ਨਵੀਂ ਦਿੱਲੀ: ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਭਾਰਤ ਆਰਥਿਕ ਵਿਕਾਸ ਨੂੰ ਉਤਸ਼ਾਹਤ ਕਰਨ ਅਤੇ ਸੰਮਲਿਤ ਵਿਕਾਸ ਨੂੰ ਯਕੀਨੀ ਬਣਾਉਣ ਲਈ ਚੰਗੇ ਮੈਕਰੋ-ਆਰਥਿਕ ਸਥਿਤੀਆਂ ਪੈਦਾ ਕਰਨ ਲਈ ਵਚਨਬੱਧ ਹੈ। ਅੰਤਰਰਾਸ਼ਟਰੀ ਮੁਦਰਾਕੋਸ਼ ਦੀ ਸਲਾਨਾ ਬੈਠਕ ਵਿਚ ਵਿੱਤ ਮੰਤਰੀ ਨੇ ਕਿਹਾ ਕਿ ਭਾਰਤ ਨੇ ਆਰਥਿਕ ਵਾਧੇ ਵਿਚ ਸੁਸਤੀ ਕਾਰਨ ਆਈਆਂ ਚੁਣੌਤੀਆਂ ਨਾਲ ਨਿਪਟਣ ਲਈ ਸਰਕਾਰੀ ਸੁਧਾਰਾਂ ਦੇ ਹਿੱਸੇ ਦੇ ਰੂਪ ਵਿਚ ਵਿਭਿੰਨ ਨੀਤੀਗਤ ਕਦਮ ਉਠਾਏ ਹਨ।
Nirmala Sitaraman
ਉਹਨਾਂ ਕਿਹਾ ਕਿ ਹਾਲੀਆ ਸੁਸਤੀ ਦੇ ਬਾਵਜੂਦ, ਅਗਾਮੀ ਸਾਲਾਂ ਵਿਚ ਵਾਧਾ ਦਰ ਵਧ ਰਹਿਣ ਦੀ ਉਮੀਦ ਹੈ। ਅਸੀਂ ਸੰਮਲਤ ਵਿਕਾਸ ਨੂੰ ਉਤਸ਼ਾਹਤ ਕਰਨ ਲਈ ਸੂਝਵਾਨ ਨੀਤੀਆਂ ਨਾਲ ਚੰਗੇ ਮੈਕਰੋ-ਆਰਥਿਕ ਸਥਿਤੀਆਂ ਬਣਾਉਣ ਲਈ ਵਚਨਬੱਧ ਹਾਂ। ਵਿੱਤ ਮੰਤਰੀ ਨੇ ਕਿਹਾ ਅਸੀਂ ਆਰਥਿਕ ਵਿਕਾਸ ਦੀ ਮੰਦੀ ਕਾਰਨ ਪੈਦਾ ਹੋਈਆਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਵੱਖ ਵੱਖ ਨੀਤੀਆਂ ਨੂੰ ਅੱਗੇ ਵਧਾਇਆ ਹੈ ਅਤੇ ਲਾਗੂ ਕੀਤਾ ਹੈ।
Money
ਆਈਐਮਐਫ ਨੇ ਮੰਗਲਵਾਰ ਨੂੰ ਆਪਣੀ ਤਾਜ਼ਾ ਵਿਸ਼ਵ ਆਰਥਿਕ ਆਉਟਲੁੱਕ ਦੀ ਰਿਪੋਰਟ ਵਿਚ ਭਾਰਤ ਦੀ ਆਰਥਿਕ ਵਿਕਾਸ ਦਰ 2019 ਵਿਚ 6.1 ਫ਼ੀਸਦੀ ਰਹਿਣ ਦਾ ਅਨੁਮਾਨ ਲਗਾਇਆ ਹੈ। ਇਹ ਉਹਨਾਂ ਨੂੰ ਉਮੀਦ ਹੈ ਕਿ ਇਹ 2020 ਵਿਚ ਸੁਧਾਰ ਹੋਏਗਾ ਅਤੇ ਫਿਰ ਦੇਸ਼ ਦੀ ਆਰਥਿਕ ਵਿਕਾਸ ਸੱਤ ਫ਼ੀਸਦੀ ਤੇ ਰਹਿ ਸਕਦੀ ਹੈ। ਸੀਤਾਰਮਨ ਨੇ ਕਿਹਾ ਕਿ ਭਾਰਤ ਨੇ ਕਾਰਪੋਰੇਟ ਟੈਕਸ ਵਿਚ ਕਟੌਤੀ ਕਰ ਕੇ ਅਤੇ ਦਰਾਂ ਨੂੰ ਤਰਕਸ਼ੀਲ ਬਣਾ ਕੇ ਆਰਥਿਕ ਵਿਕਾਸ ਵਿਚ ਤੇਜ਼ੀ ਲਿਆਂਦੀ ਹੈ।
ਇਹ ਬੁਨਿਆਦੀ ਢਾਂਚੇ ਦੇ ਖੇਤਰ ਅਤੇ ਉਦਯੋਗ ਵਿਚ ਨਿਵੇਸ਼ ਵਧਾਏਗਾ। ਉਨ੍ਹਾਂ ਕਿਹਾ ਅਸੀਂ ਆਰਥਿਕ ਵਿਕਾਸ ਨੂੰ ਸਮਰਥਨ ਦੇਣ ਲਈ ਕਈ ਵਿਸ਼ੇਸ਼ ਉਪਾਅ ਵੀ ਕੀਤੇ ਹਨ। ਰਿਜ਼ਰਵ ਬੈਂਕ ਆਫ ਇੰਡੀਆ ਨੇ ਵੀ ਇਸ ਸਾਲ ਨੀਤੀਗਤ ਦਰਾਂ ਵਿਚ ਪੰਜ ਵਾਰ ਕਟੌਤੀ ਕੀਤੀ ਹੈ। ਆਰਬੀਆਈ ਨੇ ਸਮੁੱਚੀ ਨੀਤੀਗਤ ਦਰ ਵਿਚ 1.35 ਫ਼ੀਸਦੀ ਦੀ ਕਟੌਤੀ ਕੀਤੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
