ਈਰਾਨ ਨੇ ਕਿਹਾ ਹੈ ਕਿ ਉਹ ਭਾਰਤ ਨੂੰ ਤੇਲ ਦੀ ਸਪਲਾਈ ਠੀਕ ਢੰਗ ਨਾਲ ਬਣਾਏ ਰੱਖਣ ਲਈ ਹਰ ਸੰਭਵ ਕਦਮ ਚੁੱਕੇਗਾ। ਉਸ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਹ ਭਾਰਤ ਦਾ ਭਰੋਸੇਮੰਦ...
ਨਵੀਂ ਦਿੱਲੀ : ਈਰਾਨ ਨੇ ਕਿਹਾ ਹੈ ਕਿ ਉਹ ਭਾਰਤ ਨੂੰ ਤੇਲ ਦੀ ਸਪਲਾਈ ਠੀਕ ਢੰਗ ਨਾਲ ਬਣਾਏ ਰੱਖਣ ਲਈ ਹਰ ਸੰਭਵ ਕਦਮ ਚੁੱਕੇਗਾ। ਉਸ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਹ ਭਾਰਤ ਦਾ ਭਰੋਸੇਮੰਦ ਊਰਜਾ ਹਿੱਸੇਦਾਰ ਰਿਹਾ ਹੈ। ਈਰਾਨ ਦੇ ਦੂਤਘਰ ਨੇ ਇਹ ਸਪਸ਼ਟੀਕਰਨ ਅਜਿਹੇ ਸਮੇਂ ਦਿਤਾ ਹੈ ਜਦੋਂ ਉਸ ਦੇ ਡਿਪਟੀ ਰਾਜਦੂਤ ਮਸੂਦ ਰਿਜ਼ਵਾਨਿਅਨ ਰਹਾਗੀ ਨੇ ਇਕ ਦਿਨ ਪਹਿਲਾਂ ਕਿਹਾ ਸੀ ਕਿ ਅਮਰੀਕੀ ਪਾਬੰਦੀ ਤੋਂ ਬਾਅਦ ਜੇਕਰ ਭਾਰਤ ਨੇ ਈਰਾਨ ਤੋਂ ਤੇਲ ਆਯਾਤ ਵਿਚ ਕਟੌਤੀ ਕੀਤੀ ਤਾਂ ਈਰਾਨ ਭਾਰਤ ਨੂੰ ਮਿਲਣ ਵਾਲੀ ਵਿਸ਼ੇਸ਼ ਸਹੂਲਤਾਂ ਬੰਦ ਕਰ ਦੇਵੇਗਾ।
Iran Oil Issue
ਦੂਤਘਰ ਨੇ ਕਿਹਾ ਕਿ ਉਹ ਅਸਥਿਰ ਊਰਜਾ ਬਾਜ਼ਾਰ ਤੋਂ ਨਜਿਠਣ ਵਿਚ ਭਾਰਤ ਨੂੰ ਹੋ ਰਹੀ ਦਿੱਕਤਾਂ ਨੂੰ ਸਮਝਦਾ ਹੈ। ਉਸ ਨੇ ਕਿਹਾ ਕਿ ਈਰਾਨ ਦੁਵੱਲਾ ਵਪਾਰ ਵਿਸ਼ੇਸ਼ ਤੌਰ 'ਤੇ ਈਰਾਨੀ ਤੇਲ ਦੇ ਆਯਾਤ ਨੂੰ ਬਣਾਏ ਰੱਖਣ ਲਈ ਵੱਖਰੇ ਕਦਮ ਚੁੱਕ ਕੇ ਭਾਰਤ ਦੀ ਊਰਜਾ ਸੁਰੱਖਿਆ ਨਿਸ਼ਚਿਤ ਕਰਨ ਲਈ ਅਪਣਾ ਪੂਰਾ ਯੋਗਦਾਨ ਦੇਵੇਗਾ। ਦੱਸ ਦਈਏ ਕਿ ਮੰਗਲਵਾਰ ਨੂੰ ਇਕ ਸੈਮਿਨਾਰ ਵਿਚ ਰਹਾਗੀ ਨੇ ਕਿਹਾ ਸੀ ਕਿ ਜੇਕਰ ਭਾਰਤ ਤੋਂ ਈਰਾਨ ਕੱਚੇ ਤੇਲ ਦੀ ਖਰੀਦ ਵਿਚ ਕਮੀ ਕੀਤੀ ਜਾਂਦੀ ਹੈ ਤਾਂ ਉਸ ਦੇ ਵਿਸ਼ੇਸ਼ ਅਧਿਕਾਰ ਖ਼ਤਮ ਕਰ ਦਿਤੇ ਜਾਣਗੇ।
Iran Oil Issue
ਉਨ੍ਹਾਂ ਨੇ ਭਾਰਤ ਨੂੰ ਚਿਤਾਵਨੀ ਦੇ ਅੰਦਾਜ਼ ਵਿਚ ਕਿਹਾ ਸੀ ਕਿ ਜੇਕਰ ਉਹ ਇਰਾਕ, ਸਊਦੀ ਅਰਬ, ਰੂਸ ਅਤੇ ਅਮਰੀਕਾ ਵਰਗੇ ਦੇਸ਼ਾਂ ਤੋਂ ਕੱਚੇ ਤੇਲ ਦੀ ਖ਼ਰੀਦ ਲਈ ਡੀਲ ਕਰਦਾ ਹੈ ਤਾਂ ਇਹ ਫੈਸਲਾ ਲਿਆ ਜਾਵੇਗਾ। ਦਸ ਦਈਏ ਕਿ ਅਮਰੀਕਾ ਨੇ ਈਰਾਨ ਉਤੇ ਵਪਾਰਕ ਪਾਬੰਦੀ ਲਗਾ ਦਿਤੀ ਹੈ। ਇਸ ਦੇ ਚਲਦੇ ਕਈ ਦੇਸ਼ਾਂ ਨੂੰ ਈਰਾਨ ਤੋਂ ਤੇਲ ਦੀ ਖ਼ਰੀਦ ਵਿਚ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਕ ਦਿਨ ਪਹਿਲਾਂ ਹੀ ਚਾਬਹਾਰ ਬੰਦਰਗਾਹ ਨੂੰ ਲੈ ਕੇ ਈਰਾਨ ਨੇ ਭਾਰਤ ਦੇ ਪ੍ਰਤੀ ਨਰਾਜ਼ਗੀ ਸਾਫ਼ ਕੀਤੀ ਸੀ।
Iran Oil Issue
ਈਰਾਨ ਨੇ ਇਲਜ਼ਾਮ ਲਗਾਇਆ ਸੀ ਕਿ ਭਾਰਤ ਨੇ ਉਸ ਦੇ ਨਾਲ ਵਾਅਦਾ ਤੋੜਿਆ ਹੈ। ਰਣਨੀਤਕ ਤੌਰ 'ਤੇ ਮਹੱਤਵਪੂਰਣ ਚਾਬਹਾਰ ਬੰਦਰਗਾਹ ਵਿਚ ਵਾਅਦੇ ਦੇ ਮੁਤਾਬਕ ਨਿਵੇਸ਼ ਨਾ ਕਰਨ ਉਤੇ ਭਾਰਤ ਦੀ ਨੁਕਤਾਚੀਨੀ ਕਰਦੇ ਹੋਏ ਈਰਾਨ ਨੇ ਕਿਹਾ ਕਿ ਜੇਕਰ ਭਾਰਤ ਈਰਾਨ ਤੋਂ ਤੇਲ ਦਾ ਆਯਾਤ ਘੱਟ ਕਰਦਾ ਹੈ ਤਾਂ ਉਸ ਨੂੰ ਮਿਲਣ ਵਾਲੇ ਵਿਸ਼ੇਸ਼ ਮੁਨਾਫ਼ਾ ਖਤਮ ਹੋ ਸਕਦੇ ਹਨ।
Iran Oil Issue
ਈਰਾਨ ਦੇ ਰਾਜਦੂਤ ਅਤੇ ਚਾਰਜ ਡਿ ਅਫ਼ੇਅਰਜ਼ ਮਸੂਦ ਰਜ਼ਵਾਨਿਅਨ ਰਹਾਗੀ ਨੇ ਕਿਹਾ ਕਿ ਜੇਕਰ ਭਾਰਤ ਹੋਰ ਦੇਸ਼ਾਂ ਦੀ ਤਰ੍ਹਾਂ ਈਰਾਨ ਤੋਂ ਤੇਲ ਆਯਾਤ ਘੱਟ ਕਰ ਸਊਦੀ ਅਰਬ, ਰੂਸ, ਇਰਾਕ ਅਤੇ ਅਮਰੀਕਾ ਤੋਂ ਆਯਾਤ ਕਰਦਾ ਹੈ ਤਾਂ ਉਸ ਨੂੰ ਮਿਲਣ ਵਾਲੇ ਵਿਸ਼ੇਸ਼ ਮੁਨਾਫ਼ੇ ਨੂੰ ਈਰਾਨ ਖ਼ਤਮ ਕਰ ਦੇਵੇਗਾ।
