ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਚਲਦਿਆਂ ਦੇਸ਼ ਦੀ ਅਰਥਵਿਵਸਥਾ ਸੰਕਟ ਵਿਚ ਹੈ ਅਤੇ ਕੰਪਨੀਆਂ ਪੂੰਜੀ ਬਚਾਉਣ ਦੇ ਉਪਾਅ ਕਰ ਰਹੀਆਂ ਹਨ।
ਮੁੰਬਈ: ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਚਲਦਿਆਂ ਦੇਸ਼ ਦੀ ਅਰਥਵਿਵਸਥਾ ਸੰਕਟ ਵਿਚ ਹੈ ਅਤੇ ਕੰਪਨੀਆਂ ਕਰਮਚਾਰੀ ਘੱਟ ਕਰਨ, ਗੈਰ ਜ਼ਰੂਰੀ ਖਰਚਿਆਂ ਵਿਚ ਕਟੌਤੀ ਆਦਿ ਪੂੰਜੀ ਬਚਾਉਣ ਦੇ ਉਪਾਅ ਕਰ ਰਹੀਆਂ ਹਨ। ਉੱਥੇ ਹੀ ਜਨਤਕ ਖੇਤਰ ਦੇ ਪੰਜਾਬ ਨੈਸ਼ਨਲ ਬੈਂਕ ਨੇ ਅਪਣੇ ਟਾਪ ਮੈਨੇਜਮੈਂਟ ਦੇ ਆਉਣ-ਜਾਣ ਲਈ ਤਿੰਨ ਔਡੀ ਕਾਰਾਂ ਖਰੀਦੀਆਂ ਹਨ।
PNB
ਇਹਨਾਂ ਕਾਰਾਂ ਦੀ ਅਨੁਮਾਨਤ ਕੀਮਤ 1.34 ਕਰੋੜ ਰੁਪਏ ਹੈ। ਸੂਤਰਾਂ ਅਨੁਸਾਰ ਪੀਐਨਬੀ ਨੇ ਪਿਛਲੇ ਮਹੀਨੇ ਹੀ ਇਹਨਾਂ ਕਾਰਾਂ ਦੀ ਡਿਲੀਵਰੀ ਲਈ ਹੈ। ਇਹਨਾਂ ਦੀ ਵਰਤੋਂ ਬੈਂਕ ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਦੋ ਹੋਰ ਸੀਨੀਅਰ ਅਧਿਕਾਰੀਆਂ ਨੂੰ ਲਿਆਉਣ ਲਈ ਕੀਤੀ ਜਾਵੇਗੀ।
Audi
ਸੂਤਰਾਂ ਅਨੁਸਾਰ ਬੈਂਕ ਦੀ ਇਸ ਖਰੀਦ ਦਾ ਸਲਾਨਾ ਮੁੱਲ ਕਰੀਬ 20 ਲੱਖ ਰੁਪਏ ਹੋਵੇਗਾ। ਇਹਨਾਂ ਕਾਰਾਂ ਦੀ ਖਰੀਦ ਬੈਂਕ ਦੇ ਬੋਰਡ ਆਫ ਡਾਇਰੈਕਟਰ ਦੀ ਮਨਜ਼ੂਰੀ ਤੋਂ ਬਾਅਦ ਕੀਤੀ ਗਈ ਹੈ।
PNB
ਖ਼ਾਸ ਗੱਲ ਇਹ ਹੈ ਕਿ ਕੇਂਦਰ ਸਰਕਾਰ ਅਤੇ ਕਈ ਕੈਬਨਿਟ ਪੱਧਰ ਦੇ ਮੰਤਰੀ ਦੇਸ਼ ਵਿਚ ਬਣੀ ਮਾਰੂਤੀ ਸੁਜ਼ੂਕੀ ਦੀ ਸਿਯਾਜ ਦੀ ਵਰਤੋਂ ਕਰਦੇ ਹਨ। ਇਹ ਪੀਐਨਬੀ ਵੱਲੋਂ ਖਰੀਦੀ ਗਈ ਜਰਮਨੀ ਦੀ ਔਡੀ ਕਾਰ ਨਾਲੋਂ ਕਈ ਗੁਣਾ ਸਸਤੀ ਹੈ।
PNB
ਜਦਕਿ ਇਹ ਜਨਤਕ ਹੈ ਕਿ ਨੀਰਵ ਮੋਦੀ ਅਤੇ ਮੇਹੁਲ ਚੌਕਸੀ ਵੱਲੋਂ ਕੀਤੀ ਗਈ 14,000 ਕਰੋੜ ਰੁਪਏ ਦੀ ਧੋਖਾਧੜੀ ਨੇ ਬੈਂਕ ਦੀ ਵਿੱਤੀ ਸਥਿਤੀ ਨੂੰ ਪ੍ਰਭਾਵਤ ਕੀਤਾ ਹੈ। ਅਕਤੂਬਰ-ਦਸੰਬਰ 2019 ਦੀ ਤਿਮਾਹੀ 'ਚ ਬੈਂਕ ਨੂੰ 501.93 ਕਰੋੜ ਰੁਪਏ ਦਾ ਘਾਟਾ ਹੋਇਆ ਸੀ। ਜਦਕਿ ਸਾਲ 2018 ਦੀ ਇਸੇ ਤਿਮਾਹੀ ਵਿਚ ਬੈਂਕ ਦਾ ਸ਼ੁੱਧ ਲਾਭ 249.75 ਕਰੋੜ ਰੁਪਏ ਸੀ।
