ਤੇਲ ਦੀਆਂ ਕੀਮਤਾਂ ਵਿਚ ਲਗਾਤਾਰ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਵੀਰਵਾਰ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਵੀ ਪਟਰੌਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿਚ ਮਾਮੂਲੀ ਗਿਰਾਵਟ ਆਈ ...

ਨਵੀਂ ਦਿੱਲੀ (ਭਾਸ਼ਾ):- ਤੇਲ ਦੀਆਂ ਕੀਮਤਾਂ ਵਿਚ ਲਗਾਤਾਰ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਵੀਰਵਾਰ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਵੀ ਪਟਰੌਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿਚ ਮਾਮੂਲੀ ਗਿਰਾਵਟ ਆਈ ਹੈ। ਦਿੱਲੀ ਵਿਚ ਪਟਰੌਲ ਅਤੇ ਡੀਜ਼ਲ ਦੇ ਮੁੱਲ ਵਿਚ 15 ਪੈਸੇ ਦੀ ਕਟੌਤੀ ਕੀਤੀ ਗਈ ਹੈ, ਉਥੇ ਹੀ ਮੁੰਬਈ ਵਿਚ ਪਟਰੌਲ ਦੇ ਰੇਟ ਵਿਚ 15 ਪੈਸੇ ਅਤੇ ਡੀਜ਼ਲ ਵਿਚ 16 ਪੈਸੇ ਦੀ ਕਟੌਤੀ ਕੀਤੀ ਗਈ ਹੈ। ਜਿੱਥੇ ਦਿੱਲੀ ਵਿਚ ਹੁਣ ਪਟਰੌਲ 78.06 ਪ੍ਰਤੀ ਲੀਟਰ ਹੋ ਗਿਆ ਹੈ, ਉਥੇ ਹੀ ਮੁੰਬਈ ਵਿਚ ਪਟਰੌਲ 83.57 ਰੁਪਏ ਪ੍ਰਤੀ ਲੀਟਰ ਹੋ ਗਿਆ ਹੈ।

Diesel

ਡੀਜ਼ਲ ਦੀ ਗੱਲ ਕਰੀਏ ਤਾਂ ਦਿੱਲੀ ਵਿਚ ਡੀਜ਼ਲ 72.74 ਰੁਪਏ ਪ੍ਰਤੀ ਲੀਟਰ ਹੈ। ਜਦੋਂ ਕਿ ਮੁੰਬਈ ਵਿਚ ਡੀਜ਼ਲ ਦਾ ਰੇਟ 76.22 ਰੁਪਏ ਪ੍ਰਤੀ ਲੀਟਰ ਹੈ। ਜ਼ਿਕਰਯੋਗ ਹੈ ਕਿ ਕੇਂਦਰ ਸਰਕਾਰ ਦੁਆਰਾ ਸ਼ੁਲਕ ਘਟਾਏ ਜਾਣ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਲਗਾਤਾਰ 21ਵੇਂ ਦਿਨ ਪਟਰੌਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿਚ ਕਟੌਤੀ ਹੋਈ ਹੈ। ਹਾਲਾਂਕਿ ਇਸ ਕਟੌਤੀ ਨਾਲ ਆਮ ਜਨਤਾ ਨੂੰ ਜ਼ਿਆਦਾ ਫਰਕ ਨਹੀਂ ਪਿਆ ਹੈ। ਰਾਜਧਾਨੀ ਦਿੱਲੀ ਹੋਵੇ ਜਾਂ ਫਿਰ ਮੁੰਬਈ ਦੋਨੋਂ ਹੀ ਜਗ੍ਹਾ ਪਟਰੌਲ ਅਤੇ ਡੀਜ਼ਲ ਦੇ ਮੁੱਲ 70 ਰੁਪਏ ਦੇ ਪਾਰ ਹੀ ਹੈ।

Petrol

ਜ਼ਿਕਰਯੋਗ ਹੈ ਕਿ ਚਾਰ ਅਕਤੂਬਰ ਨੂੰ ਦਿੱਲੀ ਵਿਚ ਪਟਰੌਲ 84 ਰੁਪਏ ਲੀਟਰ ਅਤੇ ਮੁੰਬਈ ਵਿਚ 91.34 ਰੁਪਏ ਲੀਟਰ ਪਹੁੰਚ ਗਿਆ ਸੀ। ਉਸ ਦਿਨ ਡੀਜ਼ਲ ਦਿੱਲੀ ਵਿਚ 75.45 ਰੁਪਏ ਲੀਟਰ ਅਤੇ ਮੁੰਬਈ ਵਿਚ 80.10 ਰੁਪਏ ਲੀਟਰ ਸੀ। ਇਸ ਤੋਂ ਪਹਿਲਾਂ ਇਨ੍ਹਾਂ ਦੋਨਾਂ ਈਂਧਨਾਂ ਦੇ ਮੁੱਲ ਵਿਚ 16 ਅਗਸਤ ਤੋਂ ਲਗਾਤਾਰ ਵੱਧਦੇ ਆ ਰਹੇ ਸਨ। ਅੰਕੜਿਆਂ ਦੇ ਅਨੁਸਾਰ 16 ਅਗਸਤ ਤੋਂ ਚਾਰ ਅਕਤੂਬਰ ਦੇ ਦੌਰਾਨ ਪਟਰੌਲ 6.86 ਰੁਪਏ ਪ੍ਰਤੀ ਲੀਟਰ ਅਤੇ ਡੀਜ਼ਲ 6.73 ਰੁਪਏ ਲੀਟਰ ਮਹਿੰਗਾ ਹੋਇਆ ਸੀ।

Petrol, diesel 

ਪਟਰੌਲ ਅਤੇ ਡੀਜ਼ਲ ਦੇ ਮੁੱਲ ਵਿਚ ਤੇਜੀ ਨਾਲ ਗਾਹਕਾਂ ਨੂੰ ਰਾਹਤ ਦੇਣ ਲਈ ਸਰਕਾਰ ਨੇ ਦੋਨਾਂ ਬਾਲਣ ਉੱਤੇ ਆਬਕਾਰੀ ਡਿਊਟੀ ਵਿਚ 1.50 ਰੁਪਏ ਲਿਟਰ ਦੀ ਕਟੌਤੀ ਕੀਤੀ ਸੀ। ਸਰਕਾਰੀ ਤੇਲ ਕੰਪਨੀਆਂ ਤੋਂ ਬਾਲਣ 'ਤੇ ਇਕ ਰੁਪਏ ਦੀ ਸਬਸਿਡੀ ਦੇਣ ਨੂੰ ਕਿਹਾ ਸੀ। ਪੰਜ ਅਕਤੂਬਰ ਨੂੰ ਪਟਰੌਲ ਦਾ ਭਾਵ ਦਿੱਲੀ ਵਿਚ 81.50 ਰੁਪਏ ਲੀਟਰ ਅਤੇ ਡੀਜ਼ਲ 72.95 ਰੁਪਏ ਲੀਟਰ 'ਤੇ ਆ ਗਿਆ। ਹਾਲਾਂਕਿ ਬਾਅਦ ਵਿਚ ਇਸ ਵਿਚ ਫਿਰ ਤੋਂ ਤੇਜੀ ਆਉਣ ਲੱਗੀ ਸੀ

ਅਤੇ 17 ਅਕਤੂਬਰ ਨੂੰ ਦਿੱਲੀ ਵਿਚ ਪਟਰੌਲ ਵਧ ਕੇ 82.83 ਰੁਪਏ ਅਤੇ ਡੀਜ਼ਲ 75.69 ਰੁਪਏ ਲੀਟਰ 'ਤੇ ਪਹੁੰਚ ਗਿਆ। 18 ਅਕਤੂਬਰ ਤੋਂ ਇਸ ਦੇ ਮੁੱਲ ਘੱਟ ਹੋ ਰਹੇ ਹਨ। ਇਸ ਦਾ ਕਾਰਨ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੇ ਮੁੱਲ ਵਿਚ ਨਰਮੀ ਅਤੇ ਐਕਸਚੇਂਜ ਦੀ ਦਰ ਵਧੀ ਹੈ। ਉਦਯੋਗ ਸੂਤਰਾਂ ਦਾ ਕਹਿਣਾ ਹੈ ਕਿ ਅਗਲੇ ਕੁੱਝ ਦਿਨਾਂ ਵਿਚ ਪਟਰੌਲ ਅਤੇ ਡੀਜ਼ਲ ਵਿਚ ਹੋਰ ਨਰਮਾਈ ਆਉਣ ਦੀ ਉਮੀਦ ਹੈ।