ਜਿੱਥੇ ਹੋਮ ਲੋਨ ਲੈਣ ਵਾਲਿਆਂ ਨੂੰ ਰਾਹਤ ਮਿਲੇਗੀ ਉਥੇ ਹੀ ਐਫਡੀ ਕਰਨ ਵਾਲਿਆਂ ਨੂੰ ਨੁਕਸਾਨ ਹੋਵੇਗਾ
ਨਵੀਂ ਦਿੱਲੀ : ਸਟੇਟ ਬੈਂਕ ਆਫ ਇੰਡੀਆ ਨੇ ਸੋਮਵਾਰ ਨੂੰ ਆਪਣੇ ਗ੍ਰਾਹਕਾਂ ਨੂੰ ਵੱਡਾ ਤੋਹਫਾ ਦੇਣ ਦੇ ਨਾਲ ਝਟਕਾ ਵੀ ਦਿੱਤਾ ਹੈ। ਬੈਂਕ ਨੇ ਆਪਣੇ ਲੈਂਡਿੰਗ ਦਰਾਂ 'ਚ ਇੱਕ ਵਾਰ ਫਿਰ ਤੋਂ ਕਟੌਤੀ ਕੀਤੀ ਹੈ ਉਥੇ ਹੀ ਦੂਜੇ ਪਾਸੇ ਫਿਕਸਡ ਡਿਪਾਜ਼ਿਟ ਦੀ ਵਿਆਜ ਦਰਾਂ 'ਚ ਵੀ ਕਟੌਤੀ ਕਰ ਦਿੱਤੀ ਹੈ। ਇਸ ਤੋਂ ਬਾਅਦ ਜਿੱਥੇ ਹੋਮ ਲੋਨ ਲੈਣ ਵਾਲਿਆਂ ਨੂੰ ਰਾਹਤ ਮਿਲੇਗੀ ਉਥੇ ਹੀ ਐਫਡੀ ਕਰਨ ਵਾਲਿਆਂ ਨੂੰ ਨੁਕਸਾਨ ਹੋਵੇਗਾ। ਬੈਂਕ ਦੁਆਰਾ ਜਾਰੀ ਇੱਕ ਬਿਆਨ ਦੇ ਅਨੁਸਾਰ ਇਸਨੇ ਆਪਣੀ ਲੈਂਡਿੰਗ ਦਰਾਂ 'ਚ 10 ਬੇਸਿਸ ਪੁਆਇੰਟ ਦੀ ਕਟੌਤੀ ਕੀਤੀ ਹੈ।
SBI
ਬੈਂਕ ਵਲੋਂ ਜਾਰੀ ਸਟੇਟਮੈਂਟ 'ਚ ਕਿਹਾ ਗਿਆ ਹੈ ਕਿ ਸਟੇਟ ਬੈਂਕ ਨੇ ਆਪਣੀਆਂ ਸਾਰੀਆਂ ਮਿਆਦਾਂ 'ਚ ਲੈਂਡਿੰਗ ਦਰਾਂ 'ਚ 10 ਬੇਸਿਸ ਪੁਆਇੰਟ ਦੀ ਕਟੌਤੀ ਕੀਤੀ ਹੈ ਅਤੇ ਇਹ ਕਟੌਤੀ 10 ਸਤੰਬਰ ਯਾਨੀ ਮੰਗਲਵਾਰ ਤੋਂ ਲਾਗੂ ਹੋ ਜਾਵੇਗੀ। ਇਸ ਤੋਂ ਬਾਅਦ ਇਕ ਸਾਲ ਲਈ ਐੱਮਸੀਐੱਲਆਰ 8.25 ਫ਼ੀਸਦੀ ਤੋਂ ਘਟ ਕੇ 8.15 ਫ਼ੀਸਦੀ 'ਤੇ ਆ ਜਾਵੇਗੀ।
ਦੂਸਰੇ ਪਾਸੇ ਬੈਂਕ ਨੇ ਸਾਰੀਆਂ ਮਿਆਦਾਂ ਲਈ ਰਿਟੇਲ ਐੱਫਡੀ ਦਰਾਂ 'ਚ 20-25 ਬੇਸਿਸ ਪੁਆਇੰਟ ਦੀ ਕਟੌਤੀ ਕੀਤੀ ਹੈ। ਬਲਕ ਡਿਪਾਜ਼ਿਟਰਜ਼ ਲਈ ਵਿਆਜ ਦਰਾਂ 'ਚ 10-15 ਬੇਸਿਸ ਪੁਆਇੰਟਸ ਦੀ ਕਮੀ ਕੀਤੀ ਗਈ ਹੈ। ਇਹ ਦਰਾਂ ਵੀ 10 ਸਤੰਬਰ ਤੋਂ ਲਾਗੂ ਹੋਣਗੀਆਂ। FY-2019-20 ਲਈ ਸਟੇਟ ਬੈਂਕ ਵਲੋਂ ਇਹ ਲਗਾਤਾਰ 5ਵੀਂ ਵਾਰ ਐੱਮਸੀਐੱਲਆਰ ਦਰਾਂ 'ਚ ਕਟੌਤੀ ਹੈ ਉੱਥੇ ਤੀਸਰੀ ਵਾਲ ਐੱਫਡੀ ਦਰਾਂ 'ਚ ਕਟੌਤੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
