ਸੈਂਸੈਕਸ 2342 ਅੰਕ ਡਿੱਗ ਗਿਆ
ਮੁੰਬਈ- ਬੰਬੇ ਸਟਾਕ ਐਕਸਚੇਂਜ (ਬੀਐਸਈ) ਦਾ ਸੈਂਸੈਕਸ ਸੋਮਵਾਰ ਨੂੰ ਕਰੋਨਾ ਵਾਇਰਸ ਦੀ ਤਬਾਹੀ ਕਾਰਨ 1,941.67 ਅੰਕ ਹੇਠਾਂ ਡਿੱਗ ਕੇ 35,634.95 ਦੇ ਪੱਧਰ 'ਤੇ ਖੁੱਲ੍ਹਿਆ, ਜਦੋਂ ਕਿ ਐਨਐਸਈ ਨਿਫਟੀ 538 ਅੰਕ ਖਿਸਕ ਕੇ 10,451.45 ਦੇ ਪੱਧਰ' ਤੇ ਬੰਦ ਹੋਇਆ ਹੈ। ਪਿਛਲੇ ਸਾਢੇ ਚਾਰ ਸਾਲਾਂ ਵਿਚ, ਇਹ ਇਕ ਦਿਨ ਵਿਚ ਹੁਣ ਤਕ ਦੀ ਸਭ ਤੋਂ ਵੱਡੀ ਗਿਰਾਵਟ ਦੱਸਿਆ ਜਾਂਦਾ ਹੈ। ਹਫ਼ਤੇ ਦੇ ਪਹਿਲੇ ਦਿਨ ਅੱਜ ਸੋਮਵਾਰ ਨੂੰ ਭਾਰਤੀ ਸ਼ੇਅਰ ਬਾਜ਼ਾਰ ’ਚ ਹਾਹਾਕਾਰ ਵਾਲੀ ਹਾਲਤ ਬਣੀ ਹੋਈ ਹੈ।
File
ਕੋਰੋਨਾ ਵਾਇਰਸ ਦੇ ਕਾਬੂ ’ਚ ਨਾ ਆਉਣ ਕਾਰਨ ਆਰਥਿਕ ਅਨਿਸ਼ਚਤਤਾ ਵਾਲਾ ਮਾਹੌਲ ਹੈ ਤੇ ਤੇਲ ਦੀਆਂ ਕੀਮਤਾਂ ’ਚ ਗਿਰਾਵਟ ਕਾਰਨ ਬਾਜ਼ਾਰ ’ਚ ਭਾਰੀ ਬਿਕਵਾਲੀ ਵੇਖਣ ਨੂੰ ਮਿਲ ਰਹੀ ਹੈ। ਯੈੱਸ ਬੈਂਕ ਦੇ ਵਧਦੇ ਸੰਕਟ ਤੇ ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਕਮਜ਼ੋਰ ਸ਼ੁਰੂਆਤ ਨੇ ਵੀ ਨਿਵੇਸ਼ਕਾਂ ਦਾ ਮਨੋਬਲ ਡੇਗਿਆ। ਦੁਪਹਿਰ ਡੇਢ ਵਜੇ ਬੌਂਬੇ ਸਟਾਕ ਐਕਸਚੇਂਜ ਭਾਵ BSE ਦਾ ਸੈਂਸੈਕਸ 2437 ਅੰਕ ਭਾਵ 6.52 ਫ਼ੀ ਸਦੀ ਡਿੱਗ ਕੇ 35,126 ’ਤੇ ਆ ਗਿਆ। ਨਿਫ਼ਟੀ ’ਚ ਵੀ 667 ਅੰਕਾਂ ਭਾਵ 6 ਫ਼ੀ ਸਦੀ ਦੀ ਗਿਰਾਵਟ ਹੋਈ ਤੇ ਇਹ 10,322 ਦੇ ਪੱਧਰ ’ਤੇ ਆ ਗਿਆ।
File
ਇੰਝ ਅੱਜ ਨਿਫ਼ਟੀ ਸਾਲ ਭਰ ਦੇ ਸਭ ਤੋਂ ਹੇਠਲੇ ਪੱਧਰ ’ਤੇ ਪੁੱਜ ਗਿਆ ਹੈ। ਸ਼ੇਅਰ ਬਾਜ਼ਾਰ ’ਚ ਸ਼ੁਰੂਆਤੀ ਕਾਰੋਬਾਰ ਦੌਰਾਨ ਹੀ ਭਾਰੀ ਗਿਰਾਵਟ ਦੇ ਚੱਲਦਿਆਂ ਨਿਵੇਸ਼ਕਾਂ ਦੇ ਲਗਭਗ 5 ਲੱਖ ਕਰੋੜ ਰੁਪਏ ਡੁੱਬ ਗਏ ਹਨ। BSE ’ਚ ਸੂਚੀਬੱਧ ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਨ ਸ਼ੁੱਕਰਵਾਰ ਨੂੰ ਕਾਰੋਬਾਰ ਦੇ ਅੰਤ ’ਚ 1,44,31,224.41 ਕਰੋੜ ਰੁਪਏ ਸੀ, ਜੋ ਡਿੱਗ ਕੇ 1,39,39,640.96 ਰੁਪਏ ਰਹਿ ਗਿਆ। ਕਾਰੋਬਾਰੀਆਂ ਦਾ ਅਨੁਮਾਨ ਹੈ ਕਿ ਕੋਰੋਨਾ ਵਾਇਰਸ ਦੀ ਲਾਗ ਦੇ ਚੱਲਦਿਆਂ ਮੁੱਖ ਅਰਥ–ਵਿਵਸਥਾਵਾਂ ’ਚ ਮੰਦੀ ਦਾ ਖ਼ਦਸ਼ਾ ਡੂੰਘਾ ਹੋਣ ਕਾਰਨ ਸ਼ੇਅਰ ਬਾਜ਼ਾਰ ’ਚ ਨਾਂਹ–ਪੱਖੀ ਰੁਖ਼ ਹੈ।
File
ਸੈਂਸੈਕਸ ਦੇ ਸਾਰੇ ਸ਼ੇਅਰ ਘਾਟੇ ’ਚ ਚੱਲ ਰਹੇ ਹਨ। ONGC, ਰਿਲਾਇੰਸ, ਇੰਡਸ–ਇੰਡ ਬੈਂਕ, ਟਾਟਾ ਸਟੀਲ, L&T, ICICI ਬੈਂਕ ਅਤੇ ਇੰਫ਼ੋਸਿਸ ਦੇ ਸ਼ੇਅਰ ਡਿੱਗੇ ਹਨ। ਸ਼ੇਅਰ ਬਾਜ਼ਾਰ ਦੇ ਅੰਕੜਿਆਂ ਮੁਤਾਬਕ ਇਸ ਦੌਰਾਨ ਕੁੱਲ ਆਧਾਰ ਉੱਤੇ ਵਿਦੇਸ਼ੀ ਸੰਸਕਾਗਤ ਨਿਵੇਸ਼ਕਾਂ ਨੇ 3,594.84 ਕਰੋੜ ਰੁਪਏ ਦੀ ਇਕਵਿਟੀ ਵੇਚੀ, ਜਦ ਕਿ ਘਰੇਲੂ ਸੰਸਥਾਗਤ ਨਿਵੇਸ਼ਕਾਂ ਨੇ 2,543.78 ਕਰੋੜ ਰੁਪਏ ਦੀ ਸ਼ੁੱਧ ਲਿਵਾਲੀ ਕੀਤੀ। ਕਾਰੋਬਾਰੀਆਂ ਨੇ ਦੱਸਿਆ ਕਿ ਤੇਲ–ਕੀਮਤਾਂ ’ਚ ਭਾਰੀ ਗਿਰਾਵਟ ਤੇ ਵਿਸ਼ਵ ਪੱਧਰ ਉੱਤੇ ਅਨਿਸ਼ਚਤਤਾ ਦੇ ਮਾਹੌਲ ਨੂੰ ਵੇਖਿਦਿਆਂ ਘਰੇਲੂ ਬਾਜ਼ਾਰ ’ਚ ਨਿਵੇਸ਼ਕ ਚੌਕਸ ਰੁਖ਼ ਅਪਣਾ ਰਹੇ ਹਨ।
File
ਉਨ੍ਹਾਂ ਕਿਹਾ ਕਿ ਵਿਦੇਸ਼ੀ ਫ਼ੰਡਾਂ ਦੇ ਬਾਹਰ ਜਾਣ ਨਾਲ ਬਾਜ਼ਾਰ ਦੀ ਧਾਰਨਾ ਉੱਤੇ ਨਾਂਹ–ਪੱਖੀ ਅਸਰ ਪਿਆ। ਯੈੱਸ ਬੈਂਕ ਦੇ ਸੰਕਟ ਕਾਰਨ ਬੈਂਕਿੰਗ ਖੇਤਰ ਦੀ ਸਥਿਰਤਾ ਨੂੰ ਲੈ ਕੇ ਚਿੰਤਾਵਾਂ ਪ੍ਰਗਟਾਈਆਂ ਜਾ ਰਹੀਆਂ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
