Indian Bank
ਰਿਜ਼ਰਵ ਬੈਂਕ ਦੇ ਨੀਤੀਗਤ ਦਰ ਵਿਚ ਵਾਧੇ ਕਰਨ ਦੇ ਅਗਲੇ ਹੀ ਦਿਨ ਬੈਂਕਾਂ ਨੇ ਵਿਆਜ ਦਰ ਵਧਾਉਣੀ ਸ਼ੁਰੂ ਕਰ ਦਿਤੀ ਹੈ। ਇਸ ਨਾਲ ਮਕਾਨ, ਗੱਡੀ ਤੇ ਕਾਰੋਬਾਰ ਲਈ....
ਨਵੀਂ ਦਿੱਲੀ, ਰਿਜ਼ਰਵ ਬੈਂਕ ਦੇ ਨੀਤੀਗਤ ਦਰ ਵਿਚ ਵਾਧੇ ਕਰਨ ਦੇ ਅਗਲੇ ਹੀ ਦਿਨ ਬੈਂਕਾਂ ਨੇ ਵਿਆਜ ਦਰ ਵਧਾਉਣੀ ਸ਼ੁਰੂ ਕਰ ਦਿਤੀ ਹੈ। ਇਸ ਨਾਲ ਮਕਾਨ, ਗੱਡੀ ਤੇ ਕਾਰੋਬਾਰ ਲਈ ਕਰਜ਼ੇ ਮਹਿੰਗੇ ਹੋਣਗੇ। ਸਰਵਜਨਕ ਖੇਤਰ ਵਿਚ ਇੰਡੀਅਨ ਬੈਂਕ ਤੇ ਕਰੂਰ ਵੈਸ਼ਯ ਬੈਂਕ ਨੇ ਐਮਸੀਐਲਏਆਰ ਵਿਚ 0.10 ਫ਼ੀ ਸਦੀ ਵਾਧਾ ਕੀਤਾ ਹੈ। ਸ਼ੇਅਰ ਬਾਜ਼ਾਰਾਂ ਨੂੰ ਇਹ ਸੂਚਨਾ ਦਿਤੀ ਗਈ ਹੈ।
Karur Vysya Bank
ਸਰਵਜਨਕ ਖੇਤਰ ਦੇ ਇੰਡੀਅਨ ਬੈਂਕ ਨੇ ਤਿੰਨ ਮਹੀਨੇ ਤੋਂ ਪੰਜ ਪੰਜ ਸਾਲ ਦੇ ਸਮੇਂ ਦੇ ਕਰਜ 'ਤੇ ਐਮਸੀਐਲਆਰ ਵਿਚ 0.1 ਫ਼ੀ ਸਦੀ ਵਾਧਾ ਕੀਤਾ ਹੈ। ਇਸ ਤਰ੍ਹਾਂ ਕਰੂਰ ਵੈਸ਼ਯ ਬੈਂਕ ਨੇ ਵੀ ਛੇ ਮਹੀਨੇ ਤੋਂ ਇਕ ਸਾਲ ਦੇ ਸਮੇਂ ਦੇ ਕਰਜ਼ 'ਤੇ ਵਿਆਜ ਦਰ ਵਿਚ ਇੰਨਾ ਹੀ ਵਾਧਾ ਕੀਤਾ ਹੈ। ਰਿਜ਼ਰਵ ਬੈਂਕ ਵਲੋਂ ਰੇਪੋ ਦਰ ਵਧਾਏ ਜਾਣ ਦੀ ਸੰਭਾਵਨਾ ਵਿਚ ਭਾਰਤੀ ਸਟੇਟ ਬੈਂਕ, ਆਈ.ਸੀ.ਆਈ.ਸੀ.ਆਈ ਬੈਂਕ ਤੇ ਐਚਡੀਐਫ਼ਸੀ ਬੈਂਕ ਵਰਗੇ ਕੁੱਝ ਵੱਡੇ ਬੈਂਕ ਪਹਿਲਾਂ ਹੀ ਵਿਆਜ ਦਰਾਂ ਵਿਚ ਵਾਧਾ ਕਰ ਚੁੱਕੇ ਹਨ। (ਏਜੰਸੀ)
