ਭਾਰਤੀ ਡਾਕ ਵਿਭਾਗ 'ਚ ਨਿਕਲੀਆਂ 10,066 ਆਸਾਮੀਆਂ
ਨਵੀਂ ਦਿੱਲੀ : ਸਰਕਾਰੀ ਨੌਕਰੀ ਦੀ ਭਾਲ ਕਰ ਰਹੇ ਲੋਕਾਂ ਲਈ ਭਾਰਤੀ ਡਾਕ ਵਿਭਾਗ ਨੇ ਬੰਪਰ ਨੌਕਰੀਆਂ ਕੱਢੀਆਂ ਹਨ। ਭਾਰਤੀ ਡਾਕ ਵਿਭਾਗ ਪੇਂਡੂ ਡਾਕ ਸੇਵਕ (ਜੀਡੀਐਸ) ਦੇ ਅਹੁਦਿਆਂ 'ਤੇ ਭਰਤੀ ਕਰੇਗਾ। ਭਾਰਤੀ ਡਾਕ ਵੱਲੋਂ ਆਸਾਮ, ਬਿਹਾਰ, ਗੁਜਰਾਤ, ਕਰਨਾਟਕ, ਕੇਰਲ ਅਤੇ ਪੰਜਾਬ 'ਚ ਕੁਲ 10,066 ਅਹੁਦਿਆਂ 'ਤੇ ਭਰਤੀਆਂ ਕੀਤੀਆਂ ਜਾਣਗੀਆਂ।
India Post Recruitment 2019 for 10066 Gramin Dak Sevak GDS Posts
ਇਨ੍ਹਾਂ ਅਹੁਦਿਆਂ 'ਤੇ ਆਵੇਦਨ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ। ਅਪਲਾਈ ਕਰਨ ਦੀ ਅੰਤਮ ਤਰੀਕ 4 ਸਤੰਬਰ ਹੈ। ਪੇਂਡੂ ਡਾਕ ਸੇਵਕ ਨੂੰ ਡਾਕ ਟਿਕਟਾਂ ਅਤੇ ਸਟੇਸ਼ਨਰੀ ਦੀ ਵਿਕਰੀ, ਮੇਲ ਦੀ ਡਿਲੀਵਰੀ ਅਤੇ ਪੋਸਟਮਾਸਟਰ/ਸਬ ਪੋਸਟਮਾਸਟਰ ਵੱਲੋਂ ਦਿੱਤੇ ਗਏ ਹੋਰ ਕਾਰਜਾਂ ਨੂੰ ਪੂਰਾ ਕਰਨਾ ਹੋਵੇਗਾ। ਇਸ ਨੌਕਰੀ 'ਚ ਭਾਰਤੀ ਡਾਕ ਭੁਗਤਾਨ ਬੈਂਕ (ਆਈਪੀਪੀਬੀ) ਦਾ ਕੰਮ ਵੀ ਸ਼ਾਮਲ ਹੈ।
India Post Recruitment 2019 for 10066 Gramin Dak Sevak GDS Posts
ਅਹੁਦੇ ਦਾ ਨਾਂ : ਪੇਂਡੂ ਡਾਕ ਸੇਵਕ (ਜੀਡੀਐਸ)
ਕੁਲ ਆਸਾਮੀਆਂ ਦੀ ਗਿਣਤੀ : 10,066
ਯੋਗਤਾ : ਇਨ੍ਹਾਂ ਅਹੁਦਿਆਂ 'ਤੇ 10ਵੀਂ ਪਾਸ ਉਮੀਦਵਾਰ ਅਪਲਾਈ ਕਰ ਸਕਦਾ ਹੈ। ਉਮੀਦਵਾਰ 10ਵੀਂ ਜਮਾਤ ਤਕ ਸਥਾਨਕ ਭਾਸ਼ਾ 'ਚ ਪੜ੍ਹਿਆ ਹੋਣਾ ਚਾਹੀਦਾ ਹੈ।
ਉਮਰ : ਉਮੀਦਵਾਰ ਦੀ ਉਮਰ 18-40 ਵਿਚਕਾਰ ਹੋਣੀ ਚਾਹੀਦੀ ਹੈ। ਓਬੀਸੀ ਕੈਟੇਗਰੀ ਦੇ ਲੋਕਾਂ ਨੂੰ ਵੱਧ ਤੋਂ ਵੱਧ 3 ਸਾਲ ਅਤੇ ਐਸਸੀ ਤੇ ਐਸਟੀ ਵਰਗ ਦੇ ਲੋਕਾਂ ਨੂੰ 5 ਸਾਲ ਦੀ ਛੋਟ ਦਿੱਤੀ ਜਾਵੇਗੀ। ਨਾਲ ਹੀ ਉਮੀਦਵਾਰ ਕੋਲ ਕਿਸੇ ਮਾਨਤਾ ਪ੍ਰਾਪਤ ਕੰਪਿਊਟਰ ਸਿਖਲਾਈ ਇੰਸਟੀਚਿਊਟ ਦਾ ਘੱਟੋ-ਘੱਟ 60 ਦਿਨ ਦਾ ਕੰਪਿਊਟਰ ਟ੍ਰੇਨਿੰਗ ਸਰਟੀਫ਼ਿਕੇਟ ਹੋਣਾ ਚਾਹੀਦਾ ਹੈ। ਕੇਂਦਰ ਸਰਕਾਰ/ਸੂਬਾ ਸਰਕਾਰ/ਯੂਨੀਵਰਸਿਟੀ/ਬੋਰਡ ਆਦਿ ਤੋਂ ਪ੍ਰਾਪਤ ਸਰਟੀਫ਼ਿਕੇਟ ਵੀ ਸਵੀਕਾਰ ਕੀਤੇ ਜਾਣਗੇ।
India Post Recruitment 2019 for 10066 Gramin Dak Sevak GDS Posts
ਇੰਜ ਕਰੋ ਅਪਲਾਈ :
ਬੇਨਤੀਕਰਤਾ www.appost.in/gdsonline/ 'ਤੇ ਜਾ ਕੇ ਅਪਲਾਈ ਕਰ ਸਕਦੇ ਹਨ। ਆਫ਼ਿਸ਼ੀਅਲ ਨੋਟੀਫ਼ਿਕੇਸ਼ਨ ਵੀ ਇਸ ਵੈਬਸਾਈਟ 'ਤੇ ਚੈਕ ਕੀਤੀ ਜਾ ਸਕਦੀ ਹੈ।
