ਨੇਪਾਲ ਨੇ ਭਾਰਤੀ ਰਿਜ਼ਰਵ ਬੈਂਕ ਤੋਂ ਚਲਨ ਵਿਚ ਪਾਏ ਗਏ 100 ਰੁਪਏ ਤੋਂ ਉੱਚੇ ਮੁੱਲ ਦੇ ਨਵੇਂ ਭਾਰਤੀ ਨੋਟ ਨੂੰ ਇਸ ਗੁਆਂਢੀ ਦੇਸ਼ ਵਿਚ ਵੀ ਲੈਣ - ਦੇਣ ਲਈ ਵੈਧ ਮੁਦਰਾ...
ਕਾਠਮੰਡੂ : ਨੇਪਾਲ ਨੇ ਭਾਰਤੀ ਰਿਜ਼ਰਵ ਬੈਂਕ ਤੋਂ ਚਲਨ ਵਿਚ ਪਾਏ ਗਏ 100 ਰੁਪਏ ਤੋਂ ਉੱਚੇ ਮੁੱਲ ਦੇ ਨਵੇਂ ਭਾਰਤੀ ਨੋਟ ਨੂੰ ਇਸ ਗੁਆਂਢੀ ਦੇਸ਼ ਵਿਚ ਵੀ ਲੈਣ - ਦੇਣ ਲਈ ਵੈਧ ਮੁਦਰਾ ਬਣਾਉਣ ਦੀ ਬੇਨਤੀ ਕੀਤੀ ਹੈ। ਐਤਵਾਰ ਨੂੰ ਮੀਡੀਆ ਦੀਆਂ ਖਬਰਾਂ ਵਿਚ ਇਸ ਦੀ ਜਾਣਕਾਰੀ ਦਿਤੀ ਗਈ। ਖਬਰ ਦੇ ਮੁਤਾਬਕ, ਨੇਪਾਲ ਦੇ ਕੇਂਦਰੀ ਬੈਂਕ ਨੇਪਾਲ ਰਾਸ਼ਟਰ ਬੈਂਕ ਨੇ ਰਿਜ਼ਰਵ ਬੈਂਕ ਨੂੰ 200 ਰੁਪਏ, 500 ਰੁਪਏ ਅਤੇ 2000 ਰੁਪਏ ਦੇ ਨਵੇਂ ਭਾਰਤੀ ਨੋਟਾਂ ਨੂੰ ਨੇਪਾਲ ਵਿਚ ਵੈਧ ਮੁਦਰਾ ਬਣਾਉਣ ਦੀ ਮੰਗ ਕੀਤੀ ਹੈ।
New Indian Currency
ਨੇਪਾਲ ਰਾਸ਼ਟਰ ਬੈਂਕ ਨੇ ਇਸ ਦੇ ਲਈ ਆਰਬੀਆਈ ਤੋਂ ਵਿਦੇਸ਼ੀ ਮੁਦਰਾ ਪ੍ਰਬੰਧਨ ਐਕਟ ਦੇ ਤਹਿਤ ਨੋਟੀਫਿਕੇਸ਼ਨ ਜਾਰੀ ਕਰਨ ਦੀ ਬੇਨਤੀ ਕੀਤੀ ਹੈ। ਜ਼ਿਕਰਯੋਕ ਹੈ ਕਿ ਆਰਬੀਆਈ ਨੇ ਭਾਰਤ ਵਿਚ 100 ਰੁਪਏ ਅਤੇ ਇਸ ਤੋਂ ਘੱਟ ਦੇ ਨੋਟਾਂ ਦੇ ਚਲਨ ਨੂੰ ਹੀ ਕਾਨੂੰਨੀ ਤੌਰ 'ਤੇ ਵੈਧ ਬਣਾਇਆ ਹੈ। ਆਰਬੀਆਈ ਇੱਥੇ ਸਿਰਫ਼ ਇਨ੍ਹਾਂ ਨੋਟਾਂ ਨੂੰ ਨੇਪਾਲੀ ਰੁਪਏ ਵਿਚ ਬਦਲੇ ਦੀ ਸਹੂਲਤ ਦਿੰਦਾ ਹੈ। ਨੋਟਬੰਦੀ ਭਾਰਤ ਵਿਚ ਅੱਠ ਨਵੰਬਰ 2016 ਨੂੰ 500 ਰੁਪਏ ਅਤੇ ਇਕ ਹਜ਼ਾਰ ਰੁਪਏ ਦੇ ਪੁਰਾਣੇ ਨੋਟ ਦੇ ਬੰਦ ਹੋ ਜਾਣ ਤੋਂ ਪਹਿਲਾਂ ਰਿਜ਼ਰਵ ਬੈਂਕ ਨੇ ਇਕ ਫੇਮਾ ਨੋਟੀਫਿਕੇਸ਼ਨ ਦੇ ਜ਼ਰੀਏ ਨੇਪਾਲੀ ਨਾਗਰਿਕਾਂ ਨੂੰ 25 ਹਜ਼ਾਰ ਰੁਪਏ ਮੁੱਲ ਦੇ ਬਰਾਬਰ ਭਾਰਤੀ ਨੋਟ ਰੱਖਣ ਦੀ ਛੋਟ ਦਿਤੀ ਸੀ।
New Indian Currency
ਨੋਟਬੰਦੀ ਤੋਂ ਬਾਅਦ 200 ਰੁਪਏ, 500 ਰਪੁਏ ਅਤੇ 2000 ਰੁਪਏ ਦੇ ਨਵੇਂ ਨੋਟ ਚਲਨ ਵਿਚ ਆਏ ਪਰ ਰਿਜ਼ਰਵ ਬੈਂਕ ਨੇ ਇਨ੍ਹਾਂ ਦੇ ਲਈ ਫੇਮਾ ਨੋਟੀਫਿਕੇਸ਼ਨ ਜਾਰੀ ਨਹੀਂ ਕੀਤੀ। ਇਸ ਕਾਰਨ ਇਹ ਨੋਟ ਨੇਪਾਲ ਵਿਚ ਵੈਧ ਨਹੀਂ ਹੈ। ਨੇਪਾਲ ਰਾਸ਼ਟਰ ਬੈਂਕ ਵਿਚ ਵਿਦੇਸ਼ੀ ਮੁਦਰਾ ਪ੍ਰਬੰਧਨ ਵਿਭਾਗ ਦੇ ਮੁਖੀ ਨੇ ਕਿਹਾ ਕਿ ਹਾਲਾਂਕਿ ਭਾਰਤੀ ਰਿਜ਼ਰਵ ਬੈਂਕ ਵੱਡੇ ਭਾਰਤੀ ਨੋਟਾਂ ਨੂੰ ਨੇਪਾਲ ਵਿਚ ਚਲਨ ਦੀ ਮੰਜ਼ੂਰੀ ਨਹੀਂ ਦੇ ਰਿਹਾ ਹੈ, ਸਾਨੂੰ ਨੇਪਾਲ ਦੇ ਲੋਕਾਂ ਦੇ ਹਿੱਤ ਨੂੰ ਬਚਾਉਣ ਲਈ ਉਨ੍ਹਾਂ ਉਤੇ ਰੋਕ ਲਗਾਉਣਾ ਪਿਆ ਹੈ।
New Indian Currency
ਉਨ੍ਹਾਂ ਨੇ ਕਿਹਾ ਕਿ ਹਾਲਾਂਕਿ ਵੱਖ-ਵੱਖ ਖੇਤਰਾਂ ਦੇ ਲੋਕ ਖਾਸ ਤੌਰ 'ਤੇ ਵਾਰ - ਵਾਰ ਭਾਰਤ ਜਾਣ ਵਾਲੇ ਲੋਕਾਂ ਵਲੋਂ ਦਿੱਕਤ ਆਉਣ ਦੀਆਂ ਸ਼ਿਕਾਇਤਾਂ ਮਿਲਣ ਤੋਂ ਬਾਅਦ ਅਸੀਂ ਰਿਜ਼ਰਵ ਬੈਂਕ ਤੋਂ ਵੱਡੇ ਮੁੱਲ ਦੇ ਭਾਰਤੀ ਨੋਟਾਂ ਨੂੰ ਇੱਥੇ ਵੈਧ ਮੁਦਰਾ ਬਣਾਉਣ ਦੀ ਬੇਨਤੀ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹਨਾਂ ਨੋਟਾਂ ਦਾ ਨੇਪਾਲ ਵਿਚ ਪਰਿਚਾਲਨ ਪੂਰੀ ਤਰ੍ਹਾਂ ਰਿਜ਼ਰਵ ਬੈਂਕ ਦੇ ਉਤੇ ਨਿਰਭਰ ਕਰਦਾ ਹੈ।
