Wal-Mart-Flipkart
ਆਮਦਨ ਕਰ ਵਿਭਾਗ ਵਾਲਮਾਰਟ ਵਲੋਂ ਵਿਦਹੋਲਡਿੰਗ ਟੈਕਸ ਦੇ ਨਿਪਟਾਰੇ ਲਈ 7 ਸਤੰਬਰ ਤਕ ਇੰਤਜ਼ਾਰ ਕਰੇਗਾ...........
ਨਵੀਂ ਦਿੱਲੀ : ਆਮਦਨ ਕਰ ਵਿਭਾਗ ਵਾਲਮਾਰਟ ਵਲੋਂ ਵਿਦਹੋਲਡਿੰਗ ਟੈਕਸ ਦੇ ਨਿਪਟਾਰੇ ਲਈ 7 ਸਤੰਬਰ ਤਕ ਇੰਤਜ਼ਾਰ ਕਰੇਗਾ। ਇਕ ਅਧਿਕਾਰੀ ਨੇ ਦਸਿਆ ਕਿ ਈ-ਕਾਮਰਸ ਕੰਪਨੀ ਫ਼ਲਿਪਕਾਰਟ ਤੋਂ ਸ਼ੇਅਰ ਵੇਚ ਕੇ ਨਿਕਲਣ ਵਾਲੇ ਕੰਪਨੀ ਦੇ ਕਰੀਬ 44 ਸ਼ੇਅਰਧਾਰਕਾਂ ਨੂੰ ਅਮਰੀਕੀ ਕੰਪਨੀ ਵਾਲਮਾਰਟ ਵਲੋਂ ਭੁਗਤਾਨ ਤੋਂ ਬਾਅਦ ਆਮਦਨ ਕਰ ਵਿਭਾਗ ਇਸ ਮਾਮਲੇ 'ਚ ਅੱਗੇ ਦੀ ਪ੍ਰਕਿਰਿਆ ਕਰੇਗਾ।
ਅਮਰੀਕਾ ਦੀ ਖ਼ੁਦਰਾ ਖੇਤਰ ਦੀ ਦਿੱਗਜ ਕੰਪਨੀ ਵਾਲਮਾਰਟ ਇੰਕ ਨੇ ਅਗੱਸਤ 'ਚ ਫ਼ਲਿਪਕਾਰਟ ਦੀ 77 ਫ਼ੀ ਸਦੀ ਹਿੱਸੇਦਾਰੀ ਦੀ ਮਲਕੀਅਤ ਦਾ 16 ਅਰਬ ਡਾਲਰ ਦਾ ਸੌਦਾ ਪੂਰਾ ਕਰ ਲਿਆ ਹੈ। ਆਮਦਨ ਕਰ ਕਾਨੂੰਨ ਤਹਿਤ ਵਾਲਮਾਰਟ ਦੇ ਸ਼ੇਅਰਾਂ ਲਈ ਜਾਣ ਵਾਲੇ ਭੁਗਤਾਨ 'ਤੇ ਵਿਦਹੋਲਡਿੰਗ ਟੈਕਸ ਕੱਟ ਕੇ ਉਸ ਨੂੰ ਟੈਕਸ ਵਿਭਾਗ ਨੂੰ ਇਸ ਮਹੀਨੇ ਦੀ ਸੱਤ ਤਰੀਕ ਤਕ ਜਮ੍ਹਾ ਕਰਵਾਉਣ ਹੋਵੇਗਾ। ਅਧਿਕਾਰੀਆਂ ਨੇ ਦਸਿਆ ਕਿ ਵਾਲਮਾਰਟ ਨੇ ਅਜੇ ਤਕ ਵਿਦਹੋਲਡਿੰਗ ਟੈਕਸ ਦੇਣਦਾਰੀ ਸਬੰਧੀ ਵਿਭਾਗ ਨਾਲ ਸੰਪਰਕ ਨਹੀਂ ਕੀਤਾ। (ਏਜੰਸੀ)
