ਕੋਈ ਵੀ ਫੂਡ ਪ੍ਰੋਡਕਟ ਜੋ ਤੁਸੀਂ ਖਾ ਰਹੇ ਹੋ, ਉਸਦੀ ਸ਼ੁੱਧਤਾ ਇਸ ਗੱਲ 'ਤੇ ਨਿਰਭਰ ਕਰਦੀ ਹੈ ਕਿ ਉਸਦੀ ਪੈਕਿੰਗ ਕਿਵੇਂ ਦੀ ਹੈ। ਫੂਡ ਸੇਫਟੀ ਸਟੈਂਡਰਡ ਅਥਾਰਿਟੀ ਆਫ ....
ਨਵੀਂ ਦਿੱਲੀ : ਕੋਈ ਵੀ ਫੂਡ ਪ੍ਰੋਡਕਟ ਜੋ ਤੁਸੀਂ ਖਾ ਰਹੇ ਹੋ, ਉਸਦੀ ਸ਼ੁੱਧਤਾ ਇਸ ਗੱਲ 'ਤੇ ਨਿਰਭਰ ਕਰਦੀ ਹੈ ਕਿ ਉਸਦੀ ਪੈਕਿੰਗ ਕਿਵੇਂ ਦੀ ਹੈ। ਫੂਡ ਸੇਫਟੀ ਸਟੈਂਡਰਡ ਅਥਾਰਿਟੀ ਆਫ ਇੰਡੀਆ ਦੇ ਇਕ ਸਰਵੇ ਦੇ ਮੁਤਾਬਕ ਕਈ ਪ੍ਰੋਡਕਟ ਦੀ ਪੈਕਿੰਗ ਠੀਕ ਨਹੀਂ ਹੁੰਦੀ। 80 ਫੀਸਦੀ ਰੰਗੀਨ ਪੈਕੇਟਾਂ, 59 ਫੀਸਦੀ ਕਾਲੇ ਕੈਰੀਬੈਗ, 24 ਫੀਸਦੀ ਐਲੂਮੀਨੀਅਮ ਕੋਟੇਡ ਡਿਸਪੋਜੇਬਲ ਕੰਟੇਨਰ ਵਿਚ ਖਤਰਨਾਕ ਕੈਮੀਕਲ ਹੁੰਦਾ ਹੈ।
FSSAI
ਇਹ ਕੈਮੀਕਲ ਸਾਡੀ ਸਿਹਤ ਲਈ ਖਤਰਨਾਕ ਹੁੰਦਾ ਹੈ ਪਰ ਨਵੇਂ ਸਾਲ ਵਿਚ ਇਨ੍ਹਾਂ ਚੀਜ਼ਾਂ ਤੋਂ ਮੁਕਤੀ ਮਿਲ ਸਕਦੀ ਹੈ। ਨਵੇਂ ਸਾਲ ਵਿਚ ਇਕ ਜਨਵਰੀ ਤੋਂ ਦਾਲ, ਆਰਗੇਨਿਕ ਫੂਡ, ਸ਼ਹਿਦ, ਛੌਲੇ, ਦਾਲਾਂ ਆਦਿ ਫੂਡ ਪ੍ਰੋਡਕਟ ਦੀ ਲੇਬਲਿੰਗ ਅਤੇ ਸਰਟੀਫਿਕੇਸ਼ਨ 'ਤੇ ਨਵੇਂ ਨਿਯਮ ਲਾਗੂ ਹੋ ਗਏ ਹਨ। ਇਹ ਕਰੀਬ 28 ਸਟੈਂਡਰਡ ਹਨ ਜਿਨ੍ਹਾਂ ਨੂੰ 2018 ਵਿਚ ਤਿਆਰ ਕੀਤਾ ਗਿਆ ਸੀ। ਨਵੇਂ ਨਿਯਮਾਂ ਵਿਚ ਸਾਫ਼ ਲਿਖਿਆ ਹੋਵੇਗਾ ਕਿ ਪੈਕੇਜਿੰਗ ਲਈ ਕਿਹੜੀਆਂ ਚੀਜ਼ਾਂ ਦਾ ਇਸਤੇਮਾਲ ਹੋਵੇਗਾ,
Disposable Aluminum
ਨਾਲ ਹੀ ਨਵੇਂ ਮਲਟੀਲੇਅਰ ਪੈਕੇਜਿੰਗ ਦੀ ਵਿਵਸਥਾ ਹੋਵੇਗੀ ਤਾਂਕਿ ਖਾਣ ਦੀਆਂ ਚੀਜ਼ਾ ਸਿੱਧੇ ਪੈਕੇਟ ਦੇ ਟਚ ਵਿਚ ਨਾ ਆ ਸਕਣ। ਇਸ ਤੋਂ ਇਲਾਵਾ ਸਿਹਤ ਦਾ ਧਿਆਨ ਰੱਖਣ ਲਈ ਪ੍ਰਿੰਟਿੰਗ ਇੰਕ ਦਾ ਵੀ ਖਾਸ ਧਿਆਨ ਰੱਖਿਆ ਜਾਵੇਗਾ। ਨਿਊਜ ਪੇਪਰ ਜਾਂ ਕਿਸੇ ਵੀ ਪ੍ਰਕਾਰ ਨਾਲ ਲਿਖੇ ਹੋਏ ਕਾਗਜ ਤੋਂ ਕੁੱਝ ਵੀ ਪੈਕ ਕਰਨਾ ਗਲਤ ਹੋਵੇਗਾ। ਨਵੇਂ ਨਿਯਮ ਦੇ ਤਹਿਤ ਸਸਤੇ ਅਤੇ ਘਟੀਆ ਕਿਸਮ ਦੇ ਉਤਪਾਦ ਪੈਕਿੰਗ ਵਿਚ ਇਸਤੇਮਾਲ ਨਹੀਂ ਹੋਣਗੇ।
BIS
ਮਿਨਰਲ ਵਾਟਰ ਜਾਂ ਪੈਕੇਜਡ ਡਰਿੰਕਿੰਗ ਵਾਟਰ ਟਰਾਂਸਪੇਰੈਂਟ, ਕਲਰਲੇਸ ਡੱਬਿਆਂ ਵਿਚ ਹੀ ਪੈਕ ਹੋਣਗੇ। ਮੌਜੂਦਾ ਨਿਯਮਾਂ ਦੇ ਮੁਤਾਬਕ ਪੈਕੇਜਿੰਗ ਲਈ ਐਲੂਮੀਨੀਅਮ, ਕਾਪਰ, ਪਲਾਸਟਿਕ ਅਤੇ ਟਿਨ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ ਪਰ ਹੁਣ ਖਾਣ - ਪੀਣ ਦੀਆਂ ਚੀਜਾਂ ਦੀ ਪੈਕੇਜਿੰਗ ਵਿਚ ਸਰੀਰ ਨੂੰ ਨੁਕਸਾਨ ਪਹੁੰਚਾਣ ਵਾਲੀਆਂ ਚੀਜ਼ਾਂ ਦਾ ਇਸਤੇਮਾਲ ਨਹੀਂ ਹੋਵੇਗਾ।
Packaging and labeling
ਹੁਣ ਜਿਸ ਰੈਪਰ ਜਾਂ ਡਿੱਬੇ ਵਿਚ ਤੁਹਾਡਾ ਖਾਣਾ ਪੈਕ ਹੋਵੇਗਾ, ਉਸ ਵਿਚ ਨੁਕਸਾਨਦਾਇਕ ਤੱਤ ਹਨ ਜਾਂ ਨਹੀਂ ਇਸਦੀ ਮਾਤਰਾ ਤੈਅ ਹੋਵੇਗੀ। ਨਾਲ ਹੀ ਰੀਸਾਇਕਲ ਕੀਤਾ ਗਿਆ ਪਲਾਸਟਿਕ ਪੈਕਿੰਗ ਵਿਚ ਪ੍ਰਯੋਗ ਨਹੀਂ ਹੋਵੇਗਾ। ਹਲੇ BIS ਦੇ ਕੋਲ ਪੈਕੇਜਿੰਗ ਦੇ ਨਿਯਮ ਸਨ ਪਰ ਹੁਣ FSSAI ਦੇ ਨਿਯਮ ਲਾਜ਼ਮੀ ਹੋਣਗੇ। ਇਹ ਤਿੰਨ ਹਿੱਸੇ ਵਿਚ ਹੋਣਗੇ ਪੈਕੇਜਿੰਗ, ਲੇਬਲਿੰਗ ਅਤੇ ਕਲੇਮ ਐਂਡ ਐਡਵਰਟਾਈਜਮੈਂਟ। ਜੋ ਇਨ੍ਹਾਂ ਤਿੰਨ ਨਿਯਮਾਂ ਨੂੰ ਤੋੜੇਗਾ ਉਨ੍ਹਾਂ 'ਤੇ ਕਾਰਵਾਈ ਹੋਵੇਗੀ।
