ਇਕ ਅਜਿਹਾ ਸ਼ਹਿਰ ਜਿੱਥੇ ਫੁੱਲਾਂ, ਇਲਾਚੀ ਅਤੇ ਕਾਲੀ ਮਿਰਚ ਦੀ ਖੁਸ਼ਬੂ ਤੁਹਾਡੀ ਲਾਈਫ ਦੀਆਂ ਕੁੱਝ ਟੈਂਸ਼ਨਾਂ ਨੂੰ ਘੱਟ ਕਰ ਦਵੇਗੀ। ਮਦਿਕੇਰੀ ਇਕ ਅਜਿਹਾ ਸ਼ਹਿਰ...
ਇਕ ਅਜਿਹਾ ਸ਼ਹਿਰ ਜਿੱਥੇ ਫੁੱਲਾਂ, ਇਲਾਚੀ ਅਤੇ ਕਾਲੀ ਮਿਰਚ ਦੀ ਖੁਸ਼ਬੂ ਤੁਹਾਡੀ ਲਾਈਫ ਦੀਆਂ ਕੁੱਝ ਟੈਂਸ਼ਨਾਂ ਨੂੰ ਘੱਟ ਕਰ ਦਵੇਗੀ। ਮਦਿਕੇਰੀ ਇਕ ਅਜਿਹਾ ਸ਼ਹਿਰ ਹੈ ਜੋ ਕਿ ਸਾਰਿਆਂ ਨੂੰ ਅਪਣੇ ਵੱਲ ਆਕਰਸ਼ਿਤ ਕਰਦਾ ਹੈ। ਮਦਿਕੇਰੀ ਕਰਨਾਟਕ ਦੇ ਕੂਰਗ ਜ਼ਿਲ੍ਹੇ ਵਿਚ ਹੈ। ਇਸਦੀ ਉਚਾਈ ਸਮੁੰਦਰ ਤਲ ਤੋਂ 1525 ਮੀਟਰ ਹੈ।ਮਦਿਕੇਰੀ ਇਕ ਅਜਿਹਾ ਸ਼ਹਿਰ ਹੈ ਜਿੱਥੇ ਚਾਰੇ ਪਾਸੇ ਸਿਰਫ ਪਹਾੜੀਆਂ, ਠੰਡੀਆਂ ਹਵਾਵਾਂ, ਹਰੇ ਜੰਗਲ, ਕਾਫ਼ੀ ਦੇ ਬਾਗ਼ ਹਨ। ਇਹ ਸਾਉਥ ਇੰਡੀਆ ਦੇ ਸਭ ਤੋਂ ਸੋਹਣੇ ਪਹਾੜੀ ਇਲਾਕਿਆਂ ਵਿਚੋਂ ਇਕ ਹੈ। ਮਡਿਕੇਰੀ, ਮਧੁਕੇਰੀ ਅਤੇ ਮਰਕਰਾ ਇਸਦੇ ਕਈ ਨਾਮ ਹਨ।
Masikeri Fort
ਮਦਿਕੇਰੀ ਕਿਲ੍ਹਾ
ਇਸ ਕਿਲ੍ਹੇ ਦੇ ਅੰਦਰ ਮਹਿਲ ਹੈ। ਇਸਦੇ ਅੰਦਰ ਮੰਦਿਰ ਸੀ। ਜਿਸਦਾ ਨਾਮ ਵੀਰਭਦਰ ਮੰਦਿਰ ਸੀ। ਜਿਸਨੂੰ ਅੰਗਰੇਜਾਂ ਨੇ ਤੋੜ ਕੇ ਇਸਦੀ ਜਗ੍ਹਾ ਇਕ ਗਿਰਜਾ ਘਰ ਬਣਵਾ ਦਿਤਾ ਸੀ। ਫਿਲਹਾਲ ਇਸ ਗਿਰਜਾ ਘਰ ਦੀ ਜਗ੍ਹਾ ਇਕ ਮਿਊਜ਼ਿਅਮ ਹੈ। 1933 ਵਿਚ ਇੱਥੇ ਕਲਾਕ ਟਾਵਰ ਅਤੇ ਪੋਰਟਿਕੋ ਬਣਾਇਆ ਗਿਆ ਸੀ।
Raja Seat
ਰਾਜਾ ਦੀ ਸੀਟ
ਮਦਿਕੇਰੀ ਦੇ ਰਾਜੇ ਸੂਰਜ ਨੂੰ ਉੱਗਦੇ ਅਤੇ ਡੁੱਬਦੇ ਵੇਖਿਆ ਕਰਦੇ ਸਨ ਅਤੇ ਇਸ ਜਗ੍ਹਾ ਨੂੰ ਸਾਉਥ ਦੀ ਸਭ ਤੋਂ ਚੰਗੀ ਜਗ੍ਹਾ ਮੰਨੀ ਜਾਂਦੀ ਹੈ। ਇੱਥੋਂ ਉੱਚੇ ਪਹਾੜ, ਹਰੀਆਂ - ਭਰੀਆਂ ਵਾਦੀਆਂ, ਝੋਨੇ ਦੇ ਖੇਤ ਦੇ ਜਬਰਦਸਤ ਨਜ਼ਾਰੇ ਦਿਖਦੇ ਹਨ। ਇੱਥੋਂ ਮੈਂਗਲੋਰ ਦੀ ਸੜਕ ਦਾ ਨਜ਼ਾਰਾ ਸਭ ਤੋਂ ਅਨੌਖਾ ਹੈ।
Abbi Falls
ਅੱਬੇ ਝਰਨਾ
ਇਹ ਝਰਨਾ ਮਦਿਕੇਰੀ ਤੋਂ 7 - 8 ਕਿਮੀ ਦੀ ਦੂਰੀ ਉਤੇ ਹੈ। ਇੱਥੇ ਇਕ ਤੰਗ ਜਿਹਾ ਰਸਤਾ ਹੈ, ਜਿਸਦੇ ਕਾਰਨ ਇੱਥੇ ਪਹੁੰਚਣ ਲਈ ਕਾਫ਼ੀ ਦੇ ਬਾਗ਼ਾਂ ਵਿਚੋਂ ਲੰਘਣਾ ਪੈਂਦਾ ਹੈ। 50 ਫੁੱਟ ਦੀ ਉਚਾਈ ਤੋਂ ਡਿੱਗਦੇ ਪਾਣੀ ਨੂੰ ਵੇਖਕੇ ਤੁਹਾਨੂੰ ਬੜਾ ਚੰਗਾ ਲਗੇਗਾ।
Nagarahole
ਨਾਗਰਹੋਲ ਵਾਈਲਡਲਾਈਫ ਸੈਂਚੁਰੀ
ਇਸਦਾ ਲਗਭਗ 33 ਫ਼ੀਸਦੀ ਹਿੱਸਾ ਜੰਗਲ ਨਾਲ ਘਿਰਿਆ ਹੋਇਆ ਹੈ। ਜੇਕਰ ਤੁਸੀ ਐਡਵੈਂਚਰ ਦੇ ਸ਼ੌਕਿਨ ਹੋ ਤਾਂ ਤੁਹਾਡੇ ਲਈ ਇਹ ਜਗ੍ਹਾ ਕਾਫ਼ੀ ਰੋਚਕ ਹੋ ਸਕਦੀ ਹੈ। ਇੰਨਾ ਹੀ ਨਹੀਂ ਤੁਹਾਡਾ ਸਾਹਮਣਾ ਜੰਗਲੀ ਜਾਨਵਰਾਂ ਨਾਲ ਵੀ ਹੋ ਸਕਦਾ ਹੈ। ਇਹ ਮਦਿਕੇਰੀ ਤੋਂ ਮਦਜ 80 ਕਿਮੀ ਦੂਰ ਪੈਂਦਾ ਹੈ।
Animal
ਨਾਗਰਹੋਲ ਤੋਂ ਬਿਨਾਂ ਤਾਲਕਾਵੇਰੀ, ਪੁਸ਼ਪਾਗਿਰੀ ਅਤੇ ਬ੍ਰਹਮਾਗਿਰੀ ਦੀ ਛੋਟੀ ਪਰ ਪੰਛੀਆਂ ਅਤੇ ਜਾਨਵਰਾਂ ਨਾਲ ਭਰੀ ਸੇਂਚੁਰੀਆਂ ਵੀ ਵੇਖ ਸਕਦੇ ਹੋ। ਇਹ ਸਾਰੇ ਮਦਿਕੇਰੀ ਤੋਂ 75 ਕਿਲੋਮੀਟਰ ਦੀ ਰੇਂਜ ਵਿਚ ਹੈ। ਇਥੇ ਇਕ ਦਿਨ ਵਿਚ ਜਾਕੇ ਵਾਪਸ ਆਇਆ ਜਾ ਸਕਦਾ ਹੈ।
Omkareshwara Temple
ਮਦਿਕੇਰੀ ਵਿਚ ਹੋਰ ਵੀ ਜਗ੍ਹਾ ਹਨ ਜਿਵੇਂ ਕਿ ਓਮਕਾਰੇਸ਼ਵਰ ਮੰਦਿਰ, ਭਾਗਮੰਡਲ, ਤਾਲਕਾਵੇਰੀ, ਹਰੰਗੀ ਡੈਮ, ਨਲਕਨਾਦ ਮਹਿਲ ਆਦਿ। ਮਦਿਕੇਰੀ ਵਿਚ ਕਈ ਅਜਿਹੀਆਂ ਟਰੈਕਿੰਗ ਥਾਂਵਾਂ ਹਨ, ਜਿੱਥੇ ਤੁਸੀ ਟਰੈਂਕਿੰਗ ਦਾ ਮਜ਼ਾ ਵੀ ਲੈ ਸਕਦੇ ਹੋ। ਇਸਦੇ ਬਿਨਾਂ ਤੁਸੀ ਮੈਂਗਲੌਰ ਅਤੇ ਮੈਸੂਰ ਸ਼ਹਿਰ ਵੀ ਘੁੰਮ ਸਕਦੇ ਹੋ।
Harangi Dam
