PayTm ਨੇ ਅਪਣੀ ਬੈਂਕਿਗ ਸਹੂਲਤਾਂ ਨੂੰ ਲੈ ਕੇ ਵੱਡਾ ਫ਼ੈਸਲਾ ਲਿਆ ਹੈ। ਕੰਪਨੀ ਆਉਣ ਵਾਲੇ 3 ਤੋਂ 5 ਸਾਲ 'ਚ ਲਗਭਗ 5 ਹਜ਼ਾਰ ਕਰੋਡ਼ ਦਾ ਨਿਵੇਸ਼ ਕਰਨ ਜਾ ਰਹੀ ਹੈ। ਅੱਜ ਕਲ ...

PayTm ਨੇ ਅਪਣੀ ਬੈਂਕਿਗ ਸਹੂਲਤਾਂ ਨੂੰ ਲੈ ਕੇ ਵੱਡਾ ਫ਼ੈਸਲਾ ਲਿਆ ਹੈ। ਕੰਪਨੀ ਆਉਣ ਵਾਲੇ 3 ਤੋਂ 5 ਸਾਲ 'ਚ ਲਗਭਗ 5 ਹਜ਼ਾਰ ਕਰੋਡ਼ ਦਾ ਨਿਵੇਸ਼ ਕਰਨ ਜਾ ਰਹੀ ਹੈ। ਅੱਜ ਕਲ ਪੇਟੀਐਮ ਬੈਂਕ ਟਰਾਂਸਫ਼ਰ ਅਤੇ ਹੋਰ ਸਹੂਲਤਾਂ ਨੂੰ ਵਧਾਉਣ ਲਈ ਅਪਣਾ ਪੂਰਾ ਜ਼ੋਰ ਦੇ ਰਹੀ ਹੈ। ਕੰਪਨੀ ਨੇ ਅਪਣੇ ਐਪ 'ਚ ਮਾਈ ਪੇਮੈਂਟਸ ਦਾ ਨਵਾਂ ਫ਼ੀਚਰ ਜੋੜਿਆ ਹੈ। ਇਸ ਫ਼ੀਚਰ ਦੇ ਸਹਿਯੋਗ ਨਾਲ ਤੁਸੀਂ ਪੇਟੀਐਮ ਦੇ ਜ਼ਰੀਏ ਵੱਡੇ ਟਰਾਂਜ਼ੈਕਸ਼ਨ ਵੀ ਕਰ ਪਾਓਗੇ। ਇਸ ਫ਼ੀਚਰ ਨਾਲ ਯੂਜ਼ਰਜ਼ ਨੂੰ ਪੇਟੀਐਮ ਵਾਲੇਟ 'ਚ ਪੈਸੇ ਨਹੀਂ ਰਖਣੇ ਪੈਣਗੇ ਸਗੋਂ ਸਿੱਧੇ ਹੀ ਬੈਂਕ 'ਚ ਮਨੀ ਟਰਾਂਸਫ਼ਰ ਹੋ ਸਕੇਗਾ। ਇਹ ਪੂਰੀ ਤਰ੍ਹਾਂ ਨੈਟ ਬੈਂਕਿਗ ਦੀ ਤਰ੍ਹਾਂ ਕੰਮ ਕਰੇਗਾ। ਇਸ ਫ਼ੀਚਰ ਨੂੰ ਐਂਡਰਾਇਡ ਯੂਜ਼ਰਜ਼ ਲਈ ਪੇਸ਼ ਕੀਤਾ ਹੈ। 

PayTm

ਪੇਟੀਐਮ ਦੇ ਬਲਾਗ 'ਤੇ ਲਿਖਿਆ ਹੈ ਕਿ ਯੂਜ਼ਰਜ਼ ਅਪਣਾ ਪੈਸਾ ਪੇਟੀਐਮ ਵਾਲੇਟ 'ਚ ਪਾਏ ਬਿਨਾਂ ਹੀ ਸਿੱਧਾ ਬੈਂਕ 'ਚ ਟਰਾਂਸਫ਼ਰ ਕਰ ਪਾਓਗੇ। ਪਹਿਲਾਂ ਪੇਟੀਐਮ 'ਚ ਪੈਸਾ ਬੈਂਕ 'ਚ ਪਾਉਣ ਲਈ ਲੋਕਾਂ ਨੂੰ ਇਕ ਲੰਮਾਂ ਪ੍ਰੋਸੈਸ ਕਰਨਾ ਪੈਂਦਾ ਸੀ। ਇਸ ਦੀ ਵਰਤੋਂ ਲਈ ਪੇਟੀਐਮ ਐਪ ਨੂੰ ਓਪਨ ਕਰ ਕੇ ਮਾਈ ਪੇਮੈਂਟਸ 'ਤੇ ਕਲਿਕ ਕਰੋ। ਇਸ ਤੋਂ ਬਾਅਦ ਐਡ ਨਿਊ ਆਪਸ਼ਨ ਨੂੰ ਸਿਲੈਕਟ ਕਰ ਕੇ ਪੇਮੈਂਟ ਸੈਟਅਪ ਲਈ ਸ਼੍ਰੇਣੀ ਚੁਣੋ। ਫਿਰ ਜਿਸ ਅਕਾਂਉਟ 'ਚ ਪੈਸਾ ਪਾਉਣਾ ਚਾਹੁੰਦੇ ਹੋ ਉਸ ਦੀ ਡਿਟੇਲ ਭਰੋ। ਫਿਰ ਜਿਸ ਬੈਂਕ ਅਕਾਂਉਟ ਨਾਲ ਪੇਮੈਂਟ ਕਰਨਾ ਚਾਹੁੰਦੇ ਹੋ, ਉਸ ਨੂੰ ਚੁਣੋ ਅਤੇ ਪੇਮੈਂਟ ਆਪਸ਼ਨ 'ਤੇ ਕਲਿਕ ਕਰੋ। ਪੇਮੈਂਟ ਹੋ ਜਾਵੇਗੀ।