Health News: ਇਕਲਾਪੇ ਦਾ ਮਾਨਸਿਕ ਸਿਹਤ ’ਤੇ ਅਸਰ 9 ਸਾਲਾਂ ਤਕ ਰਹਿ ਸਕਦਾ ਹੈ।
Lockdown may have long-term impact on children's mental health: ਤਾਲਾਬੰਦੀ ਅਤੇ ਸਮਾਜਕ ਦੂਰੀ ਦੀ ਜ਼ਰੂਰਤ ਖ਼ਤਮ ਹੋਣ ਤੋਂ ਬਾਅਦ ਵੀ ਬੱਚਿਆਂ ਦੀ ਮਾਨਸਿਕ ਸਿਹਤ ਇਸ ਦਾ ਅਸਰ ਬਹੁਤ ਲੰਮੇ ਸਮੇਂ ਤਕ ਰਹਿ ਸਕਦਾ ਹੈ। ਇਸ ਲਈ ਬੱਚਿਆਂ ਦੀ ਮਾਨਸਿਕ ਸਿਹਤ ਬਾਰੇ ਡਾਕਟਰਾਂ ਦੀ ਮੰਗ ’ਚ ਵਾਧਾ ਹੋ ਸਕਦਾ ਹੈ ਜਿਸ ਲਈ ਹੁਣੇ ਤੋਂ ਤਿਆਰੀ ਕਰਨ ਦੀ ਜ਼ਰੂਰਤ ਹੈ।
ਇਸ ਬਾਰੇ ਅਮਰੀਕਾ ’ਚ ਕੀਤੇ ਗਏ ਇਕ ਅਧਿਐਨ ’ਚ ਕਿਹਾ ਗਿਆ ਹੈ ਕਿ ਨੌਜੁਆਨਾਂ ਅੰਦਰ ਇਕਲਾਪੇ ਅਤੇ ਤਣਾਅ ’ਚ ਬਹੁਤ ਡੂੰਘਾ ਸਬੰਧ ਹੈ। ਇਕੱਲੇ ਨੌਜੁਆਨਾਂ ਦੇ ਭਵਿੱਖ ’ਚ ਤਣਾਅਗ੍ਰਸਤ ਹੋਣ ਦੀ ਸੰਭਾਵਨਾ ਤਿੰਨ ਗੁਣਾਂ ਜ਼ਿਆਦਾ ਹੈ। ਇਸ ਇਕਲਾਪੇ ਦਾ ਮਾਨਸਿਕ ਸਿਹਤ ’ਤੇ ਅਸਰ 9 ਸਾਲਾਂ ਤਕ ਰਹਿ ਸਕਦਾ ਹੈ।
ਬੱਚਿਆਂ ਨੂੰ ਸਕੂਲ ਭੇਜਣ ਤੋਂ ਲਈ ਸਾਨੂੰ ਖੇਡਾਂ ਦੀ ਮਹੱਤਤਾ ’ਤੇ ਜ਼ੋਰ ਦੇਣਾ ਹੋਵੇਗਾ ਤਾਕਿ ਉਹ ਅਪਣੇ ਦੋਸਤਾਂ ਨਾਲ ਜੁੜ ਸਕਣ ਅਤੇ ਇਕਲਾਪੇ ਦੇ ਲੰਮੇ ਸਮੇਂ ਤੋਂ ਬਾਅਦ ਖ਼ੁਦ ਨੂੰ ਮਾਹੌਲ ’ਚ ਢਾਲ ਸਕਣ। ਮਾਹਰਾਂ ਅਨੁਸਾਰ ਤਾਲਾਬੰਦੀ ’ਚ ਢਿੱਲ ਇਸ ਤਰ੍ਹਾਂ ਦਿਤੀ ਜਾਣੀ ਚਾਹੀਦੀ ਹੈ ਕਿ ਬੱਚਿਆਂ ਨੂੰ ਅਪਣੇ ਸਾਥੀਆਂ ਨਾਲ ਸਕੂਲ ਦੇ ਅੰਦਰ ਅਤੇ ਬਾਹਰ ਖੇਡਣ ਦਾ ਮੌਕਾ ਮਿਲੇ, ਨਾਲ ਹੀ ਸਮਾਜਕ ਦੂਰੀ ਦੇ ਨਿਯਮਾਂ ਦੀ ਵੀ ਪਾਲਣਾ ਹੁੰਦੀ ਰਹੇ।
