ਚਾਹ ਅਤੇ ਕੌਫੀ ਵਿਚ ਟੈਨਿਨ ਅਤੇ ਕੈਫ਼ੀਨ ਨਾਮਕ ਮਿਸ਼ਰਣ ਮਿਲ ਜਾਂਦੇ ਹਨ
Health News: ਜੇਕਰ ਤੁਸੀਂ ਚਾਹ ਜਾਂ ਕੌਫੀ ਦੇ ਇਕ ਜਾਂ ਦੋ ਕੱਪ ਪੀਂਦੇ ਹੋ, ਤਾਂ ਇਸ ਵਿਚ ਕੋਈ ਬਹੁਤੀ ਸਮੱਸਿਆ ਨਹੀਂ, ਪਰ ਜੇਕਰ ਤੁਸੀਂ ਸੋਚਦੇ ਹੋ ਕਿ ਚਾਹ ਦੀ ਚੁਸਕੀ ਲੈਣ ਨਾਲ ਸਰੀਰ ਵਿਚ ਨਿੱਘ ਆਵੇਗਾ, ਤਾਂ ਇਹ ਗ਼ਲਤ ਧਾਰਨਾ ਹੈ। ਜ਼ਿਆਦਾ ਚਾਹ ਦਾ ਸੇਵਨ ਤੁਹਾਡੇ ਸਰੀਰ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ। ਸਰੀਰ ਨੂੰ ਹੋਰ ਠੰਢ ਨਾਲ ਭਰ ਦਿੰਦਾ ਹੈ। ਸੱਭ ਤੋਂ ਪਹਿਲਾਂ ਤਾਂ ਇਹ ਸਮਝ ਲੈਣਾ ਚਾਹੀਦਾ ਹੈ ਕਿ ਚਾਹ ਅਤੇ ਕੌਫੀ ਦਾ ਜ਼ਿਆਦਾ ਸੇਵਨ ਅਪਣੇ ਆਪ ਵਿਚ ਨੁਕਸਾਨਦਾਇਕ ਹੈ।
ਚਾਹ ਅਤੇ ਕੌਫੀ ਵਿਚ ਟੈਨਿਨ ਅਤੇ ਕੈਫ਼ੀਨ ਨਾਮਕ ਮਿਸ਼ਰਣ ਮਿਲ ਜਾਂਦੇ ਹਨ। ਇਹ ਦੋਵੇਂ ਮਿਸ਼ਰਣ ਅਜਿਹੇ ਹਨ ਜੋ ਸਰੀਰ ਵਿਚ ਕਈ ਚੀਜ਼ਾਂ ਨੂੰ ਸੋਖਣ ਤੋਂ ਰੋਕਦੇ ਹਨ। ਭਾਵ ਜੇਕਰ ਤੁਸੀਂ ਅਜਿਹੀਆਂ ਚੀਜ਼ਾਂ ਖਾਉਗੇ ਤਾਂ ਸਰੀਰ ਨੂੰ ਇਸ ਤੋਂ ਪੋਸ਼ਕ ਤੱਤ ਨਹੀਂ ਮਿਲਣਗੇ। ਉਦਾਹਰਣ ਵਜੋਂ, ਜੇਕਰ ਅਸੀਂ ਉਹ ਚੀਜ਼ਾਂ ਖਾਂਦੇ ਹਾਂ ਜਿਨ੍ਹਾਂ ਵਿਚ ਆਇਰਨ ਹੁੰਦਾ ਹੈ, ਤਾਂ ਟੈਨਿਨ ਅਤੇ ਕੈਫੀਨ ਇਨ੍ਹਾਂ ਚੀਜ਼ਾਂ ਵਿਚੋਂ ਆਇਰਨ ਨੂੰ ਜਜ਼ਬ ਨਹੀਂ ਹੋਣ ਦਿੰਦੇ।
ਨਤੀਜਾ ਇਹ ਹੁੰਦਾ ਹੈ ਕਿ ਜੋ ਲੋਕ ਬਹੁਤ ਜ਼ਿਆਦਾ ਚਾਹ ਅਤੇ ਕੌਫੀ ਪੀਂਦੇ ਹਨ, ਉਹ ਅਕਸਰ ਆਇਰਨ ਦੀ ਕਮੀ ਦਾ ਸ਼ਿਕਾਰ ਹੁੰਦੇ ਹਨ। ਇਸ ਸੱਭ ਤੋਂ ਇਲਾਵਾ ਚਾਹ ਅਤੇ ਕੌਫੀ ਜ਼ਿਆਦਾ ਪੀਣ ਦੇ ਹੋਰ ਵੀ ਕਈ ਨੁਕਸਾਨ ਹਨ। ਸਰਦੀਆਂ ਵਿਚ ਜਦੋਂ ਤੁਸੀਂ ਬਹੁਤ ਜ਼ਿਆਦਾ ਚਾਹ ਅਤੇ ਕੌਫੀ ਪੀਂਦੇ ਹੋ ਤਾਂ ਸਰੀਰ ਵਿਚੋਂ ਪਾਣੀ ਬਾਹਰ ਨਿਕਲ ਜਾਂਦਾ ਹੈ
ਜਿਸ ਨਾਲ ਡੀਹਾਈਡਰੇਸ਼ਨ ਦਾ ਖ਼ਤਰਾ ਰਹਿੰਦਾ ਹੈ ਅਤੇ ਪਾਣੀ ਦੀ ਕਮੀ ਕਾਰਨ ਸਰੀਰ ਵਿਚ ਮੈਟਾਬੋਲਿਜ਼ਮ ਹੌਲੀ ਹੋ ਜਾਂਦਾ ਹੈ ਅਤੇ ਕਈ ਹੋਰ ਰਸਾਇਣਕ ਪ੍ਰਕਿਰਿਆਵਾਂ ਵਿਚ ਰੁਕਾਵਟ ਪਵੇਗੀ। ਇਸ ਸੱਭ ਦਾ ਸੰਯੁਕਤ ਪ੍ਰਭਾਵ ਇਹ ਹੋਵੇਗਾ ਕਿ ਤੁਸੀਂ ਪਹਿਲਾਂ ਨਾਲੋਂ ਜ਼ਿਆਦਾ ਠੰਢ ਮਹਿਸੂਸ ਕਰੋਗੇ।
(For more news apart from Health News, stay tuned to Rozana Spokesman)
