ਖਾਣਾ ਖਾਣ ਤੋਂ ਬਾਅਦ ਮਿੱਠਾ ਖਾਣਾ ਬਹੁਤ ਸਾਰੇ ਲੋਕਾਂ ਦਾ ਸ਼ੌਂਕ ਹੁੰਦਾ ਹੈ ਅਤੇ ਗੱਲ ਜੇਕਰ ਰਸਗੁੱਲੇ ਜਾਂ ਰਸਮਲਾਈ ਦੀ ਕੀਤੀ ਹੋਵੇ ਤਾਂ ਸਭ ਦਾ ਮਨ ਲਲਚਾਉਣ ....
ਖਾਣਾ ਖਾਣ ਤੋਂ ਬਾਅਦ ਮਿੱਠਾ ਖਾਣਾ ਬਹੁਤ ਸਾਰੇ ਲੋਕਾਂ ਦਾ ਸ਼ੌਂਕ ਹੁੰਦਾ ਹੈ ਅਤੇ ਗੱਲ ਜੇਕਰ ਰਸਗੁੱਲੇ ਜਾਂ ਰਸਮਲਾਈ ਦੀ ਕੀਤੀ ਹੋਵੇ ਤਾਂ ਸਭ ਦਾ ਮਨ ਲਲਚਾਉਣ ਲੱਗਦਾ ਹੈ। ਤੁਸੀਂ ਬਾਜ਼ਾਰ ਦੀ ਬਣੀ ਹੋਈ ਰਸਮਲਾਈ ਤੇ ਰਸਗੁੱਲੇ ਤਾਂ ਬਹੁਤ ਖਾਧੇ ਹੋਣਗੇ ਅੱਜ ਅਸੀਂ ਤੁਹਾਨੂੰ ਘਰ 'ਚ ਇਸ ਨੂੰ ਬਣਾਉਣ ਦਾ ਆਸਾਨ ਤਰੀਕਾ ਦੱਸ ਰਹੇ ਹਾਂ।
Rasmalai
ਸਮੱਗਰੀ—ਪਨੀਰ-250 ਗ੍ਰਾਮ, ਬੇਕਿੰਗ ਪਾਊਡਰ-1 ਚੁਟਕੀ, ਰਬੜੀ-500 ਗ੍ਰਾਮ, ਮੈਦਾ -2 ਵੱਡੇ ਚਮਚ, ਚੀਨੀ-600 ਗ੍ਰਾਮ, ਪਿਸਤਾ-2 ਛੋਟੇ।
Rasmalai
ਵਿਧੀ—ਸਭ ਤੋਂ ਪਹਿਲਾਂ ਅੱਧੀ ਚੀਨੀ ਕੱਢ ਕੇ ਪੀਸ ਲਓ। ਹੁਣ ਮੈਦੇ ਨੂੰ ਛਾਣ ਕੇ ਬੇਕਿੰਗ ਪਾਊਡਰ ਅਤੇ ਪਨੀਰ ਨੂੰ ਮਿਲਾ ਕੇ ਚੰਗੀ ਤਰ੍ਹਾਂ ਨਾਲ ਗੁੰਨ੍ਹ ਲਓ ਫਿਰ ਉਸ ਦੇ ਛੋਟੇ-ਛੋਟੇ ਗੋਲੇ ਬਣਾ ਕੇ ਥੋੜ੍ਹਾ ਜਿਹਾ ਚਪਟਾ ਕਰ ਲਓ। ਰਬੜੀ 'ਚ ਚੀਨੀ ਦਾ ਪਾਊਡਰ ਮਿਲਾ ਕੇ ਫਰਿਜ਼ 'ਚ ਠੰਡਾ ਹੋਣ ਲਈ ਰੱਖੋ। ਹੁਣ ਇਕ ਚਮਚ ਮੈਦੇ ਨੂੰ ਇਕ ਕੌਲੀ ਪਾਣੀ 'ਚ ਚੰਗੀ ਤਰ੍ਹਾਂ ਨਾਲ ਘੋਲੋ ਅਤੇ ਧਿਆਨ ਰੱਖੋ ਕਿ ਇਸ 'ਚ ਗੁਠਲੀਆਂ ਨਾ ਬਣਨ।
Rasmalai
ਹੁਣ ਇਕ ਚਮਚ ਮੈਦੇ ਨੂੰ ਇਕ ਕੌਲੀ ਪਾਣੀ ਪਾ ਕੇ ਉਬਾਲਣ ਲਈ ਗੈਸ 'ਤੇ ਰੱਖੋ। ਹੁਣ ਇਸ ਚਾਸ਼ਨੀ 'ਚ ਪਹਿਲਾਂ ਤੋਂ ਤਿਆਰ ਕੀਤਾ ਗਿਆ ਮੈਦੇ ਦਾ ਘੋਲ ਮਿਲਾ ਦਿਓ। ਹੁਣ ਇਸ 'ਚ ਪਨੀਰ ਦੇ ਪਹਿਲਾਂ ਤੋਂ ਬਣੇ ਹੋਏ ਗੋਲੇ ਪਾ ਕੇ ਪਕਾਓ। ਧਿਆਨ ਰੱਖੋ ਕਿ ਚਾਸ਼ਨੀ ਗਾੜ੍ਹੀ ਨਾ ਹੋ ਪਾਏ। ਲੋੜ ਪਏ ਤਾਂ ਇਸ 'ਚ ਹੋਰ ਪਾਣੀ ਮਿਕਸ ਕਰੋ।
Rasmalai
ਜਦੋਂ ਰਸਗੁੱਲਿਆਂ 'ਚ ਛੋਟੇ-ਛੋਟੇ ਛੇਕ ਦਿੱਸਣ ਲੱਗੇ ਤਾਂ ਸਮਝ ਜਾਣਾ ਕੀ ਇਹ ਬਣ ਕੇ ਤਿਆਰ ਹੈ। ਇਕ ਭਾਂਡੇ 'ਚ 1 ਲੀਟਰ ਪਾਣੀ 'ਚ ਚਾਸ਼ਨੀ ਸਮੇਤ ਸਾਰੇ ਰਸਗੁੱਲੇ ਪਾ ਕੇ ਠੰਡੇ ਹੋਣ ਲਈ ਰੱਖ ਦਿਓ। ਰਸਗੁੱਲੇ ਠੰਡੇ ਹੋ ਜਾਣ ਤਾਂ ਇਨ੍ਹਾਂ ਨੂੰ ਹਲਕੇ ਹੱਥਾਂ ਨਾਲ ਨਿਚੋੜ ਕੇ ਰਬੜੀ 'ਚ ਪਾ ਦਿਓ। ਹੁਣ ਤੁਹਾਡੀ ਰਸਮਲਾਈ ਤਿਆਰ ਹੈ ਇਸ ਦੇ ਉੱਪਰ ਪਿਸਤਾ ਪਾ ਕੇ ਖਾਓ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
