ਖਾਣ ਵਿਚ ਹੁੰਦਾ ਹੈ ਬੇਹੱਦ ਸਵਾਦ

ਸਮੱਗਰੀ: ਸੁੱਕਾ ਦੁੱਧ ਪਾਊਡਰ ਅੱਧਾ ਕੱਪ, ਕ੍ਰੀਮ ਅੱਧਾ ਕੱਪ, ਖੰਡ 4 ਚਮਚ, ਵੱਡੀ ਇਲਾਇਚੀ 2, ਦੁੱਧ ਇਕ ਚਮਚ, ਪਿਸਤਾ  ਅੱਧਾ ਚਮਚ, ਕੇਸਰ ਥੋੜ੍ਹਾ ਜਿਹਾ।
ਬਣਾਉਣ ਦਾ ਤਰੀਕਾ: ਦੁੱਧ ਵਿਚ ਕੇਸਰ ਪਾ ਕੇ ਰੱਖੋ ਤੇ ਕੜਾਹੀ ਨੂੰ ਥੋੜ੍ਹਾ ਗਰਮ ਕਰੋ ਅਤੇ ਉਸ ਵਿਚ ਕ੍ਰੀਮ ਅਤੇ ਸੁੱਕੇ ਦੁੱਧ ਦਾ ਪਾਊਡਰ ਪਾਉ ਅਤੇ ਚੰਗੀ ਤਰ੍ਹਾਂ ਮਿਲਾਉ। ਥੋੜ੍ਹੀ ਦੇਰ ਲਈ ਪਕਾਉ ਜਦੋਂ ਤਕ ਉਹ ਗਾੜ੍ਹਾ ਨਰਮ ਨਾ ਹੋ ਜਾਵੇ।

Peda

ਫਿਰ ਉਸ ਨੂੰ ਘੱਟ ਅੱਗ ’ਤੇ ਪਕਾਉ ਤੇ ਉਦੋਂ ਤਕ ਪਕਾਉਂਦੇ ਰਹੋ ਜਦੋਂ ਤਕ ਕਿ ਉਹ ਨਰਮ ਆਟੇ ਦਾ ਪੇੜਾ ਨਾ ਬਣ ਜਾਵੇ। ਇਸ ਵਿਚ ਕੇਸਰ ਦਾ ਘੋਲ ਅਤੇ ਇਲਾਇਚੀ ਪਾਊਡਰ ਪਾਉ ਅਤੇ 2-3 ਮਿੰਟ ਤਕ ਮਿਲਾਉਂਦੇ ਰਹੋ ਫਿਰ ਉਸ ਨੂੰ ਉਤਾਰ ਲਉ ਅਤੇ ਹੱਥ ਨਾਲ ਗੁੰਨ੍ਹਦੇ ਰਹੇ ਜਦੋਂ ਤਕ ਉਹ ਨਰਮ ਨਾ ਹੋ ਜਾਵੇ। ਜਦੋਂ ਖੋਆ ਠੰਢਾ ਹੋ ਜਾਵੇ ਉਦੋਂ ਉਸ ਵਿਚ ਖੰਡ ਮਿਲਾਉ ਅਤੇ ਮਿਲਾਉਣ ਤੋਂ ਬਾਅਦ ਉਸ ਦੇ ਪੇੜੇ ਬਣਾਉ। ਤੁਹਾਡੇ ਕੇਸਰ ਦੇ ਪੇੜੇ ਬਣ ਕੇ ਤਿਆਰ ਹਨ।

Peda