ਲੰਮੇ ਵਾਲਾਂ ਦੀ ਇੱਛਾ ਰੱਖਣ ਵਾਲੀ ਔਰਤਾਂ ਇਸ ਗੱਲ ਤੋਂ ਵਾਕਫ ਹੋਣਗੀਆਂ ਕਿ ਲੰਮੇ, ਮਜਬੂਤ ਅਤੇ ਚਮਕਦਾਰ ਵਾਲ ਪਾਉਣਾ ਇੰਨਾ ਆਸਾਨ ਕੰਮ ਨਹੀਂ ਹੈ ਪਰ ਐਲੋਵੇਰਾ...
ਲੰਮੇ ਵਾਲਾਂ ਦੀ ਇੱਛਾ ਰੱਖਣ ਵਾਲੀ ਔਰਤਾਂ ਇਸ ਗੱਲ ਤੋਂ ਵਾਕਫ ਹੋਣਗੀਆਂ ਕਿ ਲੰਮੇ, ਮਜਬੂਤ ਅਤੇ ਚਮਕਦਾਰ ਵਾਲ ਪਾਉਣਾ ਇੰਨਾ ਆਸਾਨ ਕੰਮ ਨਹੀਂ ਹੈ ਪਰ ਐਲੋਵੇਰਾ ਦੀ ਵਰਤੋਂ ਨਾਲ ਵਾਲਾਂ ਦੀ ਲੰਮਾਈ ਵਧਾਉਣਾ ਸੰਭਵ ਹੈ। ਅਜਿਹਾ ਇਸ ਲਈ ਕਿਉਂਕਿ ਐਲੋਵੇਰਾ ਜੈਲ ਵਿਚ ਮੌਜੂਦ ਏਮਿਨੋ ਐਸਿਡ ਅਤੇ ਐਂਜ਼ਾਇਮਸ ਵਾਲਾਂ ਦੇ ਵਿਕਾਸ ਨੂੰ ਵਧਾਉਣ ਵਿੱਚ ਕਾਫ਼ੀ ਮਦਦ ਕਰਦੇ ਹਨ।
Aloe Vera
ਇਹ ਵਾਲਾਂ ਦਾ ਝੜਨ ਦੀ ਸਮੱਸਿਆ ਵਿਚ ਵੀ ਰਾਹਤ ਦਿੰਦੇ ਹਨ ਅਤੇ ਵਾਲਾਂ ਦੇ ਵੌਲਿਊਮ ਨੂੰ ਵੀ ਬਣਾਏ ਰੱਖਣ ਦਾ ਕੰਮ ਕਰਦੇ ਹਨ। ਐਲੋਵੇਰਾ ਵਿਚ ਏੰਟੀ ਇਨਫਲਾਮੇਟਰੀ ਅਤੇ ਐਂਟੀ ਫੰਗਲ ਪ੍ਰੋਪਰਟੀ ਵੀ ਪਾਈ ਜਾਂਦੀ ਹੈ ਜੋ ਸਿਕਰੀ ਤੋਂ ਨਜਿੱਠਣ ਵਿਚ ਕਾਰਗਰ ਹੈ। ਅੱਜ ਅਸੀਂ ਐਲੋਵੇਰਾ ਨਾਲ ਜੁਡ਼ੀ ਕੁੱਝ ਅਜਿਹੀ ਰੈਸਿਪੀ ਲੈ ਕੇ ਆਏ ਹਾਂ ਜੋ ਤੁਹਾਡੇ ਵਾਲਾਂ ਦਾ ਵਿਕਾਸ ਵਧਾਉਣ ਵਿਚ ਮਦਦ ਕਰਣਗੇ।
Aloe vera gel and honey
ਐਲੋਵੇਰਾ ਜੈਲ ਅਤੇ ਸ਼ਹਿਦ
ਸਮੱਗਰੀ : 5 ਚੱਮਚ ਐਲੋਵੇਰਾ ਜੈਲ, 3 ਚੱਮਚ ਨਾਰੀਅਲ ਤੇਲ, 2 ਚੱਮਚ ਸ਼ਹਿਦ
ਢੰਗ : ਇਕ ਬਾਉਲ ਵਿਚ ਐਲੋਵੇਰਾ ਜੈਲ, ਨਾਰੀਅਲ ਤੇਲ ਅਤੇ ਕੱਚਾ ਸ਼ਹਿਦ ਲਵੋ। ਇਸ ਸਾਰੇ ਸਮੱਗਰੀ ਨੂੰ ਚੰਗੀ ਤਰ੍ਹਾਂ ਨਾਲ ਮਿਕਸ ਕਰੋ। ਇਸ ਨੂੰ ਅਪਣੇ ਸਕੈਲਪ ਉਤੇ ਲਗਾਓ ਅਤੇ ਕੁੱਝ ਮਿੰਟਾਂ ਲਈ ਮਸਾਜ ਕਰੋ। ਹੁਣ ਅਪਣੇ ਵਾਲਾਂ ਨੂੰ ਸ਼ਾਵਰ ਕੈਪ ਨਾਲ ਢੱਕ ਲਵੋ ਅਤੇ ਲਗਭੱਗ 25 ਮਿੰਟ ਲਈ ਛੱਡ ਦਿਓ। ਹੁਣ ਸਲਫੇਟ ਫਰੀ ਸ਼ੈਂਪੂ ਅਤੇ ਕੰਡੀਸ਼ਨਰ ਨਾਲ ਅਪਣਾ ਸਿਰ ਧੋ ਲਵੋ।
Aloe vera Gel and Coconut Milk
ਐਲੋਵੇਰਾ ਜੈਲ ਅਤੇ ਕੋਕੋਨਟ ਮਿਲਕ
ਸਮੱਗਰੀ : 4 ਚੱਮਚ ਐਲੋਵੇਰਾ ਜੈਲ, 4 ਚੱਮਚ ਕੋਕੋਨਟ ਮਿਲਕ, 1 ਚੱਮਚ ਕੋਕੋਨਟ ਔਇਲ।
ਢੰਗ : ਇਕ ਸਾਫ਼ ਬਾਉਲ ਲਵੋ ਅਤੇ ਉਸ ਵਿਚ ਐਲੋਵੇਰਾ ਜੈਲ, ਨਾਰੀਅਲ ਦਾ ਦੁੱਧ ਅਤੇ ਨਾਰੀਅਲ ਦਾ ਤੇਲ ਪਾਓ। ਸਾਰੀ ਸਮੱਗਰੀ ਨੂੰ ਚੰਗੀ ਤਰ੍ਹਾਂ ਮਿਕਸ ਕਰੋ। ਹੁਣ ਇਸ ਘੋਲ ਨੂੰ ਅਪਣੇ ਵਾਲਾਂ ਵਿਚ ਲਗਾਓ। ਤੁਸੀਂ ਇਸ ਗੱਲ ਦਾ ਧਿਆਨ ਰੱਖੋ ਕਿ ਇਹ ਘੋਲ ਤੁਸੀਂ ਜੜ ਤੋਂ ਲੈ ਕੇ ਪੂਰੇ ਵਾਲਾਂ ਵਿਚ ਲਗਾਓ। ਇਕ ਘੰਟੇ ਤੱਕ ਇੰਤਜ਼ਾਰ ਕਰੋ ਤਾਕਿ ਤੁਹਾਡੇ ਸਕੈਲਪ ਤੋਂ ਇਹ ਸੁੱਕ ਜਾਵੇ ਅਤੇ ਫਿਰ ਕਿਸੇ ਵਧੀਆ ਸ਼ੈਂਪੂ ਨਾਲ ਇਸ ਨੂੰ ਧੋ ਲਵੋ।
