ਫੁੱਲਾਂ ਦੀ ਤਿਆਰ ਫ਼ਸਲ ਨੂੰ ਖੇਤਾਂ 'ਚ ਹੀ ਵਾਹੁਣ ਲਈ ਮਜਬੂਰ ਹੋਏ ਫੁੱਲ ਉਗਾਉਣ ਵਾਲੇ
ਫੁੱਲਾਂ ਦੀ ਤਿਆਰ ਫ਼ਸਲ ਨੂੰ ਖੇਤਾਂ 'ਚ ਹੀ ਵਾਹੁਣ ਲਈ ਮਜਬੂਰ ਹੋਏ ਫੁੱਲ ਉਗਾਉਣ ਵਾਲੇ
ਕਰਫ਼ੀਊ 'ਚ ਨਵਰਾਤਰੇ ਲੰਘਣ ਅਤੇ ਧਾਰਮਕ ਸਥਾਨ ਬੰਦ ਹੋਣ ਕਾਰਨ ਨਹੀਂ ਰਹੀ ਫੁੱਲਾਂ ਦੀ ਮੰਗ
ਚੰਡੀਗੜ੍ਹ : ਕੋਰੋਨਾ ਸੰਕਟ ਦੇ ਚਲਦੇ ਪੰਜਾਬ 'ਚ ਜਿਥੇ ਹੋਰ ਕਾਰੋਬਾਰਾਂ ਉਪਰ ਵੱਡਾ ਅਸਰ ਪੈ ਰਿਹਾ ਹੈ, ਉਥੇ ਰਾਜ 'ਚ ਇਸ ਸੰਕਟ 'ਚ ਫੁੱਲਾਂ ਦੀ ਖੇਤੀ ਉਪਰ ਵੀ ਡਾਢੀ ਮਾਰ ਪਈ ਹੈ। ਤਿਆਰ ਖੜੀ ਫੁੱਲਾਂ ਦੀ ਪੂਰੀ ਫ਼ਸਲ ਹੀ ਬਰਬਾਦ ਹੋ ਚੁੱਕੀ ਹੈ। ਰਾਜ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਆਖ਼ਰ ਫੁੱਲਾਂ ਦੀ ਖੇਤੀ ਕਰਨ ਵਾਲੇ ਕਿਸਾਨਾਂ ਨੇ ਨਿਰਾਸ਼ ਹੋ ਕੇ ਖੇਤਾਂ 'ਚ ਖੜੀ ਅਪਣੀ ਫੁੱਲਾਂ ਦੀ ਫ਼ਸਲ ਨੂੰ ਵਾਹੁਣਾ ਸ਼ੁਰੂ ਕਰ ਦਿਤਾ ਹੈ।
File Photo
ਜ਼ਿਕਰਯੋਗ ਹੈ ਕਿ ਰਾਜ 'ਚ ਅੰਮ੍ਰਿਤਸਰ, ਪਟਿਆਲਾ, ਫ਼ਤਿਹਗੜ੍ਹ ਸਾਹਿਬ, ਮਲੇਰਕੋਟਲਾ, ਨਾਭਾ, ਸਮਾਣਾ, ਵਰਗੇ ਖੇਤਰਾਂ 'ਚ ਫੁੱਲਾਂ ਦੀ ਖੇਤੀ ਜ਼ਿਆਦਾ ਹੁੰਦੀ ਹੈ। ਫੁੱਲਾਂ ਦੀ ਖੇਤੀ 6 ਮਹੀਨਿਆਂ ਦੇ ਸਮੇਂ 'ਚ ਪੱਕ ਕੇ ਤਿਆਰ ਹੁੰਦੀ ਹੈ ਅਤੇ ਇਨ੍ਹਾਂ ਦੀ ਜ਼ਿਆਦਾ ਮੰਗ ਨਰਾਤਿਆਂ ਦੇ ਦਿਨਾਂ 'ਚ ਹੁੰਦੀ ਹੈ, ਜੋ ਕਰਫ਼ੀਊ ਦੇ ਚਲਦੇ ਸਖ਼ਤ ਪਾਬੰਦੀਆਂ 'ਚ ਲੰਘ ਚੁੱਕੇ ਹਨ।
File Photo
ਅੰਮ੍ਰਿਤਸਰ ਖੇਤ 'ਚ ਹੁੰਦੀ ਫੁੱਲਾਂ ਦੀ ਖੇਤੀ ਵੀ ਦਰਬਾਰ ਸਾਹਿਬ ਸਮੇਤ ਖੇਤਰ ਦੇ ਵੱਡੇ ਮਦਰਾਂ ਅਤੇ ਹੋਰ ਧਾਰਮਕ ਸਥਾਨਾਂ 'ਚ ਮੰਗ ਹੁੰਦੀ ਹੈ ਪਰ ਇਸ ਸਮੇਂ ਇਹ ਧਾਰਮਕ ਅਸਥਾਨ ਵੀ ਕਰਫ਼ੀਊ ਦੀਆਂ ਪਾਬੰਦੀਆਂ ਦੇ ਘੇਰੇ ਹੇਠ ਹਨ ਜਿਸ ਕਰ ਕੇ ਫੁੱਲਾਂ ਦੀ ਕੋਈ ਮੰਗ ਹੀ ਨਹੀਂ ਰਹੀ। ਵਿਆਹਾਂ ਸ਼ਾਦੀਆਂ 'ਚ ਵੀ ਫੁੱਲਾਂ ਦੀ ਮੰਗ ਹੁੰਦੀ ਹੈ ਪਰ ਇਹ ਪ੍ਰੋਗਰਾਮ ਵੀ ਕਰਫ਼ੀਊ ਦੀਆਂ ਰੋਕਾਂ ਕਾਰਨ ਰੁਕ ਗਏ ਹਨ, ਜਿਸ ਕਰ ਕੇ ਫੁੱਲਾਂ ਦੀ ਖੇਤੀ ਕਰਨ ਵਾਲਿਆਂ ਉਪਰ ਬਹੁਤ ਮਾਰੂ ਅਸਰ ਪਿਆ ਹੈ।
File Photo
ਫੁੱਲਾਂ ਦੀ ਖੇਤੀ ਕਰਨ ਵਾਲੇ ਕਈ ਕਿਸਾਨਾਂ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਇਕ ਏਕੜ ਫੁੱਲਾਂ ਦੀ ਖੇਤੀ ਕਰਨ ਵਾਲੇ ਕਈ ਕਿਸਾਨਾਂ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਇਕ ਏਕੜ ਫੁੱਲਾਂ ਦੀ ਖੇਤੀ ਉਪਰ 40 ਤੋਂ 70 ਹਜ਼ਾਰ ਰੁਪਏ ਤਕ ਦਾ ਖ਼ਰਚਾ ਹੁੰਦਾ ਹੈ ਅਤੇ ਆਮਦਨ ਪ੍ਰਤੀ ਏਕੜ 2 ਲੱਖ ਰੁਪਏ ਤਕ ਵੀ ਹੋ ਜਾਂਦੀ ਹੈ ਪਰ ਇਸ ਸਮੇਂ ਕੋਰੋਨਾ ਸੰਕਟ ਦੇ ਚਲਦੇ ਸਾਰੀ ਖੇਤੀ ਉਜੜ ਗਈ ਹੈ ਅਤੇ ਫੁੱਲ ਮੁਰਝਾ ਚੁੱਕੇ ਹਨ, ਜਿਨ੍ਹਾਂ ਨੂੰ ਖੇਤਾਂ 'ਚ ਹੀ ਵਾਹੁਣ ਤੋਂ ਬਗ਼ੈਰ ਹੁਣ ਹੋਰ ਕੋਈ ਚਾਰਾ ਨਹੀਂ ਬਚਿਆ।
File Photo
ਫੁੱਲਾਂ ਦੀ ਖੇਤੀ ਕਰਨ ਵਾਲੇ ਕਈ ਕਿਸਾਨਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਸਰਕਾਰ ਦੀ ਸਲਾਹ ਮੁਤਾਬਕ ਹੀ ਕਣਕ ਅਤੇ ਝੋਨੇ ਦੇ ਬਦਲ ਵਜੋਂ ਰੰਗ ਬਰੰਗੇ ਫੁੱਲਾਂ ਦੀ ਖੇਤੀ ਫ਼ਸਲੀ ਵਿਭਿੰਨਤਾ ਤਹਿਤ ਕੀਤੀ ਸੀ, ਜਿਸ ਕਰ ਕੇ ਹੁਣ ਸਰਕਾਰ ਨੂੰ ਉਨ੍ਹਾਂ ਦੀ ਬਾਂਹ ਫੜਨੀ ਚਾਹੀਦੀ ਹੈ। ਨੁਕਸਾਨ ਮੁਤਾਬਕ ਢੁਕਵਾਂ ਮੁਆਵਜ਼ਾ ਦੇਣਾ ਚਾਹੀਦਾ ਹੈ ਤਾਂ ਜੋ ਭਵਿੱਖ 'ਚ ਵੀ ਉਹ ਫੁੰਲਾਂ ਦੀ ਖੇਤੀ 'ਚ ਦਿਲਚਸਪੀ ਕਾਇਮ ਰੱਖ ਸਕਣ।
