ਖੇਤੀ ਦੀ ਲਾਗਤ ਵਿਚ ਹੋ ਰਹੇ ਵਾਧੇ ਕਾਰਨ ਕਿਸਾਨਾਂ ਲਈ ਖੇਤੀ ਘਾਟੇ ਦਾ ਸੌਦਾ ਬਣਦੀ ਜਾ ਰਹੀ ਹੈ ਜਿਸ ਵਿਚ ਸੱਭ ਤੋਂ ਵੱਧ ਕਿਸਾਨਾਂ ਦਾ ਖ਼ਰਚਾ ਕੀਟਨਾਸ਼ਕ ਜਾਂ ....
ਖੇਤੀ ਦੀ ਲਾਗਤ ਵਿਚ ਹੋ ਰਹੇ ਵਾਧੇ ਕਾਰਨ ਕਿਸਾਨਾਂ ਲਈ ਖੇਤੀ ਘਾਟੇ ਦਾ ਸੌਦਾ ਬਣਦੀ ਜਾ ਰਹੀ ਹੈ ਜਿਸ ਵਿਚ ਸੱਭ ਤੋਂ ਵੱਧ ਕਿਸਾਨਾਂ ਦਾ ਖ਼ਰਚਾ ਕੀਟਨਾਸ਼ਕ ਜਾਂ ਨਦੀਨਨਾਸ਼ਕਾਂ 'ਤੇ ਹੁੰਦਾ ਹੈ। ਕਿਸਾਨ ਜੇਕਰ ਇਨ੍ਹਾਂ ਦੀ ਵਰਤੋਂ ਨੂੰ ਘਟਾ ਕੇ ਜੈਵਿਕ ਖੇਤੀ ਵੱਲ ਵਧੇ ਤਾਂ ਕਿਸਾਨ ਅਪਣਾ ਖ਼ਰਚਾ ਬਚਾ ਸਕਦੇ ਹਨ। ਕਿਸਾਨਾਂ ਵਲੋਂ ਸਮੇਂ-ਸਮੇਂ 'ਤੇ ਨਵੇਂ ਤਰੀਕੇ ਕੱਢੇ ਜਾਂਦੇ ਹਨ
File Photo
ਜਿਸ ਨਾਲ ਉਹ ਜੈਵਿਕ ਤਰੀਕੇ ਨਾਲ ਕੀੜਿਆਂ ਦੀ ਰੋਕਥਾਮ ਕਰ ਸਕਦੇ ਹਨ। ਕਿਸਾਨਾਂ ਦੇ ਘਰ ਵਿਚ ਮੌਜੂਦ ਗੋਬਰ, ਪਸ਼ੂ-ਮੂਤਰ, ਖੱਟੀ ਲੱਸੀ ਅਤੇ ਕਈ ਤਰ੍ਹਾਂ ਦੇ ਪੌਦਿਆਂ ਦੇ ਰਸ ਤੋਂ ਘੋਲ ਤਿਆਰ ਕੀਤੇ ਜਾ ਸਕਦੇ ਹਨ ਜਿਸ ਨਾਲ ਕੀੜਿਆਂ ਦੀ ਰੋਕਥਾਮ ਕੀਤੀ ਜਾ ਸਕਦੀ ਹੈ। ਜਿਵੇਂ ਹੁਣ ਝੋਨੇ ਦੀ ਫ਼ਸਲ ਆ ਰਹੀ ਹੈ ਤਾਂ ਫ਼ਸਲ ਵਿਚ ਅਲੱਗ ਅਲੱਗ ਤਰ੍ਹਾਂ ਦੇ ਕੀੜਿਆਂ ਦਾ ਹਮਲਾ ਹੁੰਦਾ ਹੈ ਜਿਸ ਦੀ ਰੋਕਥਾਮ ਲਈ ਤੁਸੀਂ ਹੇਠਾਂ ਦਿਤੇ ਤਰੀਕੇ ਅਪਣਾ ਸਕਦੇ ਹੋ:-
File Photo
ਤਣਾ ਛੇਦਕ ਦੀ ਰੋਕਥਾਮ:- ਫ਼ਸਲ ਵਿਚ ਤਣਾ ਛੇਦਕ ਸੁੰਡੀ ਦੀ ਰੋਕਥਾਮ ਲਈ 10 ਲਿਟਰ ਪਾਣੀ ਵਿਚ ਹਰੀ ਮਿਰਚ, ਤਮਾਕੂ, ਪਿਆਜ਼ ਅਤੇ ਹਿੰਗ ਦਾ ਮਿਸ਼ਰਣ ਤਿਆਰ ਕਰੋ। ਇਸ ਵਿਚ 50 ਮਿਲੀਲਿਟਰ ਖੱਟੀ ਲੱਸੀ ਮਿਲਾ ਕੇ ਪ੍ਰਤੀ ਪੰਪ ਡੇਢ ਲਿਟਰ ਇਸ ਘੋਲ ਦਾ ਛਿੜਕਾਅ ਕਰੋ। ਇਸ ਨਾਲ ਸੁੰਡੀ ਦੀ ਰੋਕਥਾਮ ਹੋ ਜਾਂਦੀ ਹੈ। ਖੇਤ ਵਿਚ ਦੇਸੀ ਅੱਕ ਦੇ ਪੱਤਿਆਂ ਦਾ ਕੁਤਰਾ ਪਾਉਣ ਨਾਲ ਵੀ ਸੁੰਡੀ ਦੀ ਰੋਕਥਾਮ ਹੁੰਦੀ ਹੈ।
File Photo
ਸੀਤਾਫਲ ਦੇ ਪੱਤਿਆਂ ਦਾ ਘੋਲ:- ਸੀਤਾਫਲ ਦੇ ਦੋ ਕਿਲੋ ਪੱਤਿਆਂ ਨੂੰ 10 ਲਿਟਰ ਪਾਣੀ ਵਿਚ ਅੱਧੇ ਘੰਟੇ ਤਕ ਉਬਾਲੋ। ਉਬਲਦੇ ਸਮੇਂ ਘੋਲ ਨੂੰ ਲਗਾਤਾਰ ਹਿਲਾਉਂਦੇ ਰਹੋ। ਠੰਢਾ ਹੋਣ 'ਤੇ ਇਸ ਘੋਲ ਨੂੰ ਕਪੜੇ ਨਾਲ ਪੁਣ ਕੇ ਇਸ ਵਿਚ 200 ਗ੍ਰਾਮ ਰੀਠਾ ਪਾਊਡਰ ਮਿਲਾ ਦਿਉ। ਹੁਣ ਇਸ ਘੋਲ ਨੂੰ 100 ਲਿਟਰ ਪਾਣੀ ਵਿਚ ਮਿਲਾ ਕੇ ਇਕ ਏਕੜ ਫ਼ਸਲ 'ਤੇ ਆਥਣ ਵੇਲੇ ਛਿੜਕ ਦਿਉ। ਇਹ ਹਰ ਫ਼ਸਲ ਵਿਚ ਰਸ ਚੂਸਣ ਵਾਲੇ ਕੀੜਿਆਂ ਦੀ ਰੋਕਥਾਮ ਕਰਦੀ ਹੈ। ਫ਼ਸਲ 'ਤੇ ਕੀਟਾਂ ਦੇ ਹਮਲੇ ਅਨੁਸਾਰ 2 3 ਵਾਰ ਛਿੜਕਾਅ ਕਰੋ।
Turmeric
ਹਲਦੀ ਦਾ ਘੋਲ:- ਇਕ ਕਿਲੋ ਹਲਦੀ ਨੂੰ ਪੀਹ ਕੇ ਇਸ ਨੂੰ ਚਾਰ ਲਿਟਰ ਗਊਮੂਤਰ ਵਿਚ ਘੋਲ ਦਿਉ। ਇਸ ਮਿਸ਼ਰਣ ਨੂੰ ਕਪੜੇ ਨਾਲ ਪੁਣ ਕੇ ਇਸ ਵਿਚ 200 ਗ੍ਰਾਮ ਰੀਠਾ ਪਾਊਡਰ ਮਿਲਾ ਕੇ 100 ਲਿਟਰ ਪਾਣੀ ਵਿਚ ਰਲਾ ਕੇ ਆਥਣ ਵੇਲੇ ਫ਼ਸਲ 'ਤੇ ਛਿੜਕ ਦਿਉ। ਇਹ ਤੇਲੇ, ਚੇਪੇ, ਤਮਾਕੂ ਸੁੰਡੀ ਅਤੇ ਤਣਾ ਛੇਦਕ ਦੀ ਰੋਕਥਾਮ ਕਰਦੀ ਹੈ। ਲੋੜ ਮੁਤਾਬਕ ਹਰ ਫ਼ਸਲ 'ਤੇ ਇਸ ਦੇ 2-3 ਛਿੜਕਾਅ ਕੀਤੇ ਜਾ ਸਕਦੇ ਹਨ।
